Европа
Кершов: Европа треба да се подготви за изменетите напади на IS
топ-тема
Жил де Кершов, координатор на Европската унија за антитероризам, изјави дека е невозможно со сигурност да се знае колку во моментов во Европа има милитантите кои коваат заговори. Во извештајот на полициската агенција на ЕУ – Европол, објавен во петокот, се наведува дека ги има десетици.
Околу 2.500 Европејци можеби уште учествуваат во борбите на Блискиот исток, проценува де Кершов во интервјуто за агенцијата Reuters. Но со проблемите со коишто џихадистите се соочуваат во Мосул, Алепо и на другите места, Европа мора да им влезе во трагата, доколку сака да ја сузбие дијаспората на обучени милитанти како оние кои следеа по советското повлекување од Авганистан во 1989 година.
„Мораме да бидеме подготвени, бидејќи некои од нив ќе дојдат во Европа. Може да се обидат да се вратат дома, а ние не сакаме да ја повториме грешката којашто ја направивме кон крајот на 1980-те кога советите го напуштија Авганистан, а ние ги пуштивме овие муџахедини … во светот“, вели Кершов.
Многумина од нив се бореле во алжирските крвави 1990-ти и учествувале во судирите од Чеченија преку Балканот и на Косово до Јемен, додава.
Некои Европејци, меѓу нив и жените и децата на борците, може да изберат да останат на Блискиот исток, дури и доколку Исламската држава ја загуби територијата. Други би можеле да заминат натаму во Либија во којашто владее хаос, и веќе изгледа како нова база за милитантите, а движењето веројатно ќе продолжи да регрутира преку интернет.
„Физички калифатот… пропаѓа, но се уште имаме виртуелен калифат, а тоа ѝ овозможува на организацијата да организира напади“, вели де Кершов.
Овој поранешен белгиски адвокат, кој на сегашната должноста стапи во 2007 година, вели дека во текот на последните две години направен е „импресивен“ чекор напред во разузнавачката соработка меѓу државите од ЕУ и заострување на законите и практиките на европските граници во одговорот на разни напади на Исламската држава и масовните убиства во Париз, Брисел и во Ница.
„Речиси ги закрпивме повеќето дупки“, вели Кершов за тоа што Европа може да стори во сузбивањето на исламистичките милитанти кои претставуваат најголем дел од насилните закани.
Потешкиот дел сега, продолжува Кершов, е да се занимаваме со темелните тешкотии на милитантите, без разлика дали е тоа меѓу отуѓените луѓе во Европа или меѓу гневните сунитски муслимани во Ирак и во Сирија.
„Како што се одвива борбата во Алепо, ќе има последици. Начинот на којшто ќе се обидеме да се позанимаваме со работите на сунитското население, како во Ирак, така и во Сирија, ќе има последици“, вели. Во Европа, пак, според Кершов „работите стојат многу подобро“.
Европол утврдил дека непосредните закани слични неодамнешните: групи кои ќе користат автоматски пушки и самоубиствени елеци наполнети со TATP експлозив од домашно производство или самотници со ножеви или камиони. Исламската држава, исто така, се уфрлила во бегалските заедници во Европа за да го разгори непријателството кон имигрантите во места како Германија.
Де Кершов, исто така, истакнува нови ризици од Исламската држава која би можела да употреби автомобили бомби во Европа, што е вообичаено во Сирија и во Ирак. Агенциите, исто така, се подготвуваат, вели, во времето пред нас да се спротистават на се посложените тактики како информатичките напади и биолошкото оружје.
Засега, според него, интернетот беше главно користен за регрутирање и радикализирање на поединци, нешто на што ЕУ се спротиставува соработувајќи со мрежните компании. „Засега терористичките организации не го користеа интернетот како оружје за да нападнат низ интернет“, вели де Кершов, наведувајќи ги опасностите од нарушување на нуклеарните централи, браните, електромрежите или дури системите за контрола на воздушниот сообраќај.
„Засега тоа не се случи…, но не исклучувам дека ќе бидеме соочени со тоа пред да минат пет години“, вели натаму де Кершов додавајќи дека Исламската држава има финансиски средства да најми искусни хакери криминалци.
Европската унија, вели Кершов, работи на спротиставување на хемиските, биолошките и нуклеарните закани, но не гледа „акутна опасност“и покрај доказите дека милитантите се занимавале со микроби или користеле боеви отрови во Сирија. „Мораме да бидеме подготвени“, заклучува./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.