Црна хроника
Запленети 43.800 евра на граничнот премин Табановце

Царинските службеници на граничниот премин Табановце, утрово, во возило управувано од македонски државјанин, со кое патувале ушта двајца сопатници, заплениле 43.800 евра.
„На 23.март 2017 година околу 7:15 часот, на излез од Република Македонија на граничен премин Табановце се пријавило моторно возило со македонски регистарски таблици, управувано од македонски државјанин, со кој патувале уште двајца сопатници, еден македонски и еден турски државјанин. На прашањето од царинските службеници дали имаат нешто да пријават, само едниот сопатник – турскиот државјанин одговорил дека со себе носи 9.000 евра, а другите две лица одговориле дека немаат ништо за пријавување. При преглед на лицата и возилото, покрај уредно пријавените 9.000 евра, во предниот дел од возилото во термос за кафе царинските службеници пронајдоа 34.800 евра, а во кутија за шеќер сместена во фабричката преграда на десната врата уште 10.000 евра“, се вели во соопштението на Царинската управа.
Согласно законските прописи, на патникот му биле вратени 10.000 евра кои нерезидент (во случајов турски државјанин) може слободно да ги изнесе од Македонија, а останатите 43.800 евра за кои немало никаков документ за потекло привремено се задржани.
Царинската управа против сторителот започнала соодветна постапка. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тешко повреден 15-годишник од Канада: со мопед удрил во лисица во Охридско и паднал

Денеска (29.08.2025) околу 03:30 часот во СВР Охрид e пријавено дека на ул.„Радојца Новичиќ“ во Охрид, 15-годишен малолетник од Канада, a со престој во с.Долно Лакочереј, охридско, управувајќи мопед „априлија“ со охридски регистарски ознаки, удрил во лисица и паднал на коловозот.
Во несреќата со тешки телесни повреди се здобил малолетниот возач, констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид.
Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.
Топ
Полово вознемирувал малолетно девојче: уапсен 75-годишен маж од Тетовско

Вчера во 17:00 часот во СВР Тетово е лишен од слобода З.Б.(75) од тетовско.
Тој се сомничи за сторено кривично дело „полово вознемирување“, а по претходна пријава од 11.08.2025 од страна на 42-годишна жена од тетовско дека З.Б. полово ја вознемирувал нејзината малолетна ќерка.
Од страна на полициски службеници од СВР Тетово по добиена судска наредба, бил извршен претрес во дом и помошни простории на З.Б., при што биле пронајдени и одземени мобилен телефон, лап топ компјутер, ресивер и други предмети.
По целосно расчистување и документирање на случајот, ќе биде поднесен соодветен поднесок.