Европа
Украина: Анкетите покажуваат убедлива победа на блокот на Порошенко
Блокот кој го поддржува украинскиот претседател Петро Порошенко убедливо ќе победи на парламентарните избори кои се во сенка на судирот со проруските бунтовници во југоисточните региони на земјата, покажува анкетата објавена во петокот.
Блокот кој го поддржува украинскиот претседател Петро Порошенко убедливо ќе победи на парламентарните избори кои се во сенка на судирот со проруските бунтовници во југоисточните региони на земјата, покажува анкетата објавена во петокот.
Украинскиот претседател Петро Порошенко, кој надмоќно победи уште во првиот круг од претседателските избори на 25-ти мај, откако во февруари беше соборен неговиот претходник Виктор Јанукович, се очекува дека на изборите на 26-ти октомври дополнително да ја легитимираат прозападната ориентација на сегашните власти во Киев, особено што не се очекува дека најголемиот дел од рускојазичното и руско население ќе излезе на изборите. Тоа би требало да даде поддршка на мировниот план на Порошенко кој предвидува и давање специјален статус на источните региони кои сака да ги задржи во постојните украински граници.
Анкетата на агенцијата GfK покажува дека блокот на Порошенко ќе освои 29,9 отсто од гласовит, наспроти 8,7 проценти колку што би освоила втората најсилна парти Баткившчина (Татковина) на поранешната премиерка Јулија Тимошенко. Радикалите на Олех Лјашко, според анкетата, се на третото место со 7,6 отсто од гласовите.
Анкетата упатува на тоа дека во парламентот (Врховната Рада) ќе дојде до големи промени, бидејќи нема да бидат најбројни пратениците од Партијата на регионите од чии редови беше отстранет Јанукович, а кои ги задржаа мандатите и по неговиот пад предизвикан со безредијата во Киев во кои имаше стотина мртви. Покрај тоа, оваа партија ја имаше големата поддршка на гласачите од Крим, кој се присоедини кон Русија, како и во источната област Донбас каде што до април се водат борби меѓу силите лојални на Киев и проруските сепаратисти.
Повеќето припадници на Партијата на регионите преминаа во Опозицискиот блок на поранешниот министер за енергетика Јириј Бојко и во партијата силна Украина на поранешниот банкар Сергеј Тигипко. Сепак, анкетите покажуваа дека двете партии најверојатно нема да го минат изборниот праг.
Анкетата покажува дека пет партии и коалиции ќе го прејдат изборниот праг од 5 проценти. Според анкетата на GfK, Народниот фронт кој го предводи Арсениј Јаценјук кој е сојузник на Порошенко откако ја напушти партијата на Тимошенко, и Граѓанската позиција на поранешниот министер за одбрана Анатолиј Хриценко имаат добри изгледи да влезат во парламентот со поддршка 7, од 7,3 отсто од гласачите.
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.