Велика Британија во средата нареди итно затворање на амбасадата на Иран во Лондон, како одговор и откако по нападот на радикалните ирански студенти беше затворена и британската амбасада во Техеран.

Велика Британија во средата нареди итно затворање на амбасадата на Иран во Лондон, како одговор и откако по нападот на радикалните ирански студенти  беше затворена и британската амбасада во Техеран. „Иранскиот вршител на должноста амбасадор во Лондон е известен дека бараме итно затворање на иранската амбасада во Лондон, а целиот иранскиот дипломатски персонал мора идните 48 часа да замине од Обединетото Кралство“, изјави британскиот министер за надворешни работи, Вилијем Хејг за новинарите пред зградата на британскиот парламент. „Ја затворивме британската амбасада во Техеран. Одлучивме да го евакуираме персоналот и последните членови на дипломатскиот персонал кои се од Британија веќе излегоа од Иран“, додаде Хејг: Норвешка, исто така, одлучи да ја затвори својата амбасада во Техеран, од безбедносни причини, соопшти портпаролката на тамошното министерство за надворешни работи, Хилде Стеинфелд. Одлукаат за тоа била донесена во вторникот доцна навечер по нападот врз британската амбасада. Според светските агенции, дипломатскиот персонал на Норвешка сé уште не го напуштил Иран. Во вторникот за време на протестот пред еден од двата објекта на британската амбасада на Техеран кои се наоѓаат во различлни квартови на иранската престолнина, беше симнато и запалено знамето на Обединетото Кралство а на јарболот беше истакнато знамето на Исламската Република. Од еден од нападните објекти во нападот биле украдени доверливи документи, дознава Reuters.Според иранските медиуми, во една од зградите во заложништво беа држани но набрзо биле ослободени шест заложници.Во средината на ноември дојде до влошување на британско-иранските односи. Минатата седмица британската влада воведе дополнителни финансиски санкции против Иран, со цел да се зголеми притисокот врз Техеран. Повод за тоа беше објавувањето на извештајот на Меѓународната агенција за атомска енергија (IAEA) за нуклеарната програма на Иран, во кој се апострофира дека Техеран до 2003 година развивал нуклеарно оружје, што може да го прави и сега.Санкциите предвидуваат суспендирање на секакви релации и соработка меѓу британски финансиски и кредитни институции со банки во Иран, вклучувајќи ја и централната банка на земјата.Иранските власти презедоа чекори како одговор на овие мерки. Парламентот на Исламската Република донесе закон за намалување на односите со Обединетото кралство на минимум и кој предвидува  протерување на британскиот амбасадор од Иран за рок од две седмици. Во документот, исто така, се предвидени и ограничувања за сите програми за соработка меѓу Техеран и Лондон./крај/ро/мф/сн