Црна хроника
Македонската полиција ја засили контролата на границата со Албанија по грабежот во Дебар

Македонската полиција има преземено интензивни активности и контроли на делот кон границата со Албанија по разбојништвото што се случи во вторникот напладне во Дебар во две златарници, изјави за Макфакс портпаролот на СВР Охрид Стефан Димовски.
Димовски нагласи дека разбојниците имале фантомки и биле вооружени, а по разбојништвото побегнале. Во Клиничкиот центар во Скопје се пренесени две ранети лица меѓу кои е и сопственикот на една од златарниците Меџит Еребара.
Главната улица во Дебар каде се златарниците „Џити“ и „Ер Голд“ на семејството Еребара и понатаму е блокирана и надлежните институции ги извршуваат истражните активности. Од пукотниците има искршени стакла.
Во градот очевидци тврдат дека при повлекувањето, разбојниците зеле поголеми количини на златен накит, но исто така во едно од двете возила внеле еден член на бандата кој бил или ранет или загинал од истрелите во пресметката на член на семејството на златарите и разбојниците . /крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 30-годишник од Скопско поради тешка кражба, одреден му е притвор

На 14.10.2025 часот во 17:30 часот во трговски центар на подрачје на Карпош во Скопје полициски службеници од СВР Скопје го лишија од слобода 30-годишниот М.А. од село Глумово, скопско поради извршено кривично дело „тешка кражба“ по член 236 од Кривичниот законик на Р.С.Македонија.
Лицето по насока на Јавен обвинител беше задржано во Полициска станица и по комплетирање на доказниот материјал во координација со ОЈО Скопје истиот на 15.10.2025 година е изнесен пред судија на претходна постапка, при што му е одредена мерка притвор.
Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.