Свет
Асад првпат поврзан со можно користење хемиско оружје
Меѓународните иследници првпат изјавија дека сметаат дека сирискиот претседател Башар ал-Асад и неговиот брат се одговорни за користење хемиско оружје во сирискиот конфликт, се наведува во документот во кој увид имал Reuters, кој доаѓа речиси две години по извештајот предаден во Обединетите нации и предавањето на сите залихи од вакво оружје и агенси од страна на сириската влада на меѓународните набљудувачи од Организацијата за забрана на хемиското оружје (OPCW) на коишто им беше овозможена детална инспекција на сите капаците и складишта на армијата.
Листата којашто ја видел Reuters, но уште не е објавена, се заснова на комбинација од наводни докази кои во Сирија ги собрале ОН и OPCW, а особено на информации од западните и разузнавачките земји од регионот кои всушност ги поддржуваат бунтовниците против владата на претседателот Асад. Изворот на Reuters барал да остане анонимен „поради чувствителноста на темата“.
Информациите се појавуваат во периодот кога во Сирија главно се почитува прекинот на огнот постигнат на 30-ти декември под покровителство на Русија и Турција, како вовед во мировните преговори за политичката транзиција на земјата меѓу сириската вооружена опозиција и сириската влада кои треба да започнат кон крајот на јануари во казахстанската престолнина Астана.
Заедничката истрага на ОН и OPCW попрано идентификуваше само воени единици, и не ги именуваше командантите и функционерите како виновните за наводното недозволеното војување.
Сириската влада во текот на истрагата понуди докази дека хемиските реагенси употребени крај главниот град Дамаск ги користеле бунтовници, на коишто им ги доставила тајната служба на сунитска монархија од регионот, а ги набавила од западноевропски компании. Целта на ваквите инциденти и вести за наводни хемиски напади, според Дамаск, била да се вовлечат западните земји, во прв ред САД, во сирискиот конфликт на страна на сунитските сили кои сакаат да го соборат претседателот Башар ал-Асад, почнувајќи од март 2011 година.
Сега била наводно изработена листа од поединци кои иследниците ги поврзуваат со низата напади со хлор меѓу 2014 и 2015 година, а неа се претседателот Асад, неговиот брат Махер и други високи функционери, со што се тврди дека наредбите за користење на токсично оружје дошле од самиот политички врв, тврди за Reuters извор запознаен со истрагата. Но не се споменува за користењето на биолошкото оружје од страна на бунтовниците и екстремните исламистички групи кои на почетокот од бунтот пред шест години успеаја да заземат големи територии од Сирија, вклучително и воени складишта, воени аеродроми и гарнизони.
Претставници на семејството Асад не биле наводно достапни за коментар за Reuters, но функционер на сириската влада изјавил дека обвинувањата дека владините сили наводно користеле хемиско оружје „немаат упориште во вистината“. Асад и сириската влада повеќепати ги отфрлаше тврдењата дека користеле оружје за масовно оружје против својот народ. Изворот на Reuters истакнал дека повеќето споменати напади се изведени од страна на Исламската држава и сириските бунтовници.
Истрагата на ОН и OPCW, позната како Заедничките истражен механизам, го предводи група од три независни експерти и група технички и административен кадар на кои владата во Дамаск и дозволи престој и инспекција на сириска територија која е под нејзина контрола. Ги покрена Советот за безбедност на ОН, во согласност со Русија, која инаку е воен сојузник на Башар ал-Асад, за да се утврдат поединци и организации одговорни за хемиските напади во Сирија.
Сепак, челничката на Заедничкиот механизам, Вирџинија Гамба негира дека постои каков и да е список со осомничени поединци.
„Утврдувањето на личности сега не се разгледува“, изјавила Гамба за Reutes.
Според текстот од наводниот извештат кој го наведува Reuters се наоѓале 15 имиња „кои треба да се истражат врзано со употребата на хемиско оружје од страна на Вооружените сили на Сириската Арапска Република меѓу 2014 и 2015-та“. Но не се изнесени поединости за улогите кои посочените наводно ги имале во тоа.
Списокот е поделен во три дела. Во првиот под наслов „Внатрешниот круг на претседателот“ се наведени шест лица вклучително и Асад, неговиот брат Махер Асад кој командува со елитната 4-та оклопна дивизија, министерот за одбрана и шефот на воената разузнавачка служба. Во вториот дел се наведени имињата на шефот на воздухопловните сили и на четворица команданти на воздухопловните дивизии. Во третиот дек се наведуваат имињата на двајца полковници и четворица генерал-мајори.
