Европа
Шефот на турската дипломатија го обвини Берлин
Турскиот министер за надворешни работи Мевлут Чавушоглу ја предупреди во вторникот вечерта Германија на Турција да не ѝ дели уроци од демократија и го обвини Берлин за вмешување во нејзините внатрешни работи пред одржувањето на референдумот за зголемување на овластувањата на претседателот на државата.
„Ве молам да не ни делите уроци за човекови права и демократија. Германија не би смеела да се меша во нашите избори и во нашиот референдум“, изјави турскиот министер за надворешни работи Мевлут Чавушоглу обраќајќи се од балконот на резиденцијата на турскиот конзулат во германскиот северен пристанишен град Хамбург, според процените на AFP, пред околу 200 симпатизери.
Анкара го обвини Берлин кој претходно ги откажа собирите на турските доселеници во германските градови во поддршка на референдумот кој ќе се одржи на 16-ти април, а исто така и за ускратување на учеството на функционери од Турција на нив, што подоцна беше ублажено.
„Сакаме да им кажеме на нашите германски пријатели да престанат со тие лоши потези. Оние коишто сакаат да заокружат ‘да’ на референдумот се блокирани, тоа не е исправно“, критикуваше Чавушоглу.
Додаде дека во средата утрото ќе се сретне со германскиот колега Зигмар Габриел.
Според податоците на полицијата, околу 250 противници на турскиот претседател Реџеп Тајип Ердоган, главно алавити кои живеат во околина на Хамбург, се собрале во близина на конзулатот, а некои од нив носеле транспаренти со натписот „Диктатор Ердоган, не!“.
Германските власти во понеделникот вечерта ја повлекоа дозволата за одржување на собирот на кој требаше да зборува Чавушоглу, бидејќи местото на одржување во Хамбург го оцениле за несоодветно, но со та не го откажаа самиот собир.
Турбулентните односи меѓу Германија и Турција траат веќе втора година, а особено откако германските пратеници изгласаа резолуција прогласувајќи го масовните убиства на Ерменци во текот на Првата светска војна за геноцид од страна на Османлиското царство, што Анкара не го прифаќа, па потоа пораснаа и поради критиките на Берлин на турскиот одговор на неуспешниот обид за државен удар од 15-ти јули 2016 година, а дополнително пораснаа откако во понеделникот беше затворен германско-турскиот дописник на весникот Die Welt во Турција, Дениз Јучел.
Односите меѓу Анкара и Берлин повторно деновиве ги карактеризираат тензии и вербална војна откако властите во Германија на бројната тамошна турска заедници ѝ го откажаа одржувањето на трите собири за поддршка на референдумот со кој во Турција треба да бидат зголемени овластувањата на претседателот на земјата а на кои треба да учествуваат турски министри,
Германија ја има најбројната турска дијаспора во светот, од околу три милиони граѓани. Во Германија, исто така, е и бројна курдската заедница, со повеќе од милион припадници, која се противи на актуелната турска власт.
Владата на канцеларката Ангела Меркел последните месеци повеќепати ја повика турската заедница да не ги увезува судирите кои ја потресуваат Турција на територијата на Германија. Германските функционери ги негираат политичките мотиви за откажувањето на собирите./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Мечка уби човек во Словачка, владата одобри убивање на четвртина кафеави мечки
Владата на Словачка го одобри планот за отстрел на околу четвртина од кафените мечки во земјата, откако еден човек беше изгризан до смрт додека шеташе во шума во централна Словачка, јавува Би-би-си.
Популистичко-националистичката влада на премиерот Роберт Фицо по состанокот на владата објави дека 350 од околу 1.300 кафеави мечки ќе бидат застрелани, наведувајќи ја опасноста за луѓето по серијата напади.
„Не можеме да живееме во земја во која луѓето се плашат да влезат во шума“, изјави премиерот на новинарите по средбата.
Специјалната вонредна состојба која дозволува пукање на мечки сега е проширена во 55 од вкупно 79 окрузи во Словачка, што значи дека го покрива најголемиот дел од земјата.
