Црна хроника
Дрпљанин осуден на доживотен затвор, мајка му тврди дека „не згазнал ни на мравка“
Алмир Дрпљанин е осуден на доживотен затвор за нападот врз патролата на припадниците на мобилната „Алфа“ единица кај Природно математичкиот факултет во Скопје во ноември 2008 година, во кој беше убиен полицаецот Африм Арифи, а двајца негови колеги за влакно ја избегнаа смртта, но останаа тешки инвалиди.
При изрекувањето на пресудата, Дрпљанин не покажа никакви емоции, а во судницата беа присутни членови на неговото семејство кои накратко се поздравија со него по изрекувањето на пресудата, плачејќи.
Адвокатот на обвинетиот, Асмир Алиспаиќ тврди дека Дрпљанин не бил во Македонија кога се случило убиството, дека е осуден без докази и најави жалба на пресудата до повисоките судски инстанци. При образложувањето на пресудата, судијата Владимир Туфегџиќ рече дека при носењето на пресудата се земени во предвид и отежнителните и олеснителните околности. „Секој акт на напад врз полицијата, значи акт на напад врз државата“, рече Туфегџиќ кој потсети на се што се случувале за време на повтореното судење за овој случај, како и за нападот којшто се случи пред осум години.Во текот на судењето одбраната извршила увид во списите на предметот и во текот судењето тврдела дека Дрпљанин не бил во Македонија кога се случил нападот. Судот побарал одбраната да достави доказ за тоа тврдење, но одбраната на обвинетиот никогаш не доставиле никаков доказ дека Дрпљанин не учествувал во нападот ниту пак некој друг доказ кој би ја сменил фактичката состојба. Меѓу доказите е и исказот на Дејан Спасовски кој имал работилница за изработка на регистерски таблици, кој според судијата, потврдил и го посочил обвинетиот дека токму тој ги нарачал регистеските таблици кои биле на „голфот“ со којшто беше извршен нападот врз „аллфите“.„Самиот чин на нарачка на регистерските таблици е подготовка за претходно разработениот план за убиството. Обвинетиот не само што бил на самото место на настанот, туку преземал и дејствија“ , рече судијата Туфегџиќ.Одбраната пак тврди дека сведокот Дејан Спасовски не можел со сигурност да каже дека Дрпљанин ги нарачал регистерските таблици и дека при сведочењето не го препознал. Според Алиспаиќ, Дрпљанин нарачуван регистерски таблици од таа работилница, но пред 2006 година.„Во својата одбрана Алмир децидно објасни дека од 2006 година живеел во градот Тутин, Србија во областа Санџак, а потоа поради неговата работа се преселил во Косово“, рече неговиот адвокат Асмир Алиспаиќ кој додаде дека двајцата осудени за истиот напад изјавиле дека не го познавале Дрпљанин.Според него, доживотната затворска казна е превисока и неоснована и најави жалба до Апелациониот суд, па дури и до, како што рече, Европскиот суд за човекови права во Стразбур.Мајката на Дрпљанин, Хајра Дрпљанин, тврди дека нејзиниот син е невин.„Ова е голема неправда. Тоа дете не згазнало ниту мравка. Но има Господ. Да им се врати на најмилите на тие што му го направија ова на моето на моето дете“, рече таа.Пред осум години на паркингот кај ПМФ, додека тројца припадници на специјалната единица „Алфа“ патролирале со службениот автомобил беа нападнати од лица во автомобил „голф“. Според судот, во „голфот“, освен Алмир Дрпљанин биле и Керим Реџаил, Исмет Агим и уште две непознати лица. Сите заедно со автоматски пушки испукале 70 проектили кон „алфите“, при што Африм Арифи почина на лице место, а другите двајца припадници на специјалната единица беа изрешетани во главата, вратот, рбетот и со тешки повреди го преживеаја нападот. Двајцата учесници во настанот се осудени за овој напад, додека Дрпљанин иако во 2010 година беше осуден на доживотна казна затвор во отсуство, судењето за него се повтори и Судот ја потврди претходната казна./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Претреси во Охрид поради фотографирање избирачки список и гласачки ливчиња
Вчера, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори одржан на 24.04.2024, од судија на претходна постапка обезебедена е наредба за претрес во дом и помошни простории кај М.М.(51) од Охрид и Т.Ц.Т (44) од Охрид, членови на избирачки одбор предложени од политичка партија, извести МВР.
