Тајван ја претстави својата прва подморница од домашно производство, што е голем чекор во повеќегодишниот проект чија цел е зајакнување на одбраната на островот и одвраќање на кинеската морнарица. Тајван, за кој Кина тврди дека е нејзина територија, ја направи програмата за домородните подморници клучен дел од амбициозниот проект за модернизација на своите вооружени сили додека Пекинг спроведува речиси секојдневни воени вежби за да го потврди својот суверенитет.

BREAKING:
Finally a first look at Taiwan’s Indigenous Defense Submarine. pic.twitter.com/tMaIPl4Pl3

— Jaime Ocon 歐海美 (@JaimeOcon1) September 28, 2023

Претседателката Цаи Инг-вен, која го започна проектот кога ја презеде функцијата во 2016 година, ја покажа првата од осумте нови подморници во четвртокот во јужниот град Каосиунг.

„Порано, домашно развиената подморница се сметаше за невозможна задача. Но, денес, пред нашите очи е подморница дизајнирана и произведена од граѓаните на нашата земја“, рече Цаи, додавајќи дека ќе игра важна улога во зајакнувањето на способностите на морнарицата за „асиметрично војување“.

„Дури и да има ризици и без разлика колку предизвици има, Тајван мора да го преземе овој чекор и да дозволи националната одбранбена политика да расте и да процвета“, рече Цаи.

Програмата се базираше на експертиза и технологија од неколку земји, што претставува пробив за дипломатски изолираниот Тајван.

Тајван се надева дека ќе испорача најмалку две вакви домашни подморници до 2027 година и евентуално ќе ги опреми подоцнежните модели со проектили, изјави шефот на програмата овој месец.

На втората ТВ дебата учествуваа седуммината републиканци кои заедно со Доналд Трамп се борат да бидат кандидат на нивната партија на претседателските избори во САД следната година, а и овој пат отсуствуваше поранешниот американски претседател.

Поранешниот потпретседател Мајк Пенс, поранешната гувернерка на Јужна Каролина Ники Хејли, гувернерот на Флорида Рон Десантис, гувернерот на Северна Дакота Даг Бургум, сенаторот од Јужна Каролина Тим Скот, поранешниот гувернер на Њу Џерси, Крис Кристи и претприемачот Вивек Рамсвами учествуваа во дебатата одржана во средата во библиотеката и музејот Роналд Реган во Сими Вали, Калифорнија.

Во ТВ дебатата кандидатите главно ги критикуваа отсутниот Трамп, американскиот претседател Џозеф Бајден, но и меѓусебно, најмногу за прашањата за односите со Кина, миграцијата и економската политика, пренесува Ројтерс.

Трамп, кој е пред својот најблизок ривал за номинација со 37 процентни поени во најновата анкета на Ројтерс/Ипсос, ја прескокна дебатата, како и првата во Висконсин минатиот месец.

Гувернерот на Флорида, Рон Десантис, го нарече Трамп „исчезнат во акција“ и го обвини дека додал билиони долари на националниот долг.

Поранешниот гувернер на Њу Џерси, Крис Кристи, редовен критичар на Трамп, рече дека Трамп е „исплашен“ и „Пајо патор“ затоа што ја прескокнал дебатата.

Мајк Пенс, потпретседателот на САД за време на администрацијата на Трамп од 2017-2021 година, најави дека доколку биде избран, ќе има спротивен пристап од поранешниот американски претседател.

Бајден, потенцијалниот демократски кандидат за изборите во ноември 2024 година, исто така се најде на удар на републиканските кандидати, кои остро го критикуваа неговото справување со економијата и мигрантската криза на јужната граница со Мексико.

Во магацин во близина на аеродромот во Ташкент синоќа избувнал пожар по силна експлозија, но пожарот бил потиснат и ситуацијата е под контрола, соопшти Министерството за вонредни ситуации на Узбекистан.

Според извештаите на локалните медиуми, 16 противпожарни и спасувачки екипи интервенирале поради пожар во еден од магацините лоцирани во градскиот кварт Сергели, во близина на аеродромот.

A Customs Warehouse near the International Airport in the Uzbekistan Capital of Tashkent is reported to have Exploded earlier tonight after a Storage Building filled with Electric Cars and Batteries was possibly struck by Lightning; the Shockwave from the Explosion is said to… pic.twitter.com/IAWsbHw4ud

— OSINTdefender (@sentdefender) September 28, 2023

Поради силната експлозија, скршени се прозорци во блиските станбени блокови, а на неколку лица им е укажана помош кои биле со полесни повреди, соопшти узбекистанското Министерство за здравство, пренесува Ројтерс.

People are running out of their houses, it’s very scary that near them the customs warehouse in Tashkent is on fire. #Tashkent #SARCOP #Uzbekistan #Özbekistan pic.twitter.com/6Z7F9rkVRI

— ET magazin (@TcAga261935) September 28, 2023

Причината за експлозијата се уште не е позната, а од министерството соопштија дека истрагата е во тек.

– Ситуацијата е целосно под контрола, летовите од меѓународниот аеродром во Ташкент полетуваат и слетуваат нормално – соопшти управата на аеродромот, пренесе Ројтерс.