Европа
Тимот на Брисел кој ќе го „пегла“ договорот за развод на Велика Британија со ЕУ
– Mишел Барние е главниот преговарач на Европската унија за Брекзит. Тој во моментов располага со тим од 29 лица, кои ќе ги координираат напорите на Брисел за постигнување договор за развод со Велика Британија до 2019 година.
Тимот
Тимот е предводена од 66-годишниот Барние, поранешен француски министер и еврокомесар, а тимот може да координира и да користи експертиза од Европската комисија.
Заменик главен преговарач е Сабине Вејнд, која е долгогодишен претставник на Германија во Европската комисијата. Таа учела на Кембриџ во 80-тите години на минатиот век. Првата половина од 23-годишната кариера ја минува во Европската комисија, каде работи во областа на трговската политика, а подоцна е ангажирана на работни задачи за координација помеѓу евро-институциите.
Како главен советник за стратегија, координацијата и комуникација е Стефани Ризо, француски економист со кариера во областа на буџетите и финансии во Европската комисијата. Таа директно е потчинета на Барние.
Нејзиниот седум член тим вклучува правни и дипломатски советници, како и малтешки претставник, чија задача е да ги одржува врските меѓу 27-те земји членки на ЕУ без Британија.
Ова ќе се случува преку извештаи до Европскиот совет, предводен од поранешниот полски премиер Доналд Туск. Белгискиот дипломат Дидие Сејоус, таму ќе биде координаторот за Брекзит Во јуни, кога завршува шестмесечното европско претседателство на Малта, Естонец ќе ја преземе екипата на Барние, следен е Бугарин, Австриец, па Романец.
Три специјализирани одделенија ќе одговараат пред Вејнд: внатрешен пазар, сектори и меѓусекторски прописи со седумчлен тим: буџет, расходни обврски и програми со двајца членови, трговија и надворешните односи, внатрешна и надворешна безбедност со тројца членови.
Времето
Британскиот премиер Тереза Меј изјави дека почетокот е 29 март, официјалното активирањето на член 50 од договорот за напуштање на ЕУ.
Откако Меј испрати официјално писмо, за Велика Британија почнуваат да течат двете години во кои треба или да постигне договор, или да биде исфрлена од ЕУ, без да најде решение за проблемите.
Барние вели дека тоа му дава рок од 16 месеци тешка работа, која би требало да заврши некаде до октомври 2018 година. Во рамките на тој период тој треба да се постигне договор – официјално ратификуван од земјите и Европскиот парламент, пред Велика Британија да ја напушти заедницата во март или април 2019 година.
Условите
Барние методично се ангажирал со решавањето на проблемите во области како: британските плаќања за покривање на обврските што направила како земја членка (претставници на ЕУ зборуваат за, грубо кажано, околу 60 милијарди евра); правниот статус на вработените во странство, граѓани на ЕУ и на Велика Британија од двете страни на новата граница; како ќе функционира новата граница, особено во врска со трговијата и најмногу во Ирска.
Освен да посочате деталите околу односите со ЕУ, Меј вели дека сака да се постигне сеопфатен договор за слободна трговија во рамките на овие две години. Многу претставници на ЕУ и на Велика Британија се сомневаат дека тоа може да се случи за толку краток период. ЕУ инсистира разводот да биде договорен пред да се дефинираат условите за нови трговски односи и е отворена за преодни договори од 2019 година
“Денес е прв ден на еден многу тежок пат”, рече во средата Мишел Барние.крај /мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.