Македонија
Одбиен првиот приговор на БЕСА
![](https://makfax.com.mk/wp-content/uploads/2016/11/dik20sednica-19.jpg)
Со седум гласа „за“ и два „против“ Државната изборна комисија го одби првиот приговор на БЕСА кој се однесуваше за избирачкото место 2333/1 во Арачиново, а со ист број гласови го одби и приговорот за избирачките места 1119/1 и 1120/2 во општина Липково.
Претставникот на БЕСА тврдеше пред ДИК дека на гласачкото место во Арачиново имало неколку нерегуларности, како присуство на неовластени претставници на гласачките места, кои ги придружувале дел од гласачите кои немале потреба за помош зад параванот. За тоа тврдење рече дека имаат изјава заверена на нотар, од овластен набљудувач кој според него ги потврдил сите нерегуларности, а приговараа и дека избирачкиот одбор не ги сечел со ножици гласачките ливчиња.
Членот на ДИК, Реџеп Прекопуца, рече дека приговорот е неоснован зашто нема ниту еден доказ, во обраазецот 16 нема никаков доказ, ниту во образец 21, а БЕСА имала можност тоа да го направи.
„Баравме да се вметнат забелешките во образецот 16, но не ги внесоа. Нашите набљудувачи го консултираа и кол-ценаторт на ДИК за време на гласањето, и затоа сметаме дека сте запознаени за ситуацијата во овие избирачки места“, рече претставникот на БЕСА пред ДИК.
Во натамошната расправа и членот на ДИК, Бедредин Ибраими, рече дека БЕСА е нова партија, треба да се научи на демократија, но и на процедурите за утврдување неправилности во изборниот процес, при што рече дека за приговорите за неправилности оваа пратија не дава никакви докази.
До ДИК се поднесени 16 приговори, осум од БЕСА, а осум од Коалицијата предводена од СДСМ.
ДИК е должна да реши по приговорите во рок од 48 часа по приемот. Против одлуката на ДИК, може да се поднесе тужба до Управниот суд, во рок од 24 часа од приемот на решението. Управиот суд на Република Македонија, пак, по жалбата е должен да донесе одлука во рок од 48 часа по нејзиниот прием.
ДИК може по службена должност или по поднесен приговор, со решение да го поништи гласањето на гласачкото место во одредени случаи утврдени со Изборниот законик./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.