Регион
Бајден во Турција ги смирува тензиите, вели дека САД соработуваат околу Ѓулен
Американскиот потпретседател Џозеф Бајден изјави во средата вечерта во Анкара дека ги „разбира силните емоции“ на турската влада и на народот во врска со исламскиот проповедник Фетулах Ѓулен кој од 1999 година живе во егзил во САД и кого Турција го обвинува, меѓу другото, дека стои и зад неуспешниот обид за воен преврат од 15-ти јули, и порача дека Вашингтон соработува во разгледувањето на доказите против клерикот чие екстрадирање го бараат турските власти, но дека мора да се почитуваат правните стандарди.
Меѓутоа, Турција мора да пружи повеќе докази кои го товарат 75-годишниот поранешен имам Фетулах Ѓулен кој живее во американската сојузна држава Пенсилванија, доколку сака да го издејствува неговото екстрадирање, изјави американскиот потпретседател Џозеф Бајден по срдбите со турските челници, истакнувајќи дека не е поднесен „ниеден доказ“ за неговата наводна вмешаност во неуспешниот државен удар.
Еднодневната посета на Бајден на Турција треба да придонесе за подобрување на односите меѓу двете земји сојузнички во НАТО кои се ставени на искушение по пропаднатиот обид за државен удар и нестрпливите повици на Анкара за израчување на Ѓулен.
Бајден, кој во текот на посетата на Анкара неколкупати тврдеше дека САД „соработуваат со турските власти“, истакна дека сојузните судови се надлежни за одлуката за судбината на клерикот кој создал голема мрежа добротворни организации, образовни институции, медиуми и компании, како во Турција, така и во многу други муслимански земји, како и во одделни региони на Балканот.
„Немаме никакви, баш никакви интереси да штитиме лице кои би му наштетило на сојузникот, но мораме да ги почитуваме барањата за правосудни норми во САД. За тој процес потребно е време (…) Бесот на турскиот народ е сосема разбирлив“, изјави Бајден.
Големо мнозинство Турци сметаат дека Ѓулен е одговорен за неуспешниот пуч кој го следи голема чистка на неговите приврзаници во турските јавни служби и во граѓанските здруженија. Поранешниот имам неколкупати изјави дека не е поврзан на никакво начин со пучистите, и оти таквиот начин на доаѓање на власт е спротивен од неговите начела.
По средбата со турскиот претседател Реџеп Тајип Ердоган, Бајден истакна дека траењето на постапката „ќе зависи од поднесените докази“. „Досега, односно до вчера, не е поднесен никакво доказ за државниот удар“, рече американскиот потпретседател.
Минатата седмица американскиот Стејт департмент потврди дека го добил барањето на Турција за екстрадиција на Ѓулен, но посочи дека во него се наведени други обвинувања, а не вмешаност во обидот за воен удар.
„Кога одите на американски суд не можете да кажете ’тој е лошо момче’, туку ’овој маж или оваа жена сториле такво и такво кривично дело’“, додаде Бајден.
Американскиот потпретседател притоа му се извини на Ердоган што не успеал да ја посети Анкара порано. Бејден, единствениот висок американски функционер кој одржува блиски односи со Ердоган, е највисокиот западен челник кој ја посети Турција по настаните од 15-ти јули.
Ердоган, пак, потсети дека „што поскорото“ предавање на Ѓулен е неговата главна задача, додавајќи „Мислам дека САД ќе ги преземат неопходните мерки за да се одговори на оправданите очекувања на Турција во врска со тоа“. Тој пред средбата со Бајден изјави дека Турција ќе продолжи да им испраќа на американските функционери документи за да ги докаже своите тврдења и да го издејствува предавањето на Ѓулен.
Бајден претходно рече дека САД соработуваат со Турција во врска со доказите околу Ѓулен, како и дека Анкара испраќа дополнителни информации за клерикот.
Турскиот премиер Бинали Јилдрим по состанокот со американскиот потпретседател рече дека Турција и САД не смеат да дозволат инцидентите да им наштетат на нивните односи, но и нагласи дека Анкара очекува правниот процес за екстрадицијата на Ѓулен да биде спроведен без одложување./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Регион
Не ги навредив Бугарите, туку ја критикував нашата влада, објасни хрватскиот претседател по изјавата на која реагираше Софија
Хрватскиот претседател Зоран Милановиќ изјави дека со изјавата дека Хрватска е „на дното на ЕУ по повлекувањето на европските пари, а само Бугарија е полоша“, не ги навредил Бугарите, туку ја исмејува хрватската влада која прави „будали и социјални случаи“ од нејзините граѓани.
Милановиќ претходно рече дека „Хрватска е дното на Европската унија и дека само Бугарија е полоша“, па секој ден се молат на Бога, Бугарија да остане последна и ништо да не и се случи, бидејќи во спротивно би била Хрватска“. По изјавата, според хрватските медиуми, Бугарите ја повикале хрватската амбасадорка во Софија, Јасна Огњеновац и изразиле незадоволство, пренесува порталот „Индекс“.
Бугарското Министерство за надворешни работи на хрватскиот амбасадор му пренело „длабоко разочарување од изјавата на претседателот Милановиќ“, каде што истакнале „дека изјавата е неприфатлива за Бугарија и не е во согласност со одличните билатерални односи меѓу Хрватска и Бугарија“.
Тие истакнаа и дека се надеваат дека „хрватската влада ќе се огради од таа изјава“.
„Не ги навредив Бугарите, туку исмевав некои елементи на хрватската влада кои не’ прават будали и социјален случај“, рече шефот на хрватската држава и додаде дека претходно ја критикувал земјата на тема повлекување европски пари.
„Дали можеме да кажеме дека Хрватска се моли Сингапур последен да подигне пари? Дали тоа звучи подобро? Но, Сингапур не е европска земја. Значи некој мора да биде последен. Тоа е Бугарија, а Хрватска е претпоследна“, рече Милановиќ и потсети дека тоа се статистички податоци и дека тоа досега го кажал десет пати.
„Тоа е потсмев, за жал, на сметка на некои во Хрватска кои не прават социјален случај, кои не можат да земат доволно европски средства, па затоа сме претпоследни. Нормално, гледаш кој е последен. Бугарија е последна, секогаш е последна (…) Хрватска е претпоследна“, рече Милановиќ.
„И тоа е факт за кој зборував десет пати. Алелуја (…) Тоа се факти за кои мора да се разговара во политиката бидејќи се многу релевантни податоци. Зошто Хрватска е претпоследна? Зошто не е петата одоздола, или петта одозгора. Зошто не е? Веројатно некој е одговорен за тоа“, додаде тој.
На крајот, како што додаде, никој не се моли Бугарија да пропадне, туку дека неговата изјава е верзија на американската шега за сојузната држава Арканзас, која „се моли на Бога Мисисипи, кој е најсиромашниот, да биде здрав и добро“, бидејќи во спротивно тоа би бил Арканзас.
„За да го знаете тоа, треба да прочитате нешто во животот, а не да се занимавате со селски скандали“, рече Милановиќ.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.