„При претресот пронајдени се два мобилни телефони, во кои се пронајдени фотографии од избирачки список со лични податоци од гласачи во избирачкиот список, фотографии од гласачки ливчиња со заокружен број, кои се испраќани од гласачи како доказ дека го дале својот глас за еден кандидат, потоа споделени во креирана група за комуникација на мобилна апликација за комуникација“, соопшти МВР.
Со двете лица извршен е разговор во полициска станица. Дополнително, во текот на денешниот ден повикани се и други лица со цел обезбедување на дополнителни доказни материјали за кривичното дело по член 149 од КЗ “злоупотреба на лични податоци” и прекршок по член 190 став 2 од Изборниот законик. По целосно документирање на случајот, ќе следуваат соодветни поднесоци, се додава во соопштението на МВР.
Црна хроника
Кривични против поранешен градоначалник на скопска општина и директорка на детска градинка
Одделот за криминалистичка полиција преземаше предистражни дејствија и во координација со СВР Скопје – Единица за економски и компјутерски криминал до ОЈО Скопје поднесе кривична пријава против М.Р., директорка на детска градинка во скопска општина и против поранешен градоначалник на една скопска општина за кривично дело „злоупотреба на службената положба и овластувањата“ од чл.353 од КЗ.
„Имено, првопријавената М. Р., како директор на детска градинка на 12.05.2021, по објавен оглас за јавна набавка на стоки – електрична опрема за детска градинка – две машини за перење на алишта, со пречекорување на своите службени овластувања, знаејќи дека максималниот износ на набавката требало да биде во вредност од 1.300.000,00 денари без ДДВ, кои средства требало да бидат обезбедени од сопствената сметка на договорниот орган, како најповолен понудувач избрала правно лице од Скопје, иако понудило цена во износ од 1.329.800,00 денари без ДДВ, за што донела и Одлука за обезбедување на дополнителни средства и изменување на одлуката за јавната набавка, со кое склучила Договор за јавна набавка на вкупен износ од 1.569.164,00 денари со вклучен ДДВ, иако од истото правно лице не била доставена банкарска гаранција со самото склучување на договорот во износ од 156.916,00 денари, кој исто така не го испочитувал рокот за достава и набавените машини и наместо за 15 дена ги доставил со задоцнување од околу 150 дена од склучувањето на договорот, по што првопријавената М.Р. со неизвршување на своите службени овластувања, наместо да го раскине склучениот договор со избраниот понудувач, да активира негативна референца во е-системот на Бирото за јавни набавки и да поведе постапка за наплата на договорената казна во износ од 81.596,00 денари, таа не го направила тоа“, извести МВР.
„Второпријавениот како градоначалник на една скопска општина со пречекорување на своите службени овластувања, иако знаел дека средствата за плаќање на машините требало да бидат обезбедени од сопствената сметка на градинката, извршил промена со проширување на буџетот на општината во делот дотации во износ од 1.534.000,00 денари, и истите на 29.11.2021 ги префрлил на сметката на градинката, кои парични средства од страна на првопријаваната М.Р. истиот ден биле платени кон избраниот понудувач, додека на 22.12.2021 година извршила плаќање на средства во износ од 35.164,00 денари од сопствената сметка на градинката, на кој начин првопријаваната и второпријавениот го оштетиле буџетот на општината за износ од 1.534.000,00 денари, додека првопријавената го оштетила буџетот на градинката во износ од 273.676,00 денари како ненаплатена банкарска гаранција и договорена казна и исплатените парични средства од сопствената сметка, на кој начин му овозможиле на правното лице од Скопје да се стекне со противправна имотна корист во износ од 1.807.676,00 денари“, соопшти МВР.
Црна хроника
Во Сопиште пронајден скопјанец пријавен дека се оддалечил од здравствена установа во Карпош
Вчера во 17.05 часот во СВР Скопје било пријавено дека на подрачјето на село Сопиште, полициски службеници од Полициската станица Кисела Вода го пронашле 38-годишниот Ј.Т. од Скопје, извести МВР.
Лицето на 30.04.2024 било пријавено дека се оддалечило од здравствена установа на подрачјето на Карпош, додаваат од МВР.