Црна хроника
Шест учесници во протестите за „Монструм“ осудени на по три години затвор
Шест учесници во протестите против пресудата во случајот „Монструм“ што се одржаа на почетокот на јули во Скопје се осудени на затворски казни од по три години, соопшти во среда Основниот суд Скопје 1.
„Основниот суд Скопје 1 – Скопје денеска ја објави пресудата за предметот поврзан со протестите кои на 04-ти јули се одржаа пред зградите на Основните судови Скопје 1 и 2 – Скопје, со која обвинетите А.Р., М.Б., Р.Б., А.А., Е.И. и И.М. ги огласи за виновни за кривичното дело „учество во толпа што ќе изврши кривично дело“ од член 385 став 2 в.в со став 1 од КЗ и ги осуди на казни затвор во траење од три години“, соопшти Судот.
Двајца осомничени добија ослободителни пресуди.
„Обвинетиот Р.Б., судот го ослободи од обвинение, додека за обвинетиот Ф.З., јавниот обвинител во завршните зборови го повлече обвинителниот акт заради недостиг на докази“, стои во соопштението.
На шестмината осудени им е продолжен притворот, а судот им наложи да надоместат штета од 1.602.587 денари.
Од Судот информираат дека се работи за првостепена пресуда која не е правосилна и на која обвинетите и одбраната имаат право на жалба пред второстепениот суд.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против директорка на градинка во Велес, при аплицирање за позицијата дала сертификат за англиски јазик со невистинита содржина
Единицата за корупција при Одделот за сузбивање на организиран и сериозен криминал (ОСОСК) на 25.04.2024 до ОЈО Велес поднесе кривична пријава против 44-годишната М.В. од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.
„Пријавената, на функција директор во општинска јавна установа за деца – детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.
Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата“, соопшти МВР.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.