Свет
Путин во посета на Јапонија, со Абе зборува за спорните Курилски острови

Рускиот претседател Владимир Путин и неговиот домаќин јапонскиот премиер Шинзо Абе во четвртокот лично ги разработиле параметрите на документот за почетокот на консултации за заедничката руско-јапонската соработка на спорните четири јужнокурилски острови, којшто ќе биде објавен во петокот, пренесуваат агенциите кои одбележуваат дека станува збор за прва посета на некој руски претседател на Јапонија по 11 години.
Во Нагато, на југозападот од Јапонија, рускиот претседател Владимир Путин и јапонскиот премиер Шинзо Абе се обидуваат да постигнат напредок во врска со територијалниот спор кој го блокира потпишувањето на мировниот договор меѓу двете земји со кој всушност би се завршила по 70 години Втората светска војна,
Русија и Јапонија, коишто имаат територијален спор околу четири острови на југот од Курилите кои при крајот на Втората светска војна ги присоедини Советскиот сојуз, како и САД во Пацификот, а за кои Токио полага право, сé уште официјално не го потпишаа прекинувањето на војната. Преговорите за овие четири вулкански острови кои Јапонија ги нарекува Северни територии тапкаат во место, особено откако црноморскиот полуостров Крим се присоедини на Руската Федерација во март 2014 година, што беше осудено од Западот и од Јапонија.
Кон крајот на септември минатата 2015 година, рускиот министер за надворешни работи Сергеј Лавров на средбата со јапонскиот колега Фумио Кишида исклучи секаква можност од постигнување компромис со Јапонија, повикувајќи го Токио да ја признае „историската реалност“. Инаку претходно во 2011 година, тогашната јапонска влада го отфрли предлогот на Москва за формирање слободна економска зона на Курилските острови.
Но неодамна истакнувајќи ги напорите на двајцата челници „во изнаоѓањето решение прифатливо за двете страни“, шефот на руската дипломатија Сергеј Лавров по неодамнешната средба со јапонскиот колега Фумио Кишида призна дека „не е едноставно да се помират ставовите“.
На почетокот од средбата во Нагато, Путин му се заблагодари на Абе за неговите напори благодарејќи на кои дојде до придвижување во билатералните односи меѓу двете земји и изрази надеж дека неговата дводневна посета на Јапонија ќе придонесе за развојот на руско-јапонските односи. Рускиот челник сака да даден нов поттик на билатералната соработка и очекува склучување редица договори од областа на медицинската технологија до енергетиката.
„Благодарејќи на вашите напорни се случува одредено напредување во развојот на руско-јапонските односи. Јас и моите колеги очекуваме дека нашите состаноци денеска и утре значително ќе придонесат на развојот на билатералните врски“, рече Путин.
Забележливо за јапонските медиуми е што последните месеци Русија значително ги развива воени постројки на две од четирите спорни острови и распореди крајбрежни системи на одбрана и дронови, што го предизвика гневот на Токио.
Кога станува збор за разговорите околу Курилските острови, по средбата меѓу Путин и Абе, советникот на рускиот претседател Јуриј Ушаков за новинарите изјави дека челниците прашањето за заедничко владеење и соработка на спорните острови разговарале и во текот на нивните претходни контакти, а последниот пат кон крајот на ноември во перуанската престолнина Лима по што на експертите во двете земји им дале задача да подготват заедничка декларација која треба да произлезе од сегашната средба.
„Експертите неколку седмици работеа на текстот, но не можеа да изработат документ кој би ги задоволил и двете страни, па затоа нашите челници ја разгледуваа конечната верзија којашто ќе биде објавена утре“, рече Ушаков.
„Се работи за тоа дека лидерите им порачаа на експертите од двете земји да започната со детални консултации за условите, формите и областите од заедничките стопански активности на јужните Курилски острови“, појасни претставникот на Кремљ, прецизирајќи дека станува збор за сите четири острови.
Според Ушаков, во документот се наведени областите како што се риболовот, аквакултурата, туризмот, медицината, екологијата…. Одговарајќи на прашањето дали активностите ќе се водат според руското законодавство, советникот на Путин одговорил потврдно „Се разбира, тоа е територија на Руската Федерација“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Прекинати преговорите меѓу Израел и Хамас за ослободување на заложниците