Хармиш Бретон-Гордон, независен стручњак за биолошко и хемиско оружје кој ја набљудува во ситуација во Сирија, тврди дека списокот всушност ја претставува воената командна одговорност, но не изнесува оцена за тоа дали навистина и кој користел хемиско оружје во Сирија.
„Одлуките се носат на највисоко ниво, па потоа се делегираат подолу… Поради тоа, првата употреба (на оружјето) треба да го авторизира Асад“, вели експертот кој е поранешен командант на британските и НАТО дивизиите за одбрана од хемиско и биолошко оружје кој чест ја посетува Сирија.
Сирија се придружи на Меѓународната конвенција за хемиското оружје по договорот со САД и Русија, по нападот за кој Западот тврди дека се убиен со сарин стотици цивили в Источна Гута крај Дамаск во август 2013 година, кое до почетокот на декември беше под контрола на екстремните исламисти, вклучително и Исламската држава. Сириската влада неколкупати докажуваше дека од позициите каде биле ракетирани бунтовничките населби немало сириска армија. Потоа владата се согласи да ги предаде 1.300 тони отровни реагенси, и да ја укине својата програма за развој на хемиско оружје, а предавањето на резервите и демонтирањето на постројките го надгледуваше меѓународна комисија за супервизија.
Употребата на хемиско оружје е забранета со меѓународното право и претставува воено злосторство. Иако конкретната истрага нема правосудни овластувања, какво и да е именување на осомничените може да доведе до нивен кривичен прогон. Сирија не е членка на Меѓународниот кривичен суд, но евентуални воени злосторства на нејзини функционери пред судот може да ги даде Советот за безбедност. Меѓутоа, поради моменталните големи тензии меѓу Западот и Русија, малку е веројатно дека тоа може да се стори. За осуда на сириските функционери би била потребна резолуција на Советот за безбедност на ОН, каде што Москва поддржана од Пекинг веќе вложуваше вето на неколку резолуции кои за сирискиот конфликт го обвинуваа само Асад и бараа интервенција како во Либија во 2011 година./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото+видео) Нереди во Лос Анџелес по рациите против имигранти, Трамп вели дека ќе ги забрани маските на протестите
Американскиот претседател Доналд Трамп ја забрани употребата на маски на протестите и ја пофали Националната гарда во Лос Анџелес по серијата насилни судири меѓу демонстранти и агенти на службата за имиграција и царинска контрола на САД за време на викендот.
Американскиот претседател во објава на социјалната мрежа truth social им се заблагодари на припадниците на Националната гарда.
„Одлична работа на Националната гарда во Лос Анџелес по два дена насилства, судири и нереди. Имаме неспособен гувернер и градоначалничка кои, како и обично (само погледнете како ги решаваа пожарите, а сега и нивното многу бавно издавање дозволи – федералната дозвола е завршена!), не се способни да ја завршат работата.
Овие протести на радикалната левица, поттикнати од организатори и често платени провокатори, нема да бидат толерирани. Исто така, отсега, маски нема да бидат дозволени на протестите. Што имаат тие луѓе да кријат и зошто??? Уште еднаш, благодарам на Националната гарда за одлично завршената работа!“
Нереди во Лос Анџелес
Претходно, Доналд Трамп распореди 2.000 припадници на Националната гарда на Калифорнија во Лос Анџелес, и покрај противењето од гувернерот Гавин Њусом, по вториот ден на судири меѓу стотици демонстранти и сојузните имиграциски власти опремени за разбивање нереди.
My feed is FLOODED with California Democrats saying Donald Trump is only trying to make a spectacle of Los Angeles by calling in the National Guard
ARE THEY INSANE??
1) ICE Protestors throwing bricks at federal officers
2) Protesters lighting LA on fire
3) Protestors breaking… pic.twitter.com/8DQ1wa2qcq— Wall Street Apes (@WallStreetApes) June 8, 2025
Сојузните агенти користеле солзавец, шок-бомби и гумени куршуми, додека демонстрантите фрлале камења и парчиња бетон кон возила на граничната патрола. Улиците биле покриени со чад од запален отпад.
Протестите ескалирале откако имиграциските власти претходниот ден спровеле рации во овој калифорниски град, вклучувајќи ја и модната четврт на Лос Анџелес и продавницата Home Depot, при што бројот на уапсени мигранти за една недела надминал 100. За време на протестите, властите уапсиле и истакнат синдикален лидер, обвинувајќи го за попречување на полициска акција.
