Свет
Напаѓачот во црквата во Чарлстон прогласен виновен за 9 расистички убиства
Поротата на сојузниот суд од југоистокот на САД во четвртокот Дилан Руф го прогласи виновен по 33 точки од обвинението по расистичките убиства кон средината на јуни 2015 година во црквата на афроамериканската заедница во градот Чарлстон.
Сега 22-годишниот Дилан Руф ја сослушал пресудата без да покажува никакви реакции, забележува агенцијата AFP.
Пресудата за овие девет убиства во црквата „Емануел де Чарлстон“ ќе биде изречена на почетокот од јануари. На Руф му се заканува смртна казна.
Дванаесетте членови на поротата, како што истакнуваат американските медиуми – две црнкињи, еден црнец, осум белкињи и еден белец, се советувале само два часа и му дале право на државниот обвинител кој претходно им соопштил дека не бара никакви олеснителни околности за овој млад човек, кој според медиумите е опишен како ксенофобен осаменик.
Откако што детално го подготвил нападот, Дилан Руф на 17-ти јуни 2015-та, претворајќи се да оди на веронаука, започнал да пука во верниците додека се молеле и истрелувајќи 77 куршуми уби девет луѓе. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.