Регион
Посетата на Путин – поттик за развој на српско-руските економски односи
Рускиот претседател Владимир Путин, за време на својата посета на Белград во четврток ќе оствари одделни средби со српскиот претседател Томислав Николиќ и српскиот премиер Александар Вучиќ, а од страната на Николиќ ќе му биде врачен и орденот на Република Србија.
Путин ќе биде почесен гостин на воената парада по повод 70-годишнината од ослободувањето на Белград, а за време на посетата ќе положи цвеќе пред Споменикот на ослободителите на Белград и хероите на Првата светска војна.
Според Николиќ, посетата на рускиот претседател е од голема корист за земјата, бидејќи ќе бидат потпишани неколку важни билатерални договори. Освен тоа, двете страни ќе разговараат и за заедничките проекти кои се реализирани од страна на српските и руските компании, како и околу перспективата за понатамошната соработка, соопштиле од кабинетот на српскиот претседател.
Во интервју за руските медиуми, српскиот премиер Александар Вучиќ изјавил дека со Путин ќе разговара околу конкретни теми, пред се за економската соработка и натамошниот развој на взаемните односи во областа на енергетиката и земјоделството. Според Вучиќ, енергетиката е една од најперспективните области од руско-српската соработка, но има и многу прашања од оваа област кои треба да се решат.
Тој навел дека српската влада има за цел и натамошен развој на партнерските односи со руската Железница и реализација на нови заеднички проекти, како и привлекување на руски инвестиции во областа на земјоделството. Вучиќ исто така нагласил дека Србија нема намера да и воведе санкции на Русија поради украинската криза.
Во составот на руската делегација ќе бидат министерот за енергетика Александар Новак, претседателот на управата на „Газпром“ Алексеј Милер, началникот на федералната царинска служба Андреј Бељанинов, министерот за вонредни состојби и цивилна одбрана Владимир Пучков и началникот на федералната миграциска служба Константин Ромодановски.
Во рамките на посетата е предвидено потпишување на девет документи, помеѓу другото и за соработка во областа на развојот на воено-техничката соработка, енергетика и железнички сообраќај.
Планирано е Руската енергетска агенција и Министерството за енергетика на Русија да потпишат со Министерството за енергетика на Србија меморандум од областа на енергетската ефикасност, штедењето на енергија и обновливите извори на енергија.
„Меѓу документите кои се подготвени за потпишување се наоѓа и дополна на договорот за реконструкција на северните делници на пругите, во рамките на развојот на европскиот сообраќаен коридор. Исто така, меѓу документите има и дополна на договорот за испорака на дизел-моторни возови“, изјавил помошникот на рускиот претседател, Јуриј Ушаков.
Исто така, како што е најавено од Кремљ, планирано е руската компанија „Газпромекспорт“, Владата на Србија и српските гасни компании да потпишат протокол. Двете страни ќе потпишат и меѓувладин договор за взаемната заштита на тајните информации, за условите за престојот, привилегиите и имунитетот на руско-српскиот хуманитарен центар, за воено-техничката соработка, за реадмисијата, како и протокол за размена на податоци за царинската вредност на стоката.
Ушаков додал дека руската страна има намера повторно да го покрене прашањето за даноците на Нафтената индустрија на Србија, која е во мнозинско сопствеништво на руската компанија „Гаспромнјефт“.
Најавувајќи ја посетата на Путин, рускиот амбасадор во Белград, Александар Чепурин изјавил дека таа има три главни елементи, од кои најважната цел е пријателските односи меѓу народите, но и политичките, да се трансформираат во економска, научна и културна соработка.
Втората цел на посетата е да им се оддаде почит на српските и руските херои, а третата цел е контакт меѓу двете раководства за решавање на билатералните прашања, но и на оние кои се присутни на светската политичка сцена.
Според Чепурин, посетата на Путин на Белград има позитивна конотација, а соработката на Русија со Србија не е насочена против никого, туку е корисна за двете земји, Европа и целиот свет.
„Судено е оваа посета да биде успешна. Ништо не може да го спречи тој успех, можеби само доколку има дожд за време на парадата“, рекол Чепурин.
Посетата на рускиот претседател на Белград ќе биде негова трета посета на српскиот главен град – во 2001 година ја посети Србија како шеф на државата, а десет години подоцна и како премиер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.