Регион
Салопек бил единствен странски работник во француската фирма без заштита
Додека Хрватска и Египет чекаат потврда за смртта на хрватскиот државјанин, Томислав Салопек, повеќето арапски медиуми објавуваат детали за случајот со Салопек.
Саудиската телевизија TV Al Arabiya на својот портал, повикувајќи се на високи функционери на египетската војска,разузнавачките служби и министерството за внатрешни работи како и на експерти за исламски тероризам, објавуваат дека Салопек го грабнала и погубила либиската исламистичка организавија Jamaat Ansar al-Sunna, приврзаници на сунитите, која има иста идеологија како и Исламската држава.Новинарот од Каиро, Ашраф Абдулахамид, кој го истражувал случајот, истакнува дека по грабнувањето и ликвидацијата на Салопек бил испитуван возачот кој дал важни и детални информации за грабнувачите.Веднаш биле прегледани сите снимки од надзорните камери кои биле поставени на патот по којшто се движел Салопек, што помогнало за откривање на автомобилот со сите лични работи на Салопек. Хрватот бил грабнат во приградска населба во којашто владеело беззаконие. Висок функционер од Министерството за внатрешни работи на Египет за Al Arabiya.net потврдил дека, истражните органи се сомневаат дека грабнувачите имале помагачи внатре во француската фирма во којашто работел Салопек кои им го дојавиле на грабнувачите времето и рутата по која Салопек требало да помине.Салопек бил единствен работник во фирмата кој немал посебна заштита, додека сите странски работници во таа компанија биле заштитени. Разузнавачата служба и понатаму води обемна истрага во тој правец бидејќи терористите кои дошле од Либија не дошле без детални инфромации.По објавувањето на низа информативни разговори, заклучиле дека грабнувачите на хрватскиот државјанин го нарачале припадници на терористичката организација Исламска држава од полуостровот Синај. Дошле од Либија и го однеле во Либија каде и го погубиле.Експертот за безбедност, од Египет, Кхалед Окаша за Al Arabiyа тврди дека Томислав пред еден месец е грабнат во место каде што нема припадници на Исламската држава, што потврдува дека грабнувачите не бие припадници на ИС, ниту египетски државјани.„Истражните органи на Египет сметаат дека, грабнувањето го извеле припадници на Jamaat Ansar al-Sunna од Либија кои соработуваат со терористичката група Исламска држава. Нивните сомниежи ги потврди и едниственото видео на кое припадници на ИС го прикажале Томислав како клечи и чита порака напишана на хартија, на коешто е видлив ситен пустински песок, каков што има само во Либија. Она што може да го забележиме од виедеото, а оди во прилог на тврдењето дека Салопек не е грабнат од ИС е и разликата со претходните егзекуции. На сите снимки кои досега ги има објавено ИС до сега до заробеникот стои егзекутор маскиран од глава до пети во црно, додека зарабеникот беше во портокалов комбинезон идентичен на оној којшто го носат затворениците во Гвантанамо. Во случајот со Салопек, егзекуторот носи воена маскиран униформа, а Томислав носеше избледен работнички комбинезон“, смета експертот.Според него, размената или откупот не биле цел на групата, а во затворите нема жени припадници на ИС.„Сето тоа докажува дека грабнувањето било само дел од пропагандата на терористите кои сакале да покажат дека Египет е небезбедна земја. Целта не беше размена, туку застрашување на сите странски туристи и инвеститори. Објавувањето дојде во време кога египетскиот претседатл Abdel Fattah Al Sisi, објави дека Египет е безбедна земја.Занамето на ИД на снимката било ставено за да ги доведе во заблуда еипетските служби“, смета Окаша. Висок извор од египетското министерство за внатрешни работи за „Vecernji list“ ги потврдил наводите на арапскиот портал Al Arabiya.net, дека хрватскиот држајанин истиот ден кога бил грабнат, бил префрлен во Либија. Египетските власти ги информирале властите во Хрватска дека Салопек се наоѓа во Либија, еден ден пред објавувањето на фотографијата на која се гледа дека Салопек е наводно погубен. Според хрватски експерт за безбедност близок со државниот врв, овој случај им одговара на египетските власти бидејќи на тој начин светот сфатил со кого си има работа, а египетскиот prетседател успеaл да ги добие на своја страна САД и ЕУ, кои do неодмана го криткуваа дека ја води државата како диктатор. Тоа сега не се споменува. За време на грабнувањето на Салопек, САД на Египет му испрати осум F-16 авиони. Пораката на официјален Египет по погубувањето на Салопек е дека треба да им се дадат средства, оружје во борбата против исламистите. Ваквиот настан му одговара и на порадикланиот дел од Муслиманските браќа, а е на штета н умерените бидејќи сега Al Sisis ќе добие одврзани раце да се пресмета со нив, она што го посакуваат радикалите.На истото место на кое беше грабнат Салопек бил грабнат и американски државјанин точно пред една година, работник во американска нафтена компанија. Одговорноста ја презеде Синајската покраина која по четири месеци објави снимка од неговото погубување Експертите немаат докази дека оваа група, подружница на ИС делува на територијата на Каиро, па случајот со Салопек фрла ново светло и на овој случај и на делувањето на исламистите. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.