Свет
Трамп ја пофали „разумната“ одлука на Путин да се воздржи од протерување на дипломатите
Избраниот американски претседател Доналд Трамп во петокот ја пофали „многу паметната“ одлука на рускиот претседател Владимир Путин да не возврати со иста мерка, откако американскиот претседател на заминување Барак Обама нареди во четвртокот протерување на 35 руски дипломати од САД и други санкции против Русија поради наводното мешање во изборниот процес што му овозможило на Трамп да стане 45-от претседател.
Рускиот претседател Владимир Путин, наспроти сите очекувања, во петокот изјави дека нема да ги протерува американските дипломати, дека тие и нивните деца кои ги покани на новогодишна и божикна прослава во Кремљ можат да се движат каде што сакаат, откако американскиот претседател Барак Обама кој се наоѓа на одмор на Хаваи во четвртокот нареди протерување на 35 руски дипломати, воведе санкции за двете разузнавачки служби на Русија, и против две правни и девет физички лица за кои неговата администрација верува дека се вмешани во американските претседателски избори.
„Извонреден потег со воздржувањето (на Владимир Путин) – отсекогаш знаев дека е многу паметен!“, напиша избраниот американски претседател Доналд Трамп кој на должноста стапува на 20-ти јануари.
„Русија никого нема да протерува“, рече Путин, иако шефот на руската дипломатија Сергеј Лавров претходно во интервју за руската државна телевизија во петокот изјави дека на претседателот ќе му предложи да ги протера и да ги прогласи за непожелни американски дипломати до амбасадата во Москва и конзулатот во Санкт Петерург.
„Следните чекори кон обновувањето на руско-американските односи ќе се градат на политиката каква што ќе ја спроведува претседателот Трамп“, порача Путин, но додаде дека сепак Русија „го задржува правото“ да преземе одредени мерки.
Трамп повеќепати во текот на кампањата го фалеше Путин и во својот тим именуваше луѓе за кои се тврди дека се блиски на Москва, но не се знае дали ќе ги промени одлуките кои ги донесе администрацијата на Обама за време на коишто односите со Русија паднаа на нивото од Студената војна, а се влошија и со најблискиот блискоисточен сојузник Израел, како и со стратешкиот партнер Турција.
Обама тврди дека мерките за протерување и нови санкции против Русија се затоа што 35-те дипломати биле осомничени за шпионирање и помагале во наводното руско хакирање на серверите на неговата Демократска партија пред претседателските избори годинава. Неговата администрација ја обвинува Москва дека преку хакери раководени од неа украла десетици доверливи електронски преписки меѓи функционерите на партијата.
Лавров одговори дека ваквите американски обвинувања немаат основа и оти се без доказ, и порача дека санкциите нема да минат без одговор на заканите на Обама дека можни се други чекори против Русија „кои не мора да бидат јавно објавени“.
Рускиот премиер Дмитриј Медведев изрази жалење што администрацијата на Обама својот мандат го завршува со „антируска агонија“.
Трамп изјави дека следната седмица ќе се сретне со челниците на американските тајни служби. Од нив, а претходно месецов изрази отворено сомневање во нивните компетенции по тврдењата од нивна страна дека Русите му помогнале да стане американски претседател, очекува да го информираат за фактите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се’ се случи за две минути, вели градежен работник за уривањето на зградата во Бангкок
Во Бангкок поради силниот земјотрес во Мјанмар се урна недовршена висококатница во областа Чатучак, а багери цела ноќ работат на местото на несреќата барајќи преживеани.
Новинарите на Би-Би-Си во Бангкок разговарале со градежниот работник Ко Миинт Кјав, кој успеал да побегне скокајќи од третиот кат на градилиштето.
„Кога почна земјотресот, бев на третиот кат на скелиња. Кога ги почувствував посилните потреси, само скокнав и избегав. Штом ја допрев земјата, се слушна силна експлозија и зградата се урна“, рекол тој.
Additional footage showing the collapse of an under construction skyscraper in Bangkok, during today’s 7.7 magnitude earthquake on the border between Thailand and Myanmar. pic.twitter.com/NX3o5XbJtA
— OSINTdefender (@sentdefender) March 28, 2025
„Сето тоа се случи во рок од две минути, ако добро се сеќавам. Зградата се урна две минути по почетокот на земјотресот. Длабоко жалам за моите пријатели кои се уште се водат за исчезнати и чекам тука со надеж дека ќе бидат пронајдени“, додаде Ко Миинт Кјав.
