Европа
За Порошенко воениот притисок врз Украина ќе трае со децении
Воениот притисок од Русија и рускојазичните бунтовници на истокот од земјата врз Украина веројатно ќе трае со децении и идните генерации ќе мора да минуваат воена обука, изјави во саботата украинскиот претседател Петро Порошенко.
Станува збор за едно од помрачните сценарија кои украинскиот претседател Пртро Прошенко ги искажа во последно време, говорејќи во саботата пред војниците и офицерите во Харковскиот регион, неколку дена пред срдбата со германската канцеалрка Ангела Меркел и францускиот претседател Франсоа Оланд во Берлин и ги повика да извршат притисок врз Москва „да се придржува за мировниот план од Минск“, за кој истакна дека ѝ дал време на Украина да се вооружи и да ја подобри својата одбранбена способност, пренесува Reuters.
Порошенко во говорот при предавањето на опрема и оружје на армијата, ги пофали украинските сили за „борбата против руската офанзива во судирот со сепаратистите“, кои избувна во април 2014 година во доминантно рускојазичната источна област Донебс, откако новите прозападни сили во Киев откако го соборија претседателот Виктор Јанукович ги сменија локалните власти и поставија свои и го укинаа рускиот јазик како официјален.
Меѓутоа, Порошенко предупреди дека тој „гледа можност за голема ескалација на воена акција на проруските сепаратисти“ во време на прославата на украинскиот Ден на независноста во понеделник.
„Воената закана од истокот е чувствителна реалност за децениите кои доаѓаат. Тие закани нема да исчезнат во блиска иднина и секоја генерација Украина ќе мора да има воено искуство“, рече Порошенко.
Тој претходно во саботата изјави дека ќе се преземат чекори во професионализацијата на украинските сили преку склучување на договори, како и дека во 2015 година буџетот на Вооружените сили на Украина дистигнале рекордно ниво „споредливо со цената на два (француски) носачи на хеликоптери ‘Мистрал’“.
Од друга страна, пак, уште пред едена седмица заменикот началник на штабот на корпусот на ткн Народна милиција на самопрогласената одметната Народна република Луганск, Игор Јашченко. го обвини Киев дека украинските тајни служби планираат серија провокации на територијата којашто ја контролираа силите лојални на Киев и во пресрет на Денот на независноста на Украина (24-ти август).
Според него, Киев со ваквите провокации сака да ја оправда офанзивата што наводно ја подготвуваат украинските сили и да го урне мировниот договор од Минск, кој во февруари го потпишаа челниците на Украина, Русија, Франција и Германија.
И шефот на руската дипломатија Сергеј Лавров, исто така, изјави дека Москва е многу загрижена за активностите во побунетиот рускојазичен источен украински регион Донбас, којашто според негова оцена насочува дека се подготвува ескалација на конфликтот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.