Регион
Вучиќ бара одобрување од партијата за вонредни избори во Србија
Српскиот премиер Александар Вучиќ во недела од главниот одбор на неговата Српска напредна партија (СНС) ќе побара одобрување за одлуката околу распишувањето вонредни парламентарни избори, пренесуваат српските медиуми.
Вучиќ ја закажал седницата на Главниот одбор на СНС за 17-ти јануари, додека, пак, генералното собрание на партијата е закажано за 13-ти февруари. Српскиот премиер во вторникот изјавил дека одлуката за изборите не може да ја донесе сам и најавил дека за ова ќе разговара со соработниците, министрите и претседателот на Србија.
„Се надевам дека граѓаните на Србија наскоро ќе имаат прилика да изберат подобро“, рекол Вучиќ. Запрашан дали тоа значи дека ќе има и вонредни парламентарни избори, тој одговорил дека „сега тоа сите го сакаат“.
Опцијата за одржување на вонредни избори во српската јавност повеќепати се споменуваше за време на минатата година, а иако повеќето високи функционери на СНС се изјаснија дека сакаат избори, подоцна беше соопштено дека Вучиќ не ја поддржувал оваа опција.
Последен пат за ова се говореше во октомври, кога српскиот премиер потенцираше дека „би било неодговорно да се оди на избори“.
„Мојата одлука е да нема избори. Добро е да немаме избори уште најмалку шест месеци, бидејќи тоа би било неодговорно во момент кога ја имаме состојбата во УНЕСКО и отворањето на поглавјата. Дали ќе има избори за шест, осум или десет месеци не знам, но во наредните три, четири или пет месеци нема да има. Мојата работа е да носам одлуки во интерес на граѓаните“, нагласи тогаш Вучиќ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.