Свет
Бројот на загинати во земјотресот во Мјанмар се искачи на 1.644 лица
Бројот на загинати од разорниот земјотрес што го погоди Мјанмар во петокот, се искачи на 1.644 лица.
Според првичните проценки на мјанмарската опозициска Влада на национално единство (НУГ), земјотресот со јачина од 7,7 степени според Рихтеровата скала оштетил најмалку 2.900 згради, 30 патишта и седум мостови.
„Поради значителна штета, аеродромите во Најпитав и Мандалеј се привремено затворени“, соопшти НУГ, група составена од членови на избраната влада која беше соборена од војската во 2021 година, со што започна граѓанска војна.
Контролна кула на аеродромот во Најпитав, планираниот главен град на Мјанмар, се урна, изјави извор за Ројтерс.
Американскиот геолошки институт предвидува дека бројот на загинати во Мјанмар би можел да надмине 10.000, додека економската штета би можела да биде поголема од годишниот БДП на земјата.
Највисокиот генерал на воената хунта во петокот упати редок апел за меѓународна помош, а голем број земји веќе почнаа да и помагаат на погодената земја од Југоисточна Азија.
Русија, Индија, Малезија и Сингапур испраќаат авиони со хуманитарна помош и спасувачки тимови, а Јужна Кореја најави дека преку меѓународни организации ќе обезбеди првична хуманитарна помош во Мјанмар од два милиони долари.
Блокот на земји од Југоисточна Азија, АСЕАН, во саботата објави дека ја препознава итната потреба од хуманитарна помош за Мјанмар по големиот земјотрес и е подготвен да ги поддржи напорите за закрепнување.
Соединетите Американски Држави, кои имаат тензични односи со војската на Мјанмар и ги санкционираа нивните функционери, вклучително и шефот на воената хунта, Мин Аунг Хлаинг, најавија дека ќе пружат одредена помош.
Кинеските спасувачки тимови пристигнаа и во трговскиот центар на земјата, Јангон. Кинескиот претседател Си Џинпинг телефонски разговарал со лидерот на хунтата, соопшти кинеската амбасада. Џинпинг најави 13,77 милиони евра помош, која ќе вклучува шатори, ќебиња и комплети за прва помош.
Првата помош од Индија пристигна и во Мјанмар, јавува агенцијата „ДПА“. Вклучува 15 тони залихи, во кои покрај основните потреби има и генератори и тимови за пребарување.
Свет
(Видео) Авион се урна врз семјна куќа во САД
Авион се урна врз дом во Минесота, по што почна евакуација.
Авионот падна во паркот Бруклин во саботата попладне во близина на Нобл Парквеј, според Фокс 9.
Домот избувна во пламен, оставајќи црн чад што се издигнува во воздухот, а првата помош ја евакуира областа.
Во моментот на несреќата никој не бил внатре во домот, според Фокс 9.
Не е јасно за каков тип на авион станува збор или колку биле во авионот, пишува „Дејли мејл“. Очевидци изјавија дека се чини оти се работи за мал авион.
Повеќе жители во близина беа видени како стојат надвор од домовите и гледаат во силниот пожар.
На местото на настанот пристигнале пожарникарски возила со персонал за итни случаи кои му кажувале на локалното население да се оддалечи од пожарот.
Гувернерот Тим Валц рече дека неговиот „тим е во контакт со локалните власти на местото на настанот“ и тие „внимателно ја следат ситуацијата“.
Алармите се вклучија во пилотската кабина на патничкиот лет само неколку минути по полетувањето.
Според податоците за следење од FlightRadar 24, авионот на воздухопловните сили прелетал покрај авионот Делта со брзина поголема од 350 милји на час.
Деца од Битола принудувале врснички сексуално да ги задоволуваат, имале компромитирачки материјали
Деца од Битола принудувале врснички полово да ги задоволуваат, заканувајќи им се со компромитирачки материјали кои ги поседувале. Случајот во...
