Глечерите во Швајцарија ја претрпеа својата втора најлоша стапка на топење оваа година, по рекордните загуби во 2022 година, намалувајќи го нивниот вкупен волумен за 10 проценти во изминатите две години, соопшти мониторинг телото ГЛАМОС.

Топењето на глечерите во Швајцарија за време на третото најтопло лето во земјата досега значи дека тие изгубиле мраз за две години колку и во трите децении пред 1990 година, според извештајот, во кој загубите во обемот на глечерите се опишани како „катастрофални“.

„Оваа година беше многу проблематична за глечерите бидејќи имаше многу малку снег во зима, а летото беше многу топло“, изјави за „Ројтерс“, Матијас Хус, шеф на Глечер Мониторинг Швајцарија (ГЛАМОС).

„Комбинацијата на овие два фактори е најлошото што може да им се случи на глечерите“, додаде тој.

Повеќе од половина од глечерите на Алпите се во Швајцарија, каде температурите се зголемуваат за околу двапати од глобалниот просек поради климатските промени.

Годинава намалените зимски врнежи од снег во комбинација со раниот почеток и доцниот крај на летната сезона на топење предизвикаа големи загуби, објави ГЛАМОС.

Во август, месецот на најголемото топење, швајцарската метеоролошка служба соопшти дека висината на која врнежите замрзнуваат во текот на ноќта достигнала нов рекорд – 5.289 метри. Ова е надморска височина поголема од Мон Блан, највисокиот врв на Алпите и Европа. Ова го надмина минатогодишниот рекорд од 5184 метри.

В.Д. директорката на основното училиште „Владислав Рибникар“ во Белград, Анѓела Петровиќ поднесе оставка од таа функција, изјави за Euronews Србија Игор Ѓорѓевиќ, претседател на Советот на родители.

За вршител на должноста раководител на основното училиште „Владислав Рибникар“ е назначена на почетокот на јули. Таа ја смени претходната директорка на училиштето Снежана Кнежевиќ.

Ѓорѓевиќ вели дека родителите не биле задоволни од соработката со новиот директор и дека претходно побарале директор на установата да биде некој од колективот.

„Го поддржуваме изборот што го прави колективот. Ќе поддржиме кој и да избере. Се надеваме дека овој пат ќе не слушаат и дека ќе има некој од колективот“, рече Ѓорѓевиќ.

На 3 мај се случи масовно убиство во ОУ „Владислав Рибникар“ кога ученик од седмо одделение уби девет ученици и училишен чувар, а повреди шест лица.

Генералниот директор на косовската полиција Газменд Хоџа денеска изјави дека косовската полиција го зголемила присуството на север и дека редовните полициски патроли се намалени.

„Го зголемивме присуството и будноста околу граничниот појас. Исто така, го зголемивме присуството на специјалната единица на косовската полиција на северот на Косово. Малку ги намаливме редовните полициски патроли бидејќи немаат таков степен на заштита да се соочат со секој можен напад“, вели Хоџа во изјава за Радио Слободна Европа.

Тој не соопшти детали колку се зајакнати капацитетите на специјалната единица, но рече дека институцијата што ја предводи е постојано во координација со мировната мисија НАТО – КФОР и со мисијата на Европската унија за владеење на правото во Косово (ЕУЛЕКС).

Ново засилување на присуството на специјалните полициски сили на северот на Косово се случи по убиството на полицаецот Африм Буњаку во неделата во вооружен напад во Бањска кај Звечан.

Во акцијата што следеше беа убиени тројца напаѓачи, Срби од Косово, а повеќе беа уапсени.

На тројца од уапсените им е одредена мерка притвор во траење од 30 дена, додека четворица се ослободени поради, како што соопшти Специјалното обвинителство на Косово, немање докази.

Запленет е арсенал оружје, додека неколку напаѓачи избегале и, според приштинските медиуми, се лекуваат во болниците во Србија.