„Сојузната влада сака спектакл“
Белата куќа најави дека Доналд Трамп ќе ја распореди Националната гарда со цел да се „реши беззаконието што било дозволено да се развие“, додека гувернерот Гавин Њусом, демократ, изјави дека овој потег е „намерно провокативен и ќе доведе само до дополнително зголемување на тензиите“. Њусом подоцна на социјалните мрежи ја обвини сојузната влада дека сака спектакл и ги повика граѓаните да не одговараат со насилство.
🚨 #BREAKING: Secretary Hegseth just announced he is preparing to deploy MARINES to the streets of Los Angeles if the National Guard needs assistance
“Marines at Camp Pendleton are on HIGH ALERT if vioIence continues,” SecDef said
TAKE CALIFORNIA BACK! 🇺🇸 pic.twitter.com/uIWBtQnNAD
— Nick Sortor (@nicksortor) June 8, 2025
Тензиите дополнително се зголемија кога министерот за одбрана Пит Хегсет се закани со распоредување на американската морнарица доколку насилството продолжи. „Ако насилството не престане, маринците од базата Кемп Пендлтон ќе бидат мобилизирани – веќе се во висока борбена готовност“, порача Хегсет.
Распоредувањето на Националната гарда следуваше по судирите во Парамонт и соседниот Комптон, каде што беше запален автомобил. Протестите продолжија и вечерта, кога неколку стотини демонстранти се собраа во близина на продавница за крофни, а полицијата постави бодликава жица за да ја задржи масата.
Трамп сепак има потреба од Конгресот за вакви одлуки
И покрај неговата најава за забрана, Доналд Трамп не може едноставно да забрани носење маски на протести само со објава на социјалните мрежи.
Според американскиот устав, претседателот нема овластување самостојно да донесе вакви забрани кои би важеле на национално ниво. За таква мерка е потребна законодавна постапка, односно одлуката мора да биде донесена од Конгресот, кој има овластување да усвојува закони што се однесуваат на правата на граѓаните и јавното здравје.
Претседателот може да издава извршни наредби што се однесуваат на федерални институции или специфични ситуации под вонредни овластувања, но за општи забрани, како што е носењето маски на јавни собири, потребна е јасна законска основа. Дополнително, дури и Конгресот има ограничени можности да наметне вакви мерки поради поделбата на надлежности меѓу федералната и сојузните држави, бидејќи јавното здравје и безбедноста главно се под ингеренции на државите.
Затоа, објавата на Трамп на социјалните мрежи нема правна сила – за да се спроведе ваква мерка, потребен е закон донесен од Конгресот и усогласен со уставните одредби.
Свет
(Видео) Индустрискиот регион Дњепропетровск погоден од дронови, артилерија и ракетни фрлачи
Во руските напади извршени во текот на ноќта врз централна Украина загинаа пет лица, а причинета е значителна материјална штета, соопштија регионалните власти во неделата.
Индустрискиот регион Дњепропетровск беше нападнат со дронови, артилерија и ракетни системи, при што беа уништени објекти и електрични далекуводи, пренесува „Киев Пост“.
„Напаѓачите го гаѓаа Синелниковскиот округ со наведувана воздушна бомба. Еден маж загина“, изјави претседателот на Обласниот совет на Дњепропетровск, Микола Лукашук, додавајќи дека во нападот биле оштетени и пет приватни куќи и едно детско градинче.
Во Никополскиот округ биле оштетени деловен објект, четири куќи и електрични далекуводи, наведува „Киев Пост“.
🇷🇺🇺🇦 At least five Iskander-K missiles nave struck the cities of Pavlohrad and Dnipro in Ukraine's Dnepropetrovsk region. pic.twitter.com/1GGBdLF0AB
— King Chelsea Ug 🇺🇬🇷🇺 (@ug_chelsea) June 7, 2025
Регионот Дњепропетровск беше цел и пред неколку дена, кога руски сили нападнаа воени објекти за обука, при што загинаа 12 украински војници.
„Украинска правда“ јавува дека во руските напади во саботата биле убиени четворица цивили во Доњецката област: двајца во Јаблуновка, еден во Костјантивка и еден во Сиверск.
Дополнително, уште девет лица биле повредени во текот на денот во истиот регион.
Руската војска извршила 555 напади врз 16 населени места во Запорошката област во последните 24 часа, соопшти утрово шефот на Воената управа на Запорожје, Иван Федоров.
