Европа
Макрон предизвика бура со изјавата „Колонизацијата е злосторство против човештвото“
Емануел Макрон, центристички француски политичар кој добива висок процент поддршка во анкетите, два месеци пред претседателските избори, беше принуден да се брани по неговите критики за колонијалното минато на својата земја.
Имено, од 39-годишниот Макрон беше побарано да ги појасни коментарите за колонизацијата кои ги искажа во интервју за алжирската телевизија, емитувана во вторникот ноќта. Ова е чувствително прашање во земја која водеше крвава војна за да добие независност од Франција
„Колонизација е злосторство. Тоа е злосторство против човештвото. Тоа е навистина варварски, и тоа е дел од минатото со кој треба да се соочиме и да им се извиниме на оние против кои ги извршивме овие дела “, изјави Макрон во одбрана на својот став искажан претходно.
„Во исто време, ние не смееме ова минатото да го „ставиме под тепих“ … Има соодветна фраза во врска со Алжир: „Франција основаше човекови права во Алжир. Но таа едноставно заборави да се придржува кон нив”, додаде Макрон.
Ултранационалистката Марин Лепен која во анкетите води пре останатите претседателски кандидати, но според прогнозите најверојатно ќе загуби од Макрон доколку се соочат во втор круг, изјави дека неговите забелешки се еднакви на предавство.
„Дали има нешто посериозно кога сакате да бидете претседател на Република, а одите во странство и ја обвинувате земјата која сакате да ја водите за злосторство против човештвото”, запраша таа реторички на емисијата Q & A, а нејзините поддржувачи ова веднаш го објавија на Фејсбук, обвинувајќи го Микрон за „непочитување на Франција”.
Претходно, заменикот претседател на нејзината партија „Национлаен фронт“, Флориан Филипо на Твитер го запраша: „Г-дин Макрон, дали патиштата, болниците, францускиот јазик и францускта култура се злочини против човештвото? Стоп за ова постојано покајание!“
Републиканецот Франсоа Фијон, кандидатот на десниот центар кој е изедначен со Макрон во трката да обезбеди место во вториот круг, исто така, го обвини Maкрон за ретерирање од неговиот претходен став. крај/мф/вс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.