Црна хроника
Продавале екстази и хероин, заработија кривична и притвор
Четворица скопјани и еден гевгеличанец заработија кривични пријави за продажба на екстази и хероин во Скопје и низ Македонија.
Единицата за недозволена трговија со дрога при СВР-Скопје за два различни случаиподнесе две кривични пријави до надлежното обвинителство против лицата Б.М.Ѓ. (30), Д.С. (34) и И.Н. (38) од Скопје како и против С.М. (43) од Скопје и Т.К. (43) од Гевгелија, поради основано сомнение дека во текот на минатиот месец неовластено набавиле поголема количина на синтетичка дрога-екстази и хероин, наменети за улична продажба.
За сторените кривични дела, судија на претходна постапка на С.М. и Т.К. им одреди мерка притвор во траење од по 30 дена.
Во првиот случај, Единицата за недозволена трговија со дрога по добиено сознание дека Б.М.Ѓ. кој и претходно бил кривично пријавуван за недозволена трговија со синтетички дроги, планирал да набави поголема количина на синтетичка дрога-екстази, со намера улично да ја продава, превзеде мерки и активности за потврдување на сознанието и обезбедување на материјални докази.
По потврдување на сознанието, превземени се мерки за утврдување на движењето на пријавениот и локациите каде би можел да врши препродажба на дрогата при што на 12. овој месец година околу 19 часот во населбата Капиштец од страна на полициски службеници на Единицата, извршено било легитимирање и преглед на Д.С. и И.Н. како и преглед на моторното возило во кое биле пријавените, при што кај И.Н. биле пронајдени и одземени 14 таблети екстази.
Истите биле приведени во службените простории на Единицата за недозволена трговија со дрога, а со наредба од Судија на претходна постапка истиот ден бил извршен претрес во домот на Б.М.Ѓ. каде биле пронајдени и одземени 0,58 грама амфетамин во прашкаста форма, 3,4 грама амфетамин во грутчеста форма, дигитална вага со траги од амфетамин, кокаин и марихуана, како и 27.500 денари и 250 евра.
Второто кривично дело го извршиле С.М. од Скопје и Т.К. од Гевгелија, при што С.М. по претходен телефонски договор со Т.К. од засега непознато лице од Скопје набавил 30 грама хероин и истиот за 420 евра му го продал на Т.К., кој планирал улично да го продава на уживатели.
Имено, по добиено сознание дека С.М. вршел улична продажба на хероин на уживатели од Скопје, но и од други градови од Р.Македонија, превземен се мерки за потврдување на сознанието и обезбедување на материјални докази. Така, дознаено е дека на 15 – ти овој месец С.М. планирал да продаде поголема количина на хероин на лице од Гевгелија, при што во вечерните часови било забележано возило со гевгелиски регистерски таблчки од кое излегле три лица и се упатиле кон домот на С.М. Откако истите кратко се задржале, излегле и со возилото се упатиле кон наплатната рампа „Петровец“, каде од страна на полициски службеници од Единицата, биле сопрени и легитимирани и по извршениот преглед над нив и претрес на моторното возило, кај Т.К. сокриено во чорапите било пронајдено едно полиетиленско кесиче со 30 грама хероин./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.
Црна хроника
Тепачка во Чаир: случајот го пријавила 28-годишна девојка која била меѓу нападнатите
Девојка од скопски Чаир, во полиција пријавила дека заедно со членови од нејзиното семејство биле нападнати и истепани од неколку лица од Скопје.
Имено на 01.05.2024 во 23.00 часот во СВР Скопје, С.С.(28) од Скопје пријавила дека околу 18.30 часот во нивниот дом на подрачјето на Чаир, таа, нејзиниот татко Т.С, нејзиниот чичко Д.С., нејзинатата тетка М.А. и нејзината сестра С.С. биле физички нападнати од И.Р., Б.С.,С.С. ,О.С и И.С., сите од Скопје, кои притоа употребиле и тврд предмет.
Полицијата соопшти дека се преземат мерки за расчистување на случајот.