Црна хроника
Обвинение за четворица демонстранти
Основното јавно обвинителство достави обвинение против четворица демонстранти кои учествувале на протестите пред Владата на 5 мај, кога дојде до судир меѓу полицијата и демонстрантите.
Петмината демонстранти се обвинети за кривично дело учество во толпа што ќе спречи службено лице во вршење на службено дејствие. На тројца од демонстрантите им е продолжен притворот за уште 30 дена, а на еден му се одредени мерки на претпазливост.„Обвинителниот предлог е распределен кај надлежен судија кој ги ценеше фактите и доказите приложени во предлогот на Основното јавно обвинителство – за продолжување на мерката притвори и оцени дека се исполнети условите кои произлегуваат од одредбите на ЗКП па така на Б.Ј., С.П. и Б.Т. им ја продолжи мерката притвор за 30 дена, додека на А.Т. му ја укина мерката притвор и му определи мерки за претпазливост. Надлежниот судија во следниот период треба да го насрочи предметот, а по закажување на денот и времето за одржување на главата расправа по овој обвинителен предлог, дополнително ќе ја информираме јавноста“, соопштуваат од Основниот суд Скопје 1./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.