Спорт
Бразилските екипи имаа лош ден на Копа Либертадорес
Од трите бразилски клуба кои настапија на Копа Либертадорес ниту еден не постигна победа.
Најлошо помина бразилскиот првак Флуминенсе, бидејки на гостувањето на легендарниот стадион Ацтека во Мексико Сити загуби со 1:0 од Ф.К. Америка.
Од трите бразилски клуба кои настапија на Копа Либертадорес ниту еден не постигна победа.Најлошо помина бразилскиот првак Флуминенсе, бидејки на гостувањето на легендарниот стадион Ацтека во Мексико Сити загуби со 1:0 од Ф.К. Америка. Голот го постигна Даниел Васкез во 71 минута. Флуминенсе после три кола има само еден бод и го доведе во прашање пласманот во втората рунда на Копа Либертадорес.Крузеиро од Бело Хоризонте на гостувањето во Колумбија играше 0:0 со Депортес Толима. Бодот го спаси голманот Фабио кој што одбрани пенал во 76 минута. Резултатот сепак е изненадување со оглед што Крузеиро во минатото коло покажа завидна ефикасност совладувајки го Естудијантес со 5:0. Сепак и со овој бод Крузеиро со 7 бодови од три кола и гол разлика 9:0 е прв во својата група. И Сантос ги разочара своите навивачи во Сао Паоло. Мечот против Серо Портено од Парагвај заврши само со 1:1. И двата гола паднаа од белата точка, а гостите израмнија во судиското продолжение по 90 минута на мечот. Сантос по две кола има скромен учинок од само два бода. крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)
Спорт
Челси заинтересиран за Јан Облак
Челзи е заинтересиран за Јан Облак, голманот на Атлетико Мадрид и репрезентацијата на Словенија, пренесуваат шпанските медиуми.
Облак (31) е член на Атлетико од 2014 година, а има договор со „јорганџиите“ до 30 јуни 2028 година.
Шпанските медиуми пренесуваат дека Атлетико би можел да го продаде словенечкиот репрезентативец во летниот преоден рок за да обезбеди пари за трансфери на нови играчи.
„Трансфермаркт“ истакнува дека Облак вреди околу 30 милиони евра. Словенецот бранел за Атлетико на 442 официјални натпревари. За репрезентацијата на Словенија, со која ќе настапи на ЕУРО 2024 иа одиграно 64 натпревари.
Шпанските медиуми истакнуваат дека Челзи е во потрага по нов голман, иако лондонскиот клуб ги има на располагање Ѓорѓе Петровиќ, Роберто Санчез и Маркус Бетинели, како и Капа Аризабалага, кој моментално е на позајмица во Реал.
Спорт
Шампионската титула на Реал ќе му биде врачена зад затворени врати
Фудбалскиот сојуз на Шпанија не го прифати барањето на реал Мадрид, 36.шампионска титула да им биде врачена по натпреварот со Алавес на 14.мај.
Реал, во саботата, математички ја обезбеди шампионската титула во Шпанија. Планот на Фудбалскиот сојуз на Шпанија беше трофејот на „кралскиот клуб“ да му биде врачен во сабота во Гранада.
Овој предлог Реал го одби од почит кон противникот. Одбија да слават на теренот на тимот кој испаѓа од Примера.
Поради тоа Флорентино Перез побара титулата на играчите да им биде врачена на 14.мај кога на „Сантијаго Бернабеу“ ќе гостува Алавес. Овој предлог Фудбалскиот сојуз на Шпанија го одби и најави дека трофејот ќе биде врачен во 12 мај наутро во тренинг центарот на Реал во Валдебебас, зад затворени врати.
Федерацијата го извести Реал Мадрид да ги извести играчите дека треба да бидат во Валдебебас во недела наутро, бидејќи планот е церемонијата да се во 9:30 часот, а на доделувањето на трофејот нема да присуствуваат навивачите.
Трофејот ќе го врачи претседателот на шпанската фудбалска федерација Педро Роча.