Европа
Оланд воведе вонредна состојба во Франција и ги затвора границите, ладнокрвно се убиваат заложниците
Во Франција се воведува вонредна состојба и ќе бидат затворени границите за да се избегнат новите терористички напади, објави ноќта кон саботата францускиот претседател Франсоа Оланд по симултаните терористички напади во престолнината Париз, во коишто според последните прелиминарни податоци има повеќе од 60 загинати и околу 100 луѓе се земени во заложништво, порaчувајќи „дека знаеме кои се тие терористи и од каде доаѓаат“.
Медиумите, повикувајќи се очевидец кој побегнал од салата „Bataklan“, пренесуваат дека тројца терористи одбиваат да ѝ се предадат на полицијата и оти започнале да ги убиваат заложниците. Франција ги мобилизираше сите можни ресурси за да ги неутрализира терористите кои ги извршија нападите во петокот вечерта во Париз, и за обезбедување на сигурноста на жителите на главниот град, изјави претседателот Франсоа Оланд во драматичното обраќање до нацијата по симултаните напади врз неколку цели во француската престолнина, во коишто според последните информации загинале најмалку 60 луѓе, а околу стотина се земени во заложништво.Оланд, кој во време на нападите го следеше пријателскиот фудбалски меч меѓу Франција и Германија на стадионот „Stade de France“ во придружба на шефовите на дипломатиите на двете земји, Лоран Фабиус и Франк-Валтер Штајнамер, и во чија близина одекнале две до три експлозии, изјави дека „по неколку минути започнува вонредната седница на Советот за безбедност. Ќе бидат донесени две решенија: воведување режим на вонредна состојба и затворање на границите“.„Десетици луѓе се убиени, многу се ранети…“, потврди претседателот Оланд пред почетокот на состанокот во Елисејската палата.Во најмалку шест кварта во француската престолнина непознати напаѓачи во петокот ноќта отвориле оган од автоматско оружје, соопштија полициски извори за телевизијата BMFTV. Речиси сите места на нападите се наоѓаат на десниот брег од реката Сена. Засега се познати терористичките чинови во концертната сала „Bataklan“, камбоџанскиот ресторан „Petit Cambodge“ во близина на Плоштадот на Републиката, и во неколку улици од овој плоштад кон Плоштадот Бастилја. Една од двете или трите експлозии во близина на „Stade de France“ во предградието Сен Дени, според агенцијата AFP, го извршил бомбаш самоубиец. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.