Црна хроника
Српски кошаркар шверцувал кокаин во Перу
Српскиот кошаркар Никола Радојчиќ (27) уапсен е на аеродромот Хорхе Чавез во Перу поради шверц на кокаин, јавија белградските медиуми.
Според наводите на перуанските медиуми, дрогата била пронајдена во стомакот на Радојчиќ. Тој проголтал 23 капсули со по 10 грама кокаин.
Полицијата го успасила Радојчиќ откако побарал лекарска помош поради сериозни болки во стомакот, како последица од капсулите.
Заедно со Радојчиќ бил уапсен и неговиот пријател Урош Докиќ (21), кај кого исто така е пронајдена дрога во стомакот. Обајцата завршиле во локалната болница, каде под полициско обезбедување им биле извадени капсулите.
Вредноста на запленетиот кокаин, кој преку Амстердам требало да биде допремен во Белград, се проценува на 150.000 евра.
Според локалните закони, уапсените државјани на Србија ги чека казна до осум години затвор.
Радојчиќ во кариерата има играно за повеќе клубови, меѓу кои Црвена Звезда, Будуќност, Тенерифе и Гран Канарија. Во јуниорските денови важеше за голем талент и дури му предвидуваа кариера во НБА лигата. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Турчин со „хонда“ удрил во полицаец
Денеска во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда” со скопски регистарски ознаки, кое го управувал, удрил во полициски службеник кој извршувал службени дејствија.
Тој е задржан во полициската станица Гостивар и по целосно документирање на случајот против него биде поднесена соодветна пријава.
Црна хроника
Го погодил проектил во нога додека собирал печурки
Маж од Велес собирал печурки и почувствувал убод во левата нога. По лекарски преглед, од коленото му бил изваден проектил од огнено оружје.
„Во СВР Велес вчера во 11 часот, 63-годишниот Д.Ј.од Велес, пријавил дека при собирање печурки во атарот на село Лисиче, Општина Чашка, почувствувал убод на левата нога, по што во Општа болница Велес му бил извршен преглед и од коленото му бил изваден проектил од огнено оружје“, информира денеска Татјана Ѓуровска од СВР Велес.
Таа додаде дека за настанот бил известен јавен обвинител од Основното јавно обвинителство Велес и дека се преземаат мерки за негово расчистување.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.