Регион
Ердоган: Најголемиот купувач на нафта од IS e Сириец со руско државјанство
Турскиот претседател Реџеп Тајип Ердоган изјави во четвртокот како одговор на руските обвинувања дека членови од неговото семејство се вмешани во нелегалното купување на нафта од терористичката група Исламска држава, дека најголем купувач на нафта од споменатата екстремна сунитска организација е бизнисмен од Сирија, кој наводно имал и руско државјанство.
„Најголемиот купувач на нафта од Исламската држава, е сопственикот на руски и сириски пасоши, Џорџ Хашрави, тој ја продава нафтата и на сирискиот режим, таа информација ја соопшти министерството за финансии на САД“, изјави турскиот претседател Реџеп Тајип Ердоган во говорот во Анкара на конгресот на синдикатите. Ердоган вети дека турските власти ќе приложат докази за неговото учество во тој бизнис, пренесуваат турските медиуми во четвртокот.
Министерството за финансии на САД на 25-ти ноември објави дека на листата на лица кои се санкционирани го ставила извесен бизнисмен Џорџ Хасуани, обвинувајќи ја неговата компанија „HESCO Engineering and Construction Cо“ дека продава нафта на владата на сирискиот претседател Башар ал-Асад и на други страни кои не се наведени, којашто ја купува од Исламската држава. Според сознанијата на американското министерство за финансии, Хасуани имал сириско и руско државјанство, што не е потврдено. Ердоган најверојатно мислел на ова лица, претпоставуваат медиумите.
Турскиот претседател, исто така, пред синдикатите повторно вети дека ќе поднесе оставка на должноста доколку Русија обезбеди докази дека властите во Турција се вмешани во купувањето нафта која Исламската држава ја краде од нафтоносните полиња и рафинерии во Сирија и Ирак.
Руското министерство за одбрана во средата на брифинг со новинарите во Москва презентираше сателитски и авионски снимки и разузнавачки податоци за кои тврди дека докажуваат оти блиски луѓе на турскиот претседател Ердоган организирано и масовно превезуваат огромни количества нафта преку сириско-труската граница која ја продава на црниот пазар Исламската држава.
Такви обвинувања искажа и шефот на разузнавањето на „умерената“ сириска бунтовничка група Слободна сириска армија (FSA), генерал-мајорот Хосам ал-Авак, кој тврди дека поседува документација и договори дека Турција купува нафта од џихадистите, како и оти води друг вид трговија.
Американскиот Стејт департмент, соопшти дека руските материјални не ги смета за доказ и оти „не гледа директна вмешаност“ и оти на турскиот претседател или негови блиски во илегалната трговија со нафта, но истовремено призна дека дел нафтата што ја шверцува Исламската држава навистина минува низ границата со Турција и оти може да влегува на локалниот пазар./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.