Владата во Братислава веќе ја олабави законската заштита за мечките, дозволувајќи им да бидат застрелани ако се премногу блиску до населени места. До крајот на 2024 година беа убиени 93 мечки. Плановите за дополнителни убиства беа осудени од оние кои тврдат дека таквата одлука е спротивна на меѓународните обврски и потенцијално незаконска.
Европа
Од денеска на европските граѓани им треба еден документ за влез во Британија, позната цената на пропусницата
Европските граѓани кои патуваат во Обединетото Кралство од денеска ќе имаат потреба од дигитална пропусница за влез во земјата, што според британската влада ќе ја зајакне безбедноста на границите.
Електронското овластување за патување (ЕТА) може да се купи онлајн за 10 фунти (12 евра) во наредните денови, а од 9 април цената ќе се зголеми на 16 фунти (19 евра).
Дозволата ќе биде задолжителна за сите Европејци кои сакаат да ја посетат Велика Британија од 2 април, откако истата пропусница беше воведена во јануари за граѓаните на САД, Канада и други земји на кои не им е потребна виза.
Слична дозвола за влез во земјата имаат и САД.
„Со дигитализирање на системот за имиграција, го отвораме патот за бесконтактни гранични премини во ОК“, рече министерката за миграција Сема Малхотра претходно овој месец, кога беше отворена веб-страницата за првите апликации.
Таа додаде дека проширувањето на ЕТА во земјите ширум светот „ја зајакнува посветеноста за подобрување на безбедноста преку технологија и иновации“.
Документот дозволува посети до шест месеци и важи две години. Тоа е задолжително за сите патници, вклучително и малолетни и новороденчиња.
Пропусницата може да се добие од апликација за паметни телефони или од владината веб-страница и е достапна за Европејците од почетокот на март.
Почнувајќи од среда, граѓаните на околу триесет европски земји, вклучително и целата ЕУ со исклучок на Ирска, ќе треба да имаат електронска дозвола за влез во Обединетото Кралство, кое ја напушти ЕУ во 2020 година.
Апликантот мора да приложи фотографија од пасош и од лицето. Процесот трае околу десет минути, информираат од британското Министерство за внатрешни.
Во повеќето случаи, одлуката за апликацијата се носи во рок од неколку минути, но можно е да се чека и до три работни дена, велат од Владата.
Доколку апликацијата се обработи успешно, ЕТА е дигитално поврзана со пасошот на апликантот.
Патниците кои се префрлаат на аеродроми без да ја поминат границата со ОК се ослободени од оваа шема. Ова беше направено по притисокот од Хитроу, најпрометниот аеродром во Европа, кој стравуваше од губење на бројот на патници.
Има само два аеродрома во ОК со можност за поврзување без преминување на границата, Манчестер и Хитроу. Во 2024 година, речиси 84 милиони патници поминаа низ Хитроу, од кои една третина беа од ЕУ.
Програмата беше лансирана во 2023 година за Катар, а потоа се прошири во пет соседни земји од Персискиот Залив.
Во јануари, тој беше проширен на граѓаните на дополнителни педесет земји, вклучувајќи ги Аргентина, Јужна Кореја и Нов Зеланд.
До крајот на 2025 година, речиси 1,1 милион посетители ќе добијат ЕТА, според Министерството за внатрешни работи на Британија.
Не е потребна дозвола за луѓе со дозволи за престој во ОК или луѓе кои веќе имаат имиграциски статус во Кралството.
Европа
Зеленски објави колку заработил лани: приходите му се зголемени во однос на 2023 година
Украинскиот претседател Володимир Зеленски објави декларација за имотот, приходите, трошоците и за финансиските обврски на неговото семејство за 2024 година.
Системот на задолжителни електронски изјави за имотот на јавните службеници беше воведен во 2014 година како дел од борбата на Украина против корупцијата. По суспендирањето на почетокот на војната, Зеленски потпиша закон во октомври 2023 година со кој се вратија задолжителните декларации, пишува „Киев индипендент“.