Преговорите меѓу Израел и Хамас за заложниците држени во Газа прекинаа денеска откако Израел продолжи да инсистира на ослободување на група жени, а Хамас одби, изјави за „Си-Ен-Ен“ извор запознаен со преговорите.
Додека преговорите за жените беа во ќорсокак, Хамас се залагаше за отворање на разговорите за ослободување на мажите, според изворот, веројатно под различни услови. Израел ја отфрли идејата, инсистирајќи на тоа дека е императив прво да се ослободат сите жени.
Израелските и американските власти веруваат дека Хамас сè уште држи во заложништво голем број жени на возраст меѓу 20 и 30 години – многу од нив киднапирани од музичкиот фестивал. Хамас тврди дека некои од преостанатите жени ги смета за заложници како дел од израелските одбранбени сили, што Израел го негира.
Претходно во саботата, израелската влада објави дека го повлекла својот тим преговарачи од Катар откако разговорите дојдоа во ќорсокак.
„Терористичката организација Хамас не го исполни својот дел од договорот, кој вклучуваше враќање на сите жени и деца држени како заложници, во согласност со списокот испратен до Хамас и одобрен од нив“, се вели во соопштението.
Свет
(Видео) Опасноста од цунами на Филипините е надмината, објави Геолошкиот институт на САД

Врз основа на сите достапни податоци, заканата од цунами од земјотресот на Филипините сега помина, соопшти Геолошкиот институт на САД.
Сепак, локалните власти се уште не го повлекле своето предупредување.
Опасноста од цунами во Јапонија и на Филипините беше издадена по разорниот земјотрес од 7,6 степени.
Significant #earthquake damage in Butuan, #Caraga, #Philippines. These images were from a hospital, a mall, & a warehouse.
📷: Michael Trillo (Facebook)#EarthquakePH pic.twitter.com/M8PAL9Zser
— Seismix (@SeismixGeo) December 2, 2023
„Силно и долготрајно”, „Тресењето ме разбуди од сонот и тресењето продолжи како да нема крај. Ги видов таванот и ѕидовите како се тресат во темнината. Најдолгото и најсилното тресење што сум го почувствувал“, „Чувствував вртоглавица додека стоев таму“, „На некои места снема струја“, сведочат луѓето на Филлипините.
🚨ALERT – A Massive 7.6 Magnitude Earthquake Just Hit Off The Coast of Philippines Not Far From Japan ⚠️
❗️WE COULD BE ABOUT TO SEE A MAJOR TSUNAMI❗️ pic.twitter.com/F0L7M8yVlI
— Matt Wallace (@MattWallace888) December 2, 2023
По првиот земјотрес се случија серија последователни потреси, а голем број лица итно се евакуираа.
Засега е познато дека штетите се огромни, а се уште нема информации за загинати лица.
Регион
Пронајдени тинејџерките кои со денови беа исчезнати во Грција

Среќно заврши потрагата по 13-годишната Елефтерија и 14-годишната Катерини во Калитеа, Грција, кои беа исчезнати од четвртокот на 30 ноември, јавуваат грчките медиуми.
Според соопштението на грчката невладина организација „Насмевката на детето“, двете девојчиња биле пронајдени утрово и се во добра здравствена состојба. Воедно, како што нагласуваат од организацијата, ќе им биде дадена психолошка поддршка и се’ друго што е потребно во такви ситуации.
Девојчињата биле затекнати на подрачјето на општина Агиос Димитриос, но засега грчките медиуми не објавија како и зошто исчезнале. Според претходно објавените информации, двете тинејџерки влегле во такси по што им се изгубила секаква трага.