Регион
Србија: 36.000 имигрантите во шест месеци изразиле желба да бараат азил
Од почетокот на 2015 година околу 36 илјади лица изразиле намера да побараат азил во Србија, а меѓу нив најмногу се бегалци од Сирија и од Авганистан, како и до Сомалија и Ирак, изјави во петокот министерот за внатрешни работи, Небојша Стефановиќ.
Мигрантите на својот пат кон земјите од западна Европа доаѓаат преку рутата од Сирија преку Турција, Грција и Македонија, а транзитни земји им се Србија и Унгарија, а понатаму Австрија и Германија, па е потребно да се бара решение на ниво на цела Европа, порача српскиот министер за внатрешни работи Небојша Стефановиќ во разговорот за телевизијата Пинк.
Истакна притоа дека понекогаш и меѓу 700 и 800 луѓе дневно влегуваат на територијата на Србија и изразуваат намера да побараат азил во земјата, но дека за повеќето од нив Србија е само едена од транзитните држави кон Западна Европа.
Стефановиќ претходно одговарајќи на пратенички прашања во Скупштината на Србија, изјави дека „сите бројки укажуваат дека огромен број луѓе допрва ќе пристигаат“, како и дека е формиран републички штаб во кој се и министрите за социјална грижа из а здравство.
Според последните извештаи на државниот институт за јавно здравје „Батут“, „епидемиолошката ситуација е под контрола“, и „само неопходни мерки се преземени кај луѓето кои работат во центрите за прием“, а безбедносната ситуација, сразмерно со бројот на мигрантите, е задоволителна, бидејќи „регистриран е минимален број инциденти“.
Стефановиќ, исто така, истакна дека во Србија нема доволно капацитетите за прифаќање на сите мигранти, бидејќи „тоа го нема во моментов никој во Европа“, и дека „се работи на зголемувањето на капацитетите“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.