Според последните податоци, приходот на семејството Зеленски во 2024 година бил 15.286.193 гривни (368.556 долари), вклучувајќи 8.585.532 гривни (207.000 долари) од продажба на државни обврзници. Другите приходи се состојат од претседателската плата, банкарските камати и приходите од издавање сопствен недвижен имот.
„Зголемувањето на приходите на семејството на претседателот на Украина во однос на претходната година се должи на продолжувањето на целосната исплата на киријата“, соопшти прес-службата.
„Немаше други значајни промени во имотот, недвижниот имот или возилата на семејството на претседателот минатата година“, додаваат тие.
Зеленски и членовите на неговото семејство пријавиле приход од 316.700 долари во 2023 година.
(Видео) Трамп наметна царини од 20 отсто за ЕУ, се обрати Фон дер Лајен: „Последиците ќе бидат страшни“
Претседателката на Европската комисија, Урсула фон дер Лајен, ги коментираше царините на Трамп во видео обраќање на неколку јазици: на...
Кина вети решителни контрамерки против царините на Трамп
Кинеското Министерство за трговија ги повика САД „веднаш да ги повлечат овие еднострани царински мерки и соодветно да ги решат...
Остри реакции на светските лидери за царините на Трамп: „Не сакаме трговска војна“
Американскиот претседател Доналд Трамп изјави дека ќе воведе царини од 10 отсто за сите увозни производи од САД, покрај повисоките...
Трамп воведе царини за увоз од сите земји, за ЕУ царина од 20 отсто
Претседателот Доналд Трамп денеска објави царини од најмалку 10 отсто за практично сите стоки кои доаѓаат во Соединетите држави, плус...
Во телефонот на Кешишев, Палевски бил запишан „царот“: „Го видов Палчо со пиштол и се слушна тап истрел“
По барање на одбраната на Влатко Кешишев, обвинетиот Љупчо Палевски-Палчо беше отстранет од судницата оти му било страв да зборува...
Давкова благодарна до сите земји кои ни помогнаа по трагедијата, објави листа на државите кои пружија помош
Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави...
Мицкоски и Филипче утре ќе се сретнат во Владата
Премиерот Христијан Мицкоски и претседателот на СДСМ, Венко Филипче, утре ќе остварат средба во владината зграда. Претходно денес, Мицкоски изјави...
На седницата на улица ССМ изгласа функционерите да бидат на минималец, ако не ја почитуваат одлуката, можен е генерален штрајк
На ист начин како што Владата без работниците одлучи за покачување на минималната плата на 400 евра, место на 500,...
Тројца пациенти денеска се враќаат од Шведска и од Грција
Министерството за здравство информира дека тројца пациенти од повредените лица од пожарот во Кочани се враќаат во земјата, од кои...
Мицкоски за средба со Филипче: Стојам на располагање во секое време, јас сум сериозен човек
Подготвен сум да го примам на средба претседателот на СДСМ, Венко Филипче, но непристојно е за ова да се разговара...
Со едноминутен молк за жртвите во Кочани, ССМ на улица ја отвори првата јавна седница, бараат 500 евра минимална плата
Голем број членови на највисокото раководство на Сојузот на синдикатите на Македонија (ССМ), придружувани од работниците, точно во 12.05 часот...
(Видео) „Мора да ги ослободиме институциите од канџите на политиката и партијата“: Филипче предлага концепт за нов општествен и политички дијалог
После големата трагедија во Кочани, ја видовме реакцијата на граѓаните, револт на место и бес. Би рекол сосема оправдано, бидејќи...
Секој има право да протестира, но барањата за минимална плата синдикатите треба да ги кажат на седница на ЕСС, а не на улица, вели Дурмиши
Министерот за економија и труд, Бесар Дурмиши, ја потпишал минималната плата без согласност од Економско-социјалниот совет (ЕСС), што е законска...
Уапсени три лица од Кривопаланечко поради извршено кривично дело убиство
Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф....
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