Во објава на „Телеграм“, Федоров наведе дека руските сили извршиле еден ракетен напад врз Хригоривске и шест воздушни напади врз Орехово, Новоандријевка, Мала Токмачка и Чаривне. Тој додаде дека 320 беспилотни летала од различни типови ги нападнале местата Биленке, Јуркивка, Лобкове, Камјанскабачка, Хули Скопље, П. Новоданиловка, Мала Токмачка, Чаривне и Новодаривка. Исто така, според него, извршени се 10 напади врз Новојаковливка, Хуљајполје, Чаривне, Мала Токмачка, Новоандријевка, а под удар биле и Новодаривка и Роботине, пренесе Укринформ.
Пријавени се осум случаи на оштетени станови, приватни куќи и објекти од инфраструктурата. Претходно беше соопштено дека 63-годишен маж бил повреден во руски напад во Приморск.
Свет
(Видео) Силен украински напад врз Москва: гори фабрика, затворени се аеродроми
Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија руските власти рано наутро во неделата.
Руските единици за воздушна одбрана уништија девет украински дронови што се движеа кон Москва до 4 часот наутро, објави градоначалникот Сергеј Собјанин.
Тој додаде дека службите за итни случаи биле испратени на местото каде што паднале остатоците од дронот во ноќниот напад. Не пријавил никаква непосредна штета.
🔥 Russia: Fuel & lubricants warehouse on fire after an explosion in the Moscow suburb of Pushkino, 19 miles from the Kremlin. (30km)
The fire has now engulfed 5.2 acres. (21,000m²) pic.twitter.com/EtdKzmotoY— Igor Sushko (@igorsushko) June 7, 2025
Украински напад со беспилотно летало, исто така, предизвика краток пожар во хемиската фабрика „Азот“ во Тулската област, при што беа повредени две лица и уништени седум дронови над Калушката област, соопштија регионалните гувернери. И двата региона се граничат со Московската област јужно од главниот град.
Руската администрација за цивилно воздухопловство „Росавијација“ објави на Телеграм дека, со цел да се обезбеди безбедноста на воздушниот сообраќај, ги суспендира летовите на аеродромите „Внуково“ и „Домодедово“.
(Видео) Митева: Одморалиштето Пониква се става на располагање за рехабилитација на повредените од Кочани
Владата во текот на следната недела ќе донесе одлука со која одморалиштето Пониква, кое е во сопственост на Министерството за...
(Видео) Илиевски: МВР набавува сомнителен софтвер за прислушкување
На почетокот на мај оваа година МВР потпишало Договор за набавка на софтвер кој се користи за прислушкување и шпионажа...
(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС
Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки...
(Видео) Кузеска: Масовна и груба партизација, објавуваме список за 50 партиски вработувања во РЕК Осломеј
Владата на ВМРО-ДПМНЕ спроведува масовна, бртутална партизација на институциите преку нова серија вработувања со партиски списоци, рече денеска на прес-конференција,...
(Видео) Аврамовски: Наместо пари за питијади и ајваријади, општините да инвестираат во повеќе јавни паркинзи, зеленило и подобри услови во градинките и училиштата
Либерално-демократската партија (ЛДП) упатува јавен повик до општините ширум државата: да престанат со расфрлање на јавните средства за еднодневни настани...
(Видео) Силен украински напад врз Москва: гори фабрика, затворени се аеродроми
Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија...
(Фото) Трамп испраќа 2.000 војници од Националната гарда во Лос Анџелес поради демонстрантите
Администрацијата на американскиот претседател Доналд Трамп соопшти дека ќе испрати 2.000 војници од Националната гарда во Лос Анџелес по вториот...
Колумбискиот претседателски кандидат Мигел Урибе застрелан на изборен настан
Колумбискиот претседателски кандидат Мигел Урибе се бори за својот живот во болница откако беше застрелан во Богота. 39-годишниот сенатор, кој...
Времето денеска ќе биде сончево и многу топло, од утре засилен северен ветер, пороен дожд и грмежи
Времето денеска ќе биде сончево и многу топло со мала до умерена локална облачност. Ќе дува слаб до умерен ветер...
(Видео) Митева: Нов канал за директна комуникација со повредените во трагедијата во Кочани – 070 355 526
Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...
ИЈЗ издаде препораки за заштита од високите температури
Институт за јавно здравје повикува на почитување на мерките на заштита и претпазливост за време на високи амбиентни температури. „Кога...
(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени
Русија го нападна источниот украински град Харков со беспилотни летала, ракети и бомби, при што загинаа најмалку три лица, а...
ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале
Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично...
ЕУ се согласи да го зголеми времето на доцнење на летовите пред патниците да добијат надомест
ЕУ земјите се согласија да го зголемат времето на доцнење на авионските летови што е потребно за патниците да имаат...
Невреме во Скопје: паднати дрвја, поплавени улици, заглавени возила кај „Мавровка“
Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
