Европа
ОБСЕ регистрирало движење на ракетни системи во Донбас
Во зоната на раздвојување во источна Украина која е под контрола на силите лојални на властите во Киев регистрирани се разместувања на три ракетни система „Град“ и воздушно ракетен систем „Стрела-10“, се наведува во соопштението на Специјалната набљудувачка мисија на Организацијата за безбедност и соработка во Европа (ОБСЕ) објавена во извештајот од неделата на набљудувачите и се додава дека се забележани натамошни нарушувања на прекинот на огнот во областа Донбас.
„Специјалната набљудувачка мисија на ОБСЕ регистрираше случаи на нарушување на ‘режимот на тишина“ во Донбас. Вкупно се регистрирани 1.200 експлозии, од кои најголемиот дел се на линијата Јасиноватаја – Авдеевка – аеродром Донбас“, се наведува во извештајот. Набљудувачите продолжуваат со истражувањето на резултатите од последните напади во областа на градот Авдеевка, кој е под контрола на украинската армија и „доброволечките одреди“, иако е населен со мнозинство жители кои се изјаснуваат како и оние во шест километри оддалечената одметната самопрогласена ткн Народна Република Донецк.
Набљудувачите на ОБСЕ, исто така, регистрирале и бројни уништувања во населените места, но конкретно не се посочуваат за кои места станува збор и кој е одговорен за тие нарушувања.
Нарушување на договорот од Минск, според кој тешкото вооружување, особено артилериското треба да биде повлечено на повеќе десетици километри од линијата на фронтот, набљудувачите забележале и два тенка од моделот „Т-64“ во близина на селото Василевка, покрај лансирните системи „Град“ во близина на селото Суха Балака, како и противвоздушен систем „Стрела-10“ кај населеното место Лебединско.
Контактната група за решавање на конфликтот во источна Украина на 1-ви февруари во текот на состанокот во белоруската престолнина Минск бараше итен прекин на огнот во Донбас и до 5-ти февруари да бидат повлечено сето вооружување и воена техничка по целата на линија на раздвојувањето.
Во меѓувреме, постојаниот претставник на Руската Федерација во ОБСЕ, амбасадорот Александар Лукашевич, изјави дека повлекувањето на тешкото вооружување на украинските сили не се презема поради провокациите на Киев.
Според коментаторите, властите во Киев се инструирани да ја тестираат новата американска администрација во однос на најавите на претседателот Доналд Трамп за намерите за затоплување на односите со Русија којашто Западот ја обвинува дека има влијание врз украинскиот конфликт.
„Станува збор, се разбира, за ситуацијата по решението на Контактната група на 5-ти февруари да биде повлечено оружјето. Тоа не е сторено поради постојаните провокации од страна на Украина, која продолжува со гранатирањата и распоредување нова воена техника“, рече Лукашевич.
Тој, исто така, рече дека не верува ниту оти проширувањето на ткн „Нормандиски формат“ (Украина, Русија, Франција и Германија) би можел да го забрза постигнувањето мир во Донбс./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.