Свет
Ирачките сили ослободија владина зграда во Мосул, минаа мост на Тигрис
Силите на ирачката влада во петокот ја ослободиле од џихадстите на ултрарадикалната сунитска организација Исламска дражва главната владина зграда во вториот по големина град во земјата Мосул, административен центар на покраината Нинева, изјави помошникот на министерот за одбрана на САД за меѓународна безбедност Елиза Слоткин, а ирачките медиуми објавија дека безбедносните сили продреле и на територијата на тамошниот универзитет во северниот дел од градот, каде е последното силно упориште на џихадистите во Мосул.
„Штотуку ја добив информацијата дека ирачките безбедносни сили напредувале кон административната зграда на гувернерот на покраината Нинева. Над зградата на покраинската влада е развиорено ирачкото знаме“, изјавила Елиза Слоткин, според која станува збор за симболички важна победа и голем успех во операцијата за ослободување на Мосул, пренесува агенцијата РИА.
Истовремено ирачката телевизија al-Sumariah пренесе дека специјалните единици на ирачките безбедносни сили водат борби во кампусот на универзитетот во Мосул и заземале голем број објекти во комплексот. Универзитетскиот кампус служел како база на џихадистичките терористи, кои, наводно, во тамошните лаборатории произведувале хемиско оружје, се додава во извештајот.
Покрај тоа, припадниците на Елитните антитерористички сили (CTS) во петокот го заземале и „Мостот на слободата“. кој е еден од четирите поважни кои преку реката Тигрис го спојува западниот и источниот дел на Мосул, и симболично го истакнале ирачкото знаме. Телевизијата al-Sumariah пренесе дека џихадистите имале план да ги кренат во воздух сите мостови за да го спречат напредувањето на ирачките сили. Нејасно е под кои околности овој мост не бил урнат.
Челникот на операциите за враќање на контролата врз покраината Нинева (Ниневија – Најнива), Абдул-Амир Јар-Алах, објави дека се ослободени и станбени комплекси, како и други владини објекти во административниот покраински центар.
Ирачки извори, исто така, рекле дека и квартот ал-Садријах, на западниот брег од Тигрис, е под контрола на владините трупи. Изворите додале дека најмалку 90 џихадистички борци се убиени и две борбени возила се уништени во судирите во петокот на источниот брег.
Операцијата за ослободување на северниот ирачки град Мосул, кој од летото 2014 година е под контрола на Исламската држава и дефакто претставуваше „престолнина“ на нејзиниот „калифат“ прогласен на териториите во Ирак и соседна Сирија, започна во октомври 2016 година. Во тешките борби терористите загубија многу населби на истокот од Мосул, но западниот дел на спротивниот брег од Тигрис уште е под нивна контрола. Ирачкиот премиер Хајдер ал-Абади изјави дека ќе бидат потребни најмалку уште три месеца да се извојува целосна победа над Исламската држава./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина на барање на Киев доколку Русија ја пробие линијата на фронтот. Според него, многу земји од ЕУ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува „Танјуг“.