Влошена е состојбата кај двајца критични пациенти кои се лекуваат по пожарот, информира Таравари
Влошена е состојбата кај двајца пациенти кои се лекуваат по пожарот во дискотеката „Пулс“ во Кочани. Вкупно четворица се во...
(Видео) Пиротехниката во затворен простор ќе се најде пред пратениците, се менува Законот
Пратеничката група на ВМРО-ДПМНЕ по скратена постапка го менува Законот за јавен ред и мир, со што се става ред...
Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата
Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра...
(Видео) Шукова: Можеби храната што ја јадеме е под ризик порди излевањето во Крива Река
Се’ што се продава на пазарите во Скопје, Куманово, Паланка, Велес и другите градови, се наводнува од Вардар, Пчиња, Крива...
Филип беше ураган од љубов – во Штип се одржа комеморација за музичарот Стевановски кој загина во пожарот
Во Штип се одржа комеморацијата за директорот на штипскиот центар за култура „Ацо Шопов“, Филип Стевановски, кој тагично го загуби...
Утре еден час помалку спиење – во два по полноќ почнува летното сметање на времето
Вечерва, сабота кон недела, почнува летното сметање на времето. Тоа значи дека стрелките на часовникот во два часот наутро на...
Зеленски: Американците целосно го сменија договорот, чекаме правна анализа
Украинскиот претседател, Володимир Зеленски, рече дека Украина нема да прифати никаков договор за минералните суровини што ќе ја загрози нејзината...
OJO: Поднесено обвинение за тешката сообраќајна несреќа со смртни последици на „Партизанска“
По целосно спроведена истражна постапка, Основното јавно обвинителство Скопје поднесе обвинителен акт против едно лице што се товари за тешки...
Четворицата лидери на „Влен“ вечерва ќе одат на ифтарска вечера кај Аљбин Курти, Таравари вели дека ќе разговараат и за локалните избори
За претстојните локални избори, како и за сите актуелни теми во земјата и во регионот, вечерва, на ифтарска вечера кај...
Денес, осум пациенти од Скопје се пуштаат дома, од странство се враќаат уште девет
Министерот за здравство, Арбен Таравари, информира дека во моментот во установите во Скопје се хоспитализирани 22 пациенти, сите стабилни и...
Измамници оштетија струшко семејство: им понудиле донации за болниот син, па подигале брзи кредити
Двајца измамници излажале сопружници од Струга дека ќе собираат пари за лекување на нивниот болен син и им ги зеле...
Крива Река е опасна за животот на луѓето, загадени и земјоделските насади – градоначалникот бара кривична одговорност
Во согласност со извештајот на акредитирана лабораторија „Техно лаб“ во Скопје, водата во Крива Река, по земените примероци, еден ден...
Македонците и годинава ќе може да патуваат во ЕУ како досега: системот ЕТИАС одложен
Системот ЕТИАС, кој ќе се применува за влез во земјите од Европската Унија, повторно е одложен и ќе почне на...
Сестрата на прегазената Фросина Кулакова: „На движењето ‘Кој е следен?’ не му е важна жртвата, туку агендата“
Росица Кулакова, сестрата на трагично прегазената Фросина Кулакова, првпат јавно зборуваше за случувањата по загубата на сестра си, но и...
Уапсени двајцата возачи што удрија пешаци во Скопје, автомобилите одземени
Полициски службеници од СВР Скопје го лишија од слобода 45-годишниот И.С. од Скопје, затоа што на 27.03.2025 околу 21.50 часот...
(Видео) Први снимки по разорниот земјотрес во Мјанмар: се тресеше и на Тајланд на 1.000 километри од епицентарот
Застрашувачки снимки излегуваат од Тајланд откако утринава два разорни земјотреси го погодија Мјанмар. Првиот земјотрес со јачина од 7,7 степени...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Снимка од подморницата на смртта пред трагедијата во Египет: „Почна да тоне додека сè уште беа отворени челичните врати“
Шест туристи трагично загинаа откако подморница потона крај брегот на Египет додека беа на обиколка на подводните корални гребени. Вкупно...
Авионот на Додик полетал од Израел и среде ноќ слетал во Белград
Авионот на Владата на Република Српска полетал синоќа во 21 часот и 32 минути од аеродромот Бен Гурион во Тел...
