Европа
Франција ја продолжи вонредната состојба до јули
Француската влада на седницата во саботата го прифати нацрт законот за продолжување на вонредната состојба којашто е на сила од терористичките напади на 13-ти ноември 2015 година во Париз до 15-ти јули 2017 година, по завршувањето на претседателските и парламентарните избори.
Владата „ќе побара од парламентот да ја продолжи вонредната состојба за уште седум месеци, поточно до 15-ти јули“, изјави премиерот Бернар Казнев, по седмицата којашто вонредно беше одржана во саботата.
Двата круга од претседателските избори ќе се одржат на 23-ти април и 7-ми мај, а на парламентарните на 11-ти и 18-ти јуни 2017 година.
„Тој период од предизборната кампања којшто, по обичај, ќе го одбележат многубројни состаноци и јавни собири, може за жал да донесе поголем ризик од напади“, предупреди поранешниот министер за внатрешни работи кој во вторникот ја презема премиерската должност по оставката на Мануел Валс.
„Второ, со продолжувањето на вонредната состојба по изборите му даваме на претседателот на Републиката и на парламентот коишто ќе бидат избрани на следните избори, доста време за процена на состојбата пред одлуката за евентуално дополнително продолжување“, додаде Казнев.
За предлогот во вторник ќе расправа Националното собрание, а во четвртокот горниот дом на парламентот Сенатот.
Вонредната состојба која претседателот Франсоа Оланд ја воведе на 13-ти ноември 2015 година по џихадистичките напади од 13-ти ноември 2015 година кога во Париз беа убиени 130 луѓе, а беше продолжувана четири пати, последен пат по нападот во Ница од 14-ти јули годинава со 86 мртви./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсени двајца тинејџери во Франција: планирале терористички напад
Двајца 16-годишници беа уапсени претходно оваа недела во северна Франција под сомнение за планирање напади врз трговски центар или концертна сала, соопшти канцеларијата на францускиот обвинител за антитероризам во петокот.
Апсењата спречија планиран напад, соопшти канцеларијата, пренесува Ројтерс.
Обвинителот за антитероризам рече дека еден од двајцата малолетници почнал да следи џихадистичка пропаганда. Имињата на уапсените не беа објавени.
Европа
Мерц реизбран за лидер на ЦДУ
Германската владејачка партија, Христијанско-демократската унија (ЦДУ), денес го реизбра Фридрих Мерц за свој лидер.
Мерц беше поддржан од 878 од 963 членови на партијата на националната партиска конференција во југозападниот град Штутгарт.
Резултатот е негов втор најдобар досега.
Во 2022 година, тој беше избран со 94,6 проценти од гласовите на онлајн партиска конференција, а подоцна беше потврден со гласање по пошта со 95,3 проценти од гласовите. Во 2024 година, тој доби 89,8 проценти од гласовите.
Дводневниот партиски состанок доаѓа на почетокот на предизвикувачка година за ЦДУ, која се соочува со избори во пет федерални држави во март и септември.
Според анкетите, крајната десница ги надминува конзервативците во две источни држави.
Мерц на митингот изјави дека ЦДУ мора „да спречи враќање на крајнодесничарскиот радикализам на власт во федералните држави на Германија“.
Европа
Уште тројца скијачи загинаа во лавини во Австрија
Уште тројца скијачи загинаа во лавини во Австрија денес, соопштија властите, во најновиот смртоносен инцидент оваа зима.
Две лица се пронајдени мртви по лавина во скијачкиот центар Санкт Антон ам Арлберг.
„Жртвите беа извлечени од снегот, но не беше можно да се спасат“, изјави портпаролот на полицијата. Уште три лица се повредени. Властите првично не дадоа никакви детали за идентитетот, возраста или националноста на жртвите.
Претходно, 42-годишен германски скијач загина во лавина во тиролскиот скијачки центар Наудерс. Мажот скијал надвор од стазата со својот 16-годишен син, кој преживеал со сериозни повреди, соопшти полицијата. Тие се обидувале да ја преминат северната падина кога се откинала плоча од снег широка околу 400 метри, носејќи ги околу 200 до 300 метри надолу.
До 40 сантиметри свеж снег паднале во делови од Тирол во последните денови. Властите предупредија дека ризикот од понатамошни лавини останува висок. Само во среда во Тирол беа регистрирани повеќе од 30 лавини.

