Европа
Русија подготвена да одговори на новите санкции
Рускиот одговор на новите заострени западни санкции против Москва поради нејзината наводна улога во украинската криза би можел меѓу другото да содржи и ограничување на увозот на половни автомобили и други потрошувачки стоки, но Русија се надева дека на Западот ќе надвладее разумот, изјави во четвртокот економскиот советник на претседателот Андреј Белоусов.
Европската унија договори нови санкции против Русија кои треба да стапат на сила во петок, поради нејзиното наводно вмешување во кризата во соседна Украина. Санкциите би можел да бидат укинати, доколку потрае примирјето склучено на 5-ти септември во белоруската престолнина Минск.
„Постојат низа не-земјоделски производи кај нашите партнери, во прв ред европските, коишто повеќе зависат од Русија отколку што Русија е зависна од нив“, изјави за РИА Новости економскиот советник во Кремљ, Андреј Белоусов.
„Тоа се однесува, на пример, на увозот на автомобили, главно половни и некои лесни индустриски стоки, не сите, но некои видови текстил“, прецизирал. Белоусов истакнал дека владата ќе им помогне на компаниите коишто ќе бидат погодени од санкциите.
Русија во август го забрани увозот на разни прехранбени производи во вредност од 9 милијарди долари, од ЕУ, САД, Канада, Австралија и Норвешка. Во моментов се проценува дека европските компании имаат загуби од повеќе од 5 милијарди евра, кои можат да се зголемат со воведувањето на ново ембарго на увоз од руска страна.
Белоусов, истакнува и дека се надева оти Русија нема да биде присилена на такво потег, како и дека одговорот ќе биде дизајниран за да не им наштети на домашните произведувачи и потрошувачи.
„Во моментов во Министерството за економски развој веќе е подготвен, колку што сум запознаен, со списокот на тие производи. Но, се надевам, дека здравиот разум ќе надвладее и нема да имаме потреба да ги ставиме на сила овие мерки на договор“, додава советникот на Путин./крај/мф/сн
Извор: РИА Новости
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.