Европа
Жените во Италија нема да работат во среда, ни домашна работа
Жените во цела Италија ќе отсуствуваат од работа во среда, на меѓународниот Ден на жената 8-ми Март, и тоа не само од работа, туку нема да работат ни домашни работи, учествувајќи во глобалниот „женски штрајк“ за поддршка на женските права.
„Денот без жени“ се очекува да влијае врз јавниот транспорт, авионските летови, училиштата, но и другите индустии, откако повеќе синдикати се пријавија за учество.
Работничките и од јавниот и од приватниот сектор ќе штрајкуваат, а организаторите ги охрабруваат жените да не ги работат ни домашните работи односно, секоја продуктивна работа, за да се фрли светлина на придонесот на жените во општеството.
„Ако нашите животи не се ценат, ние ќе штрајкуваме“, велат организаторите.
„Жените, и не ссамо жените, ќе излезат на улиците да покажат дека машкото насилство против жените е структурален проблем во општеството“, објаснуваат тие.
„Опфатено е на сите локации, од дома до работното место, од болници до универзитети, од медиуми до граници, и на секоја локација ќе се бориме“, додаваат организаторите.
Штрајковите ќе бидат присутни во 40 земји низ светот, а Италијанките на улица ќе ги „изнесе“ Организацијата за женски права ‘Non una di meno’.
Организаторите објавија листа од осум клучни точки, од домашно насилство со обезбедување автономија на жените врз нивното тело.
Манифестот се фокусира и на инклузија на трансактивистки и на „обоените“ жени во феминистички здруженија, како и кампања за слобода на движење и право на азил.
Сепак, од Non una di meno велат дека некои жени пријавиле дека нивните работодавци им давале лажни информации за нивните права на штрајк.
„Во некои случаи се соочуваат со уцени, а на некои им се закануваат“, велат организаторите кои побарале синдикатите да се осигураат дека работничките се запознати со нивните права на протест, без оглед на нивната професија и без разлика дали се членки или не на некој синдикат.
Покрај ова, во Италија ќе се одржат и други протести и движења на жените. Затоа, од Trenitalia, главната железница на Италија, соопштија дека некои линии ќе бидат откажани, а кај некои се очекува доцнење, освен експресните линии чии рути се загарантирани.
Исто така, автобускиот и превозот со воз до аеродромите може да доцни или да биде откажан, а секако ќе страда и авионскиот транспорт, но велат дела летовите од 7 до 10 часот и оние од 18 до 21 часот се загарантирани.
Затоа се повикуваат соите кои планираат да патуваат во среда, најпрво да ги проверат возните редови на сите транспортни претпријатија.
Исто така, и институциите и универзитетите нема да работат со полн капацитет./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.