Региони
Пуштен во употреба системот за водоснабдување на езерото Младост
Системот за водоснабдување на езерото Младост, во близина на Велес, беше пуштен во употреба во понеделник од страна на министерот за финансии и Вицепремиер Зоран Ставрески и Градоначалникот на Општина Велес Славчо Чадиев.
Со реализација на овој проект, покрај крајбрежјето на езерото, се решава водоснабдувањето и на жителите на Башино село, Населба Речани, селото Отовица, селото Сујаклари, како и на останатите населени места. Со чиста и исправна вода за пиење ќе се снабдат повеќе од 4.000 жители од овој дел. Цевководот е долг околу девет километри, а се гради околу три години. Средствата за овој проект во вредност од 42 милиони денари, се обезбедени со заем од Светска банка преку Министерството за финансии.
„Кога има добри проекти, Владата е тука да ги поддржи. Јас сум задоволен што општината и изведувачите, сработија максимално ефикасно, го минаа тестот на Светска Банка и ги реализираа овие два проекти”, рече министерот за финансии и Вицепремиер Зоран Ставрески.
Проектот за водоснабдување на езерото Младост е дел и од напорите на Општина Велес за уредување на просторот околу Езерото Младост, сè со една цел, езерото Младост и општината да станат погодна и препознатлива туристичка дестинација. Водоводот во многу ќе придонесе локациите околу езерото Младост и населбата Отовица да станат уште поатрактивно место за домашните и странските туристи чиј што број од година во година е сè поголем.
„Со овој водоводен систем во должина од девет километри обезбедивме вода за пиење за индустриската зона Речани, Башино село, сателитската населба покрај езерото Младост, двата мотели, Прокредит Академијата, селото Новачани”, истакна Градоначалникот Славчо Чадиев. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Региони
Поради магла и загаден воздух, откажани летовите на аеродромот во Сараево
Поради лошите временски услови предизвикани од магла синоќа и утринава откажани се некои летови на меѓународниот аеродром во Сараево.
Од меѓународниот аеродром во Сараево откажани се летовите кои пристигнуваат од Виена, Истанбул и Загреб, а со тоа и појдовните летови од Сараево.
„Останатите летови засега се на распоред и очекуваме наскоро да се подобрат временските услови на меѓународниот аеродром во Сараево“, велат од аеродромот за сараевската телевизија N1.
Македонија
(Видео) Торказ се сретна со Џафери и повика на почитување на меѓународните договори од сите страни
На маргините на лидерскиот состанок за планот за раст, кој се одржува во Котор, Црна Гора, претседателот на Владата на Република Северна Македонија, Талат Џафери, имаше билатерална средба со специјалниот пратеник за Западен Балкан на Франција, Рене Троказ.
„На средбата се разговараше за важноста од продолжување на европскиот пат на Република Северна Македонија во пресрет на формирањето на новата влада. Троказ ја истакна натамошната француска поддршка на европската интеграција на Северна Македонија во ЕУ и повика на почитување на меѓународно преземените договори од сите политички фактори. Премиерот Џафери изрази надеж дека земјата ќе ги заокружи неопходните чекори за продолжување на европската агенда. Во таа насока ја сподели загриженоста од непочитувањето на уставното име од страна на новоизбраната претседателка на државата и повика на почитување на меморандумот потпишан пред изборите од страна на политичките партии во поглед на предусловите за нашето интегрирање во Европската Унија“, соопштија од кабинетот на Џафери.
Џафери и во Котор нагласи дека за него не е приоритет кој ќе ја сочинува новата влада, туку исполнувањето на европската агенда како пат кон иднината, на кој ќе продолжи да работи во кое било својство и функција.
Македонија
Опасен отпад детектиран во близина на скопското село Орман
При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.
„Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад“, информираат од Државниот инспекторат.
Сопствениците на катастарската парцела на која се наоѓа отпадот со решение од Државниот инспекторат се задолжени да извршат неговата дислокација во рок од 30 дена од издавање на решението.
Граѓаните на социјалните мрежи бараат одговорност и одговор од каде доаѓа отпадот и кој е виновникот за неговото одложување токму на оваа локација која е во непосредна близина на реката Лепенец и населените места Волково и Орман.