Регион
Србија: Илјадници мигранти пристигнаа во Прешево, илјадници се уште чекаат
Група од околу две илјади мигранти во текот на ноќта пристинале во Прешево, откако пет илјади лица во 50 автобуси тргнаа за Србија, известува Танјуг.
Пред прифатниот центар во Прешево има колона долга повеќе од половина километар, а според Танјуг се работи за група од околу две илјади луѓе кои во саботата го пробија кордонот на македонската полицја и ја поминаа грчко-македонската граница.
Бегалците рекле дека во Србија влегле без проблем и дека немале никави проблеми со полицијата. Пред прифатниот центар во Прешево редот е доста голем а од Црвениот крст, УНХЦР и Комесаријатот за бегалци на мигрантите им делат храна, вода и средства за хигиена. Во Прешево има и неколку автобуси кои мигрантите ќе ги пренесат до Белград.
Танјуг наведува дека големиот број на мигранти кои ја преминале грчко-македонската граница во саботата и стигнаа до Гевгелија, потоа со организиран превоз – автобуси, минибуси и такси возила заминаа за Србија.
Според Јасмин Реџепи од невладината организација Легис, специјалната единица на македонската полиција – ЕБР, со помош на локалната полиција организирала превоз за сите мигранти кои во саботата биле затекнати во Гевгелија. Според Реџепи се работи за „неофицијален“ превоз и дека бројката на мигранти изнесува скоро пет илјади.
„Тоа значи дека автопревозници од сите страни на Македонија дојдоа да ги префрлат патницити, односно мигрантите до српската граница. Имаше десетици автобуси, повеќе од 50, исто така и минибуси и такси возила. Тоа што е најважно е дека луѓето плаќаат за својот превоз, како што и досега го правеа тоа со автобусите и возовите“, рекол Реџепи.
Според него, она што се случи во саботата, кога околу илјада мигранти на две места го пробија кордонот на полицијата на границата, е последица на тоа што полицијата загубила контрола па ги пропуштила луѓето, а дел од границата некои ја преминале и сами, така што не можеле на сила да ги спречат и на крајот сите тие успеале да влезат во македонска територија.
„Малтене ја окупураа Гевгелија, имаше поплава од луѓе, околу 4-5 илјади влегоа во градот, возовите примија колку што можеа, а потоа се организираше неофицијален превоз за остантите“, рекол Реџепи.
Агенцијата Бета пренесува дека додека се вршел неофицијалниот организиран превоз на мигрантите, истовремено на железничката станица во Гевгелија околи три илјади бегалци од северот на Африка и Блиски Исток од саботата вечер чекаат вонредни возови кои ќе ги пренесат до граничниот премин Табановце на границата со Србија. Тие спијат на тротоари, клупи и паркови во близината на граничниот премин со Грција, кој е обезбедуван од засилени патроли на македонската војска и полиција.
Од македонското МВР најавиле дека полицијата и натаму ќе ги пропушта бегалците од грчка страна во групи од по 200 до 300 луѓе, пришто предност имаат жените и децата. Се очекува сите од Грција и Македонија да се упатат кон Србија, бидејќи намерата на повеќето од нив е да го продолжат својот пат кон развиените земји на ЕУ и таму да побараат азила./крај/мф/бс
Извор: Фото/Танјуг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.