Свет
Путин на чело на листата на највлијателните личности според Forbes, го следи Трамп
![](https://makfax.com.mk/wp-content/uploads/2016/12/putin-kako-car.jpg)
Владимир Путин ја предводи, по четврти пат по ред, листата на највлијателни личности на светот во рангирањето што традиционално секоја година го прави американскиот магазин Forbes, а од Кремљ соопштија дека рускиот претседател сé уште не го погледнал изданието.
„Највлијателниот човек на светот четврта година на ред е претседателот на Русија, кој го шири влијанието на својата земјата речиси во секој агол на светската мапа“, се наведува во образложението.
„И во својата татковина, и во Сирија, и на претседателските избори во САД, рускиот челник продолжува да го постигне сето она што тој го посакува“, забележува Forbes.
На второто место е новоизбраниот американски претседател Доналд Трамп, а на третото германската канцеларка Ангела Меркел којашто претходната 2015 година беше втора во ова рангирање.
„Заземајќи го второто место избраниот претседател Доналд Трам, се чини, се покажува како имун на скандалите, на неговата страна се двата дома на Конгресот, а неговото лично богатство се проценува во милијарди“, пишува Forbes, во коментарот во кој пласманот на Меркел „по игра на случајот ја прави најмоќната жена на светот, бидејќи ….. таа е главниот столб на Европската унија“.
Четврти е кинескиот претседател Кси Џинпинг, а петти е поглаварот на Римокатоличката црква папата Франциск.
На листата се и соосновачот на „Microsoft“, Бил Гејтс, на седмото место, индискиот премиер Нарендра Моди е деветти, а првата „десетка“ ја заокружува основачот на „Facebook“, Марк Цукерберг.
Американскиот претседател на заминување Барак Обама е само 48-ми на листата. Пред него се британската премиерка Тереза Меј на 13-та позиција, дури и францускиот претседател Франсоа Оланд на 23-то, иако во својата земја има историски најнизок рејтинг и е еден од двајцата француски челници кои нема да се кандидира за вториот мандат. Јапонскиот претседател Шинзо Абе, како 37-ми, исто така, е пред Обама.
Во оваа група личности кои се повисок рангирани од Барак Обама, влегуваат и сопствениците на корпорацијата „Alphabet“ на интернет пребарувачот Google, Лери Пејџ и Сергеј Бирн, кои ги заземаат 8-та и 30-та позиција на листата на Forbes. Челникот на компанијата „Apple“ Тим Кук е 32-ри, а медиумскиот магнат Руперт Мардрок е на 35-то место.
Новоизбраниот генерален секретар на ОН, Антонио Гутереш, како и филипинскиот претседател Родриго Дутерте се 70-ти, а веднаш зад нив е водачот на исламистичката терористичка мрежа Ал Каеда, Ајман ал-Завахири./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.