Регион
Првата операција на враќање бегалци од Лезбос и Хиос мина мирно
Во мугрите во понеделникот од грчките острови во Егејското Море, Лезбос и Хиос, три турски брода натоварија 202 мигранти кои отпатуваа за Турција со што е реализиран првата примената до договорот меѓу Европската унија и Турција од март, чија цел е да се прекине ткн „егејска миграциска рута“, пренесуваат агенциите.
Лицата кои се прогонуваат, речиси сите млади мажи кои илегално по 20-ти март влегле во Грција, а согласно договорот меѓу Брисел и Анкара, сите се имигранти кои во Грција пристигнале до посочениот датум, а не побарале азили или не ги исполнуваат условите да добијат азил, па оттаму според договорот мора да бидат вратени во Турција.
Првата група мигранти која Грција ја врати во Турција во понеделникот утрото беше упатена кон турското пристаниште Дикили, каде што во неделата протестираше локалното население, тврдејќи дека во нивниот град нема услови за прифаќање на имигрантите.
Преку егејските острови во Европа во текот на минатата 2015 година влегле околу 850.000 мигранти, од вкупно повеќе од 1,1 милион кои бегаат од војните и сиромаштијата. Во првите три месеца од оваа година, пак, на грчките острови пристигнале уште 150.000 мигранти.
За околу 2.000 лица од центарот за прифаќање мигранти во Морија на Лезбос, приоритет е да побараат азил во Грција, изјавил во телефонски разговор AFP Авганистанецот кој се претставил како Туфик. „Разговаравме со адвокатите кои ни објаснија што е најдобро да се стори“, рекол.
Во кампот во Морија, десетина километри оддалечен од пристаништето, локалните власти немале во понеделникот никакви проблеми со бегалците. Без да дадат отпор и без да покажуваат гнев, како изминатите денови, повеќето младите мажи се истовариле од автобусите кои ги довеле од кампот за регистрација на имигрантите на Лезбос, и со полициска и придружба од агентите на европската агенција за заштитата на границите на ЕУ Фронтекс, се качиле на бродовите за Турија. Идентична е ситуацијата и на Хиос, другиот егејски остров, каде што доаѓаа имигрантите од турскиот брег, пренесуваат грчките медиуми.
На една од фотографиите кои беа поставени на сервисот за микроблогирање Twitter снимена на еден од бродовите атмосферата е тмурна. На неа двајца имигранти и двајца агенти на Фронтекс, со хигиенски маски преку лицето.
Фронтекс претходно во понеделникот извести дека вратените лица главно се од Пакистан и од северноафриканските земји, како и дека немаат право на азил во земјите на Европската унија. Само двајца мажи на бродовите се Сиријци, коишто доброволно се вратиле во Турција. „На Лезбос целата постапка мина многу мирно“, задоволно изјави портпаролката на Фронтекс, Ева Монкур.
Во пристаништето Митилена се собрале педесетина демонстранти. „Тажна сум поради нивната судбина, не се знае што ќе биде со нив …., тоа е тажно и фрустрира“, изјавила една германска државјанка за AFP. На фасадата на блискиот хотел е истакнат транспарентот со мотото „Турција не е сигурна земја“, со што се алудира на меѓународните закони кои бранат враќање на беглаци во земјите во кои не им е гарантирана безбедноста..
„Стоп за депортациите!“, „Срамете се!“ и „Европа, разбуди се!“, извикувала мала група демонстранти кои се собрале и на островот Хиос. Млада мајка во рацете држела бебе со капче на коешто пишувало „Не на Турција“, пренесуваат медиумите./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србија се соочува со сериозен недостиг на работници во автосервисите
Србија се соочува со сериозен дефицит на квалификувани работници во автосервисите, а според проценките недостасуваат меѓу 30.000 и 40.000 занаетчии од сите профили. Овој проблем не е специфичен само за нашите соседи, туку е присутен и во цела Европа, каде автомеханичарите и каросериските работници се едни од најдефицитарните професии.
Побарувачка за механичари и машинисти
Една од најбараните групи занимања се механичарите и машинистите, каде што работодавачите бараат речиси 300 мајстори од овој профил во канцеларијата за труд. Интересно е што многу работодавци се подготвени да ги вработат овие работници и без претходно искуство, а понудените плати се движат од 70.000 до над 150.000 динари. Овој податок укажува на голема побарувачка за овој профил на работници и можности за добро платена работа дури и за оние без искуство.
Проблеми со незаконската работа
Еден од проблемите со кои се соочува оваа индустрија е незаконското вршење на сервисирање возила. Неофицијално, се проценува дека околу половина од автосервисите се диви, што создава сериозни проблеми и од аспект на фер конкуренција и од еколошки аспект. Имено, сервисерите на автомобили имаат обврски во однос на отстранувањето на опасниот отпад, како што е моторното масло, а незаконското извршување на овие работи може да има штетни последици за животната средина.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.