Црна хроника
Прилепчанец со ловџиска пушка ранил сограѓанин
![](https://makfax.com.mk/wp-content/uploads/2016/11/puska1-e1360928562919.jpg)
Браќа излегле да соберат огревни дрва во близина на Прилеп, но човек кој носел ловџиска пушка, пукал кон нив и ранил еден од браќата.
Имено, во четвртокот, Д.А. пријавил дека истиот ден околу 10 часот на местото викано „Леково“, додека со неговите браќа, со две запрежни возила, тргнале да собираат огревни дрва, го забележале лицето К.Т. (56) од Прилеп, кој со себе носел ловна пушка и кој во еден момент од истата пукал кон Д.А., но не го погодил.
К.Т. и по вторпат пукал со пушката кон Д.А. и го погодил во пределот на десната надлактица, левата подлактица и левата нога, а потоа го напуштил местото на настанот. Д.А. браќата го пренеле во ЈЗУ Прилеп каде му биле констатирани телесни повреди.
Полициски службеници од ПС Прилеп го привеле К.Т. и од истиот со потврда за привремено одземени предмети одземени му се една ловна пушка од руско производство, еден ловен карабин „Црвена застава“, една ловна пушка од бугарско производство и два патрони. Се преземаат мерки за целосно расчистување на случајот./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.