Црна хроника
Уапсен мозокот на криминална група која се богатела со државни пари
Финансиската полиција во четвртокот уапсила скопјанец кој се сомничи дека е мозок и организатор на криминална група специјализирана за финансиски криминал тежок, ни повеќе ни помалку, туку 372.000 евра.
Според податоците од истрагата до кои дојде Финансиската полиција, уапсениот во периодот 2012/2013 година организирал мрежа од повеќе фирми кои добиле различни улоги во криманалниот потфат за незаконски поврат на данокот на додадена вредност (ДДВ) од Буџетот на Република Македонија.Во бизнисот со ДДВ директно биле вклучени фирмите „Херонеја плус“ управувана од братот на првопријавениот, „Калијани ДООЕЛ“ управувана од лицето Д.Џ и „Металопластика -груп ДООЕЛ“ управувана од лицето С.Д, сите од Скопје. Преку овие фирми уапсениот М.Р со помош на лица кои добро биле запознаени со системот за поврат на ДДВ успеал буквално да украде од државниот Буџет сума од 372.000 евра. Кривичното дело е сторено на начин што првопријавениот преку управителите на фирмите кои биле под директна негова команда, до надлежните служби за поврат на ДДВ во текот на 2012 и на 2013 година доставил фалсификувани ДДВ пријави со наводно побарување за поврат на повеќе уплатено ДДВ. Фирмата „Херонеја плус“ управувана од неговиот брат инкасирала вкупно 132.000 евра, фирмата „Калијани ДООЕЛ“ управувана од лицето Д.Џ., инаку познат скопски престапник, инкасирала вкупно 112.000 евра и фирмата „Металопластика -груп ДООЕЛ“, управувана од лицето С.Д., инкасирала вкупно 128.000 евра. Откако парите од државниот Буџет биле префрлени на банкарските сметки на овие три фирми, првопријавениот со цел да го сокрие трагот на парите и колку што е можно да ја затскрие целата криминална операција, дал насока на управителите кои биле под негова команда дел од парите да ги извадат во кеш и да му ги дадат нему лично додека другиот дел бил трансфериран кон фирмите „Маки-ком груп“ и „Апс-асо“ коишто, исто така, се контролирани од групата и од каде натаму се извадени во кеш. За добро завршената работа, организаторот на бизнисот со поврат на ДДВ на сите други инволвирани лица им исплатил помала сума пари, како благодарност за успешно завршената работа, а остатокот од пленот го задржал за себе и го користел за свои лични потреби. Судија на претходна постапка од скопскиот Кривичен суд на уапсениот му одредил мерка притвор во траење од 30 дена, а на лицето С.Д му е одземена патната исправа и ќе се брани од слобода. Трите лица кои се сé уште недостапни за органите на прогонот ќе се бараат со соодветни потерници./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.