Македонија
КПП објави „војна“ против криминалот
Со „војна против криминалот“, и робусни антикорупциски мерки, Коалицијата за промени и правда, во сабота пред драчевчани вети дека ќе спречат и натаму да грабат од народот и ќе има пари за минимална пензија од 200 евра и социјална помош од најмалку 100 евра.
„Објавуваме “војна” против криминалот и доследна имплементација на проектот ДЕКРИ.
Украдените пари ќе ги вратиме на народот, криминалците ќе ги пратиме во „бизнис центарот” во Идризово и ќе има забрана од најмалку 10 години да не можат да бидат функционери“, рече Павле Трајанов од Демократски сојуз.
Додаде дека предвидуваат 800 милиони евра за развој и 2 отсто од Буџетот за проекти за вработување на младите.
„Најниската плата од 300 евра, ќе ја зголеми продуктивноста и ќе биде основа работодавците од странство, многу повеќе да го ценат трудот на работниците“, рече тој.
Ветија враќање на позорникарите – полицајци, на улицата, работното време да почнува од 7 часот, само 100 денари такса за остварување право пред судовите, поддршка на секој земјоделец кој произведува, а не на таканаречени концесионери – бандити кои ги експлоатираат вистинските земјоделци.
„За две третини ќе ги намалиме паричните казни за физичките и правните лица.
Предвидуваме рез во судството и обвинителството. Даваме целосна поддршка на СЈО.
Тие што ја спречуваат правдата ќе платат висока цена. Македонија за мандатниот период од следните четири години ќе биде полноправен член во НАТО и ЕУ, без да го менуваме Уставното име. Ние сме за Унитарна Македонија, во која слободно се живее и во која ќе владее правото и цивилизациските вредности“, додаваат од Коалицијата.
Нагласи дека ги знаат проблемите во Драчево, невработеноста, лоша поврзаност со Скопје, проблеми со катастарот, канализацијата, ископаните улици и целосната негрижа од централната и општинската власт.
„Овде од Драчево ветувам дека, Драчево ќе биде посебна општина, модерна и по мерка на граѓаните“, рече Трајанов.
На митингот свое обраќање имаа и Драгана Букилица, Глигор Стоименов и Жаклина Савевска, кандидати за пратеници.
Жаклина Савевска како кандидат за пратеник ги повика своите сограѓани од своето Драчево да излезат и да гласаат за демократско и слободно општество и да го заокружат бројот 5./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.