Европа
Бунтовници: Има Руси, но со тврдењата за руска инвазија Киев сака да го оправда поразот
Киев и Западот постојано јавуваат за наводна руска инвазија во Украина, за да ги оправдаат големите пораз кои украинската армија веќе подолго време ги трпи во судирот со милициите, изјави во четвртокот Александр Захарченко, за кој локалните медиуми велат дека е етнички Украинец и ткн премиер на самопрогласената Народна Република Донецк (ДНР), центарот на бунтот на мнозинското рускојазично население во источна Украина кои не крие дека на бунтовничката страна има и руски доброволци.
Киев и Западот постојано јавуваат за наводна руска инвазија во Украина, за да ги оправдаат големите пораз кои украинската армија веќе подолго време ги трпи во судирот со милициите, изјави во четвртокот Александр Захарченко, за кој локалните медиуми велат дека е етнички Украинец и ткн премиер на самопрогласената Народна Република Донецк (ДНР), центарот на бунтот на мнозинското рускојазично население во источна Украина кои не крие дека на бунтовничката страна има и руски доброволци.
Челникот на бунтовниците вели дека во нивните редови има доброволци од Русија, меѓу кои и поранешни војници, и тие се присутни во Донбас, бидејќи не можат да останат рамнодушни на судбината на рускојазичното население.
„Сега се наметнуваат многу прашања, како можеше да се случи тоа што армијата на ДНР од неповрзани полугерилски групи да стане можна воена организација, способна не само да го издржи нападот на украинските вооружени сили, туку, исто така, и да ги победи на бојното поле. Во Киев и на Западот повторуваат за руска ’воена интервенција’ само за да го оправдаат големиот пораз кој украинската армија го трпи веќе цел месец“, изјави Захарченко во интервју за руските медиуми кое во четвртокот беше емитувано на телевизиите LifeNews и Россия-24.
Воениот челник на донецките бунтовници вели и дека „никој и никогаш дека меѓу нас има многу руси, без чија помош денес би ни било многу тешко“. „За сето време во нашите редови ги имаше (руски граѓани) три-четири илјади. Многумина од нив веќе се вратија дона. Многумина останаа тука. За жал, има и загинати“, вели Захарченко.
„Не е тајна дека меѓу доброволците од Русија секогаш доаѓа поранешен воен кадар. Тие се борат заедно со нас, сфаќајќи дека тоа е нивна должност. Покрај тоа, ни доаѓаат многу војници од Русија, коишто претпочитаат своето отсуство да не го минат на морските плажи, туку во строј заедно со браќата, борејќи се за слободата на Добнас“, се вели во интервјуто на Захарченко кое го дистрибуира неговата служба за односи со јавноста.
„Сметам дека само кај Русите има така големо сочувство со тагата и сочувство за човечката судбина, што тие најверојатно можат да заминат каде и да е во светот, да умираат, да се борат за независност, слобода на луѓето. Сетете се на Шпанија, на Србија и уште многу други места и змеја можат да се кажат. Тие се меѓу нас, жителите на Донбас, затоа што ние сме браќа по крв“, изјави ткн премиер на донецките бунтовници.
Судирите во источна Украина траат од април годинава кога мнозинското рускојазично население ја отфрли легитимноста на прозападните власти во Киев и ги протера новите регионални власти поставени од новата власт. Според ОН, од средината на април до 10-ти август загинаа повеќе од две илјади цивили, а околу пет илјади се ранети./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.