Црна хроника
Приведен 19 годишник осомничен за убиството на Ангел
Министерството за внатрешни работи во вторникот на прес – конференција официјално ги соопшти деталите за грозоморното убиство што во понеделникот се случи во скопската населба Ѓорче Петров во која животот го загуби Ангел П.
Од таму информираат дека во текот на вчерашниот ден полициските службеници успеале да го уапсат осомничениот за стореното дело и соопштија дека станува збор за 19 годишно момче од Скопје.
Според информациите на МВР напаѓачот се обидел да укради велосипед од дворот на семејната куќа на сега веќе убиениот Ангел П., но откако забележал дека по него тргнале таткото на Ангел и жртвата веднаш се дал во бегство. Потоа таткото и синот со автомобил марка „Пежо” тргнале да го бараат крадецот и го пресретнале кај пешачкиот мост што води кон с.Сарај. по што веднаш настанала расправија и физичка пресметка меѓу жртвата и убиецот кој со убод од остар предмет во десната страна од градниот кош му задал убодна рана на Ангел.П. по што избегал од местото. Таткото веднаш го зел синот и го однел до европската очна болница со цел медицински лица да му помогнат. Сепак Ангел не успеал да дочека помош и им подлегнал на повредите.
Според информациите на МВР осомничениот го признал делото во полициска станица но сепак ќе се чека да заврши истрагата по што ќе се добие комплетната слика за овој грозоморен чин.
Предметот со кој е извршено свирепото убиство се уште не е најден поради, како што рекоа од МВР, неможноста тоа да го сторат од немирите кои беа предизвикани од граѓани кои излегоа да го изразат својот револт, но најавија дека истражните органи денеска ќе излезат на терен и ќе ја пребараат целта област за каде сметаат дека би можело да се наоѓа оружјето кое било искористено за време на убиството.
Од местото на трагичниот настан биле земени примероци од крв кои требало да се споредат со крвта која ја имало и на блузата на осомничениот. За обезбедување докази вештаците го зеле и велосипедот, а на осомничениот му биле земени отисоци од прстите.
Од МВР соопштија дека осомничениот им бил познат на органите на безбедноста и претходно за други сторени имотни деликти./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж од Валандово најден починат дома, ќе се прави обдукција
Вчера во 18.30 часот во полициската станица Валандово било пријавено дека во својот дом во градот бил пронајден починат Б.Е.(56), соопшти МВР.
Лекар од итна медицинска помош констатирал смрт, а по наредба на јавен обвинител телото на починатиот било дадено на обдукција.
Црна хроника
Притвор и кривична пријава за убиство доби осомничениот маж од Стајковци
СВР Скопје поднесе кривична пријава против Љ.К.(66) од скопското село Стајковци поради постоење основи на сомнение за сторено кривично дело „убиство“ по член 123 од Кривичниот законик.
Како што информира денеска МВР, Љ.К. се сомничи дека на 14 мај 2024 во домот во село Стајковци со метален предмет ги нападнал неговиот брат В.К. (64) и неговата снаа С.К. (57), кои од здобиените повреди починале на местото.
Лицето било изведено пред судија на претходна постапка, кој му определил мерка притвор во траење од 30 дена.
Топ
Бебе почина во болница во Охрид
Вчера во СВР Охрид, пријавено е дека во 8.10 часот во Општа болница во Охрид починало деветмесечно бебе.
Бебето претходно во Службата за итна медицинска помош било донесено во неконтактибилна состојба. Увид бил извршен, а по наредба на јавен обвиниел телото е дадено на обдукција, информираат од СВР Охрид.
Пред неколку дена, на 14 мај 2024 година, почина седуммесечно бебе од Вевчани во специјалната болница за ортопедија и трауматологија „Св.Еразмо“ по извршен хируршки зафат.
Бебето било донесено во болница од неговата мајка. Според пријавеното, било примено во болницата со хематом на главата и по констатирано мозочно крварење веднаш била извршена операција.
Според изјавата мајка, повредите бебето ги добило откако паднало од импровизиран кревет во семејниот дом во Вевчани.