Свет
Трамп го номинира гувернерот на Тексас за министер за енергетика
Новоизбраниот американски претседател Доналд Трамп го номинираше поранешниот гувернер на сојузната држава Тексас, Рик Пери, за министер за енергетика, соопшти во средата транзицискиот тим на новиот станар на Белата куќа кој ќе ја преземе должноста на 20-ти јануари.
„Како гувернер на Тексас, Рик Пери обезбеди услови за водење бизниси кои овозможија во државата да се создадат милиони нови работни места и да се намалат цените на енергијата. Истиот пристап ќе го применува и на национално ниво како министер за енергетика“, истакнаа од тимот на Доналд Трамп.
Самиот Трамп истакна дека неговата администрација има намера да ги насочи „огромните природни ресурси на земјата“ на гарантираното осигурување на нејзината „енергетска независност“ и благосостојбата на нејзините граѓани. „Рик Пери одлично ќе се справи со обврските на лидер на овој процес“, истакнува избраниот американски претседател.
Самиот Пери, одговарајќи на првите медиумски извештаи за неговото именувања од страна на Трамп, ги уверува сонародниците дека како поранешен гувернер на сојузна држава ја разбира важноста на енергијата „за економијата и безбедноста“ на државата.
„Со нетрпение ја очекувам можноста да учествувам во дискусиите за развојот, планирањето и регулирањето на користењето на нашите енергетски ресурси, во осигурувањето на безбедноста на нашиот нуклеарен потенцијал и во напорите за подобрување на нашите енергетски политики, што ќе овозможи создавање работни места и ќе ја направи Америка повторни лидер“, се наведува во писмената изјава на кандидатот за министер за енергетика на САД.
Рик Пери, 66-годишен републиканец, ја извршуваше должноста гувернер на сојузната држава Тексас во периодот од 2000 до 2015 година. Беше ангажиран во последната изборна кампања и повеќепати го критикуваше Трамп, но по победата на 8-ми ноември застана во негова поддршка.
Во текот на претходната претседателска трка, во 2011/2012 година, во којашто Пери исто така учествуваше, тој се залагаше за укинување на ресорот за енергетика во администрацијата, како и за уште неколку министерства во САД, за кои сметаше дека се бескорисни./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.