Европа
Вашчиковски: Новата администрација на САД ќе ги исполни воените обврски кон Полска
Шефот на полската дипломатија Витолд Вашчиковски, на крајот на посетата на САД, оценил дека новиот американски претседател Доналд Трамп ќе ги исполни сојузничките воени обврски кон Полска, која не сака во скоро време да има милионска армија на границите со Русија како во времето на Студената војна, туку дека доволно е само симболично засилување на НАТО на источното крило за да се заплашат заканите од Москва, пренесуваат светските агенции.
„Разговорите ме убедија дека новата администрација на САД води сметка за нашите и интересите на нашиот дел од Европа. Се работи за тоа статусот на безбедноснта на Полска и Централна Европа да биде еднаков на безбедноста на Западна Европа. Не се работи за повторување на времето од Студената војна кога на границите имаше армија од скоро милион војници, туку за симболично обезбедување и одбрана во случај на закани“, изјавил Вашчиковски пред враќањето во Варшава.
Вашчиковски во вторникот разговарал со некогашниот шеф на американската дипломатија Хенри Кисинџер, со кој Трамп се советува за меѓународните прашања, како и со генералот Мајкл Флин, еден од кандидатите за позицијата советник за безбедност во Белата куќа. „НАТО во Полска е гаранција дека нема да бидеме предмет на ничии договори. На почетокот нашето членство во НАТО беше еден вид на илузија. Не штитеа меѓународните договори, но сега преку присуството на американските и британските војници, и генерално силите на НАТО стануваме членка од прва категорија, и повеќе не сме од втора класа“, рекол Вашчиковски, пренесува Полсат.
Според шефот на полската дипломатија, засилувањата на источното крило на НАТО во Полска се звучни, поради тоа што сега во Полска ќе бид стационирана американска оклопна бригада од околу 4 илјади ојници, мултинационален баталјон на НАТО, еден од четирите кои ќе бидат разместени на границата со Русијаа, како и неколку стотици американски војнициво идната база на американскиот антиракетен штит и подготвени борбени групи за брза интервенција.
„Полска како сосед на Русија е заинтересирана за коректни, а можеби и пријателски односи. Клучот за тоа лежи во Москва. Од разговорите со советниците на Трамп произлегува дека тие би сакале Русија да се воздржи од кршење на меѓународното право и анексирањето на територии“, заклучил Вашчиковски./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.