Hitech
Самсунг ги претстави новите Галакси С8 и С8+ – паметни телефони за кои не постојат граници
Самсунг Електроникс (Samsung ElectronicsCo. Ltd.) ги претстави пред светот Галакси С8 (Galaxy S8) и Галакси С8+(Galaxy S8+) уредите кои ги рушат традиционалните граници на паметните телефони со својот беспрекорен дизајн на хардверот и им нудат на корисниците нови начини за интеракција со својот телефон. Со лансирањето на голем број услуги и апликации, како и бескрајниот екран (Infinity Display) кој на корисниците им нуди целосно уживање при гледањето, новите Galaxy S8 и Galaxy S8+овозможуваат ново ниво на функционалност и практичност, отварајќи цела галаксија на можности.
“Samsung Galaxy S8 и S8+ воведуваат нова ера во дизајнот на паметни телефони и фантастични нови услуги, претставувајќи нови начини да се доживее светот. Galaxy S8 и S8+претставуваат исполнување на нашето ветување за повторно придобивање на довербата на корисниците. Овие телефони ги редефинираат сите можности кога станува збор за сигурноста и се пресврт во наследството на паметни телефони на Самсунг”, изјави ДЈ Кох (DJ Koh), претседател на бизнисот за мобилна комуникација при Самсунг Елекетроникс (Samsung Electronics).
Galaxy S8 продолжува со традицијата на Самсунг за креирање на неверојатни дизајни и функционални уреди. МоделотGalaxy S8 е достапен со големина од 5.8 инчи, додека Galaxy S8+ е достапен со големина од 6.2 инчи.Бескрајниот екран заедно со дизајнот кој овојпат ги изоставува рамките, заедно формираат рамна површина, без копчиња и остри рабови. Како резултат на супериорниот дизајн на корисниците им се овозможува прекрасно доживување при гледањето, без дистракции и олеснето извршување на повеќе задачи истовременото. Компактниот дизајн на Galaxy S8 овозможува удобна работа со една рака, а стаклото Corning® Gorilla® Glass 5 и од предната и од задната страна овозможува голема издржливост и висок квалитет.
Со континуираните иновации во дизајнот, Самсунг продолжува да обезбедува најсовремена технологија,омилена помеѓу корисниците, вклучувајќи:
- Премиум Камера:Galaxy S8 и S8+се опремени со напреден 8MP F1.7 паметен автофокус на предна камера и 12MP F1.7 Dual Pixel на задна камера за најдобри фотографии во услови на слабо осветлување, најдобар зум и заштита од заматени фотографии и можност за нивна напредна обработка.
- Моќни перформанси:Со моќните перформанси и можноста за поврзување, Galaxy S8 и S8+ се одликуваат со првиот чип од 10nm во оваа индустија, што овозможувапоголема ефикасност и брзина. Истотака се прилагодени за гигабајтна LTE и гигабајтна Wi-Fi мрежа, обезбедуваат поддршка од 1 Gbps, овозможувајќи им на корисниците брзо да ги превземат датотеките од Интернет, без разлика на нивната големина.
- Неверојатна забава:Како прв мобилен уред со премиум Високо Динамички Опсег (HDR), Galaxy S8 и S8+овозможуваат да се гледаат истите живи бои и контрасти кои авторите на содржините посакуваат да ги видите гледајќи ги вашите омилени содржини. Покрај тоа, Galaxy S8и S8+ нудатнапредно ниво за гејминг доживувања со живописна и супериорна графичка технологија, како и пакет на игри со врвни наслови, вклучувајќи ги и игрите поддржани од Вулкан АПИ(Vulkan API).
- Глобални стандарди во мобилната безбедност:Galaxy S8 и S8+ се базираат на Samsung Knox платформата. Покрај тоа, Galaxy S8 и S8+нудат широка палета на биометриски технологии вклучувајќи и скенер за отпечатоци од прст, скенер за зеницата на окото и фацијално распознавање,овозможувајќи им на корисниците можност да одберат безбеден ипроверен биометриски метод најсоодветен за нив.
Galaxy S8и Galaxy S8+ пристигнуваат со основни Galaxy функции, кои корисниците веќе ги обожаваат, како:
- Отпорност на вода и прашина според стандардот на IP68
- MicroSD поддршка од 256GB
- Always onDisplayфункција
- Способност за брзо и бежично полнење
Бигзби (Bixby) е интелигентен интерфејс кој ќе им помогне на корисниците да добијат повеќе од својот телефон. Со Бигзби копчето ќе можете лесно да пристапите до Бигзби и да дојдете до услугите и апликациите со едноставна гласовна команда, допир, визуелна или текстуална команда. По лансирањето, Бигзби гласовната функција ќе биде интегрирана со неколку вградени апликации и функции на Самсунг, вклучувајќи камера, контакти, галерија, пораки и опции.Во блиска иднина е планирано проширување на можностите за поголем број апликации од Самсунг и други производители. Способноста на контекстуалната свест овозможува Бигзби да понуди помош која ќе биде прилагодена соодветно за секој корисник, базирајќи се на континуираното следење на интересите на своите корисници, ситуацијата во која се наоѓа корисникот и моменталната локација.
Корисниците истотака можат да купуват, бараат слики и детални информации од блиски места со помош на Бигзби технологијата за распознавање на слики. Со раст на екосистемот на Бигзби, тој ќе се поврзува со сè поголем број на уреди, апликации и услуги како сèприсутен интерфејс, кој ќе отвори нови можности и опции за поедноставен живот.
Galaxy S8 и Galaxy S8+овозможуваат напреден спектар на производи и услуги, унапредувајќи го искуството на употреба на двата уреданаизвонредна мобилна продуктивност и можност за поврзување.
Galaxy S8 и S8+ отклучуваат нов Gear VR помошен контролер, лансиран од Oculus. Овозможувајќи лесна контрола и навигација со една рака, контролерот обезбедува подобра интеракција при движење, кога ќе се пристапи до интерактивната VR содржина. Galaxy S8 и S8+ исто така ќе се поврзат и со новиот Gear 360 и ќе произведе видео снимки од 360 степени во 4k резолуција и фотографии од 15 MP.
Samsung DeX претставува уникатно решение со кое вашиот паметен телефон ќе се трансформира во десктоп уред, користејќи ја моќта на процесирање на Galaxy S8и Galaxy S8+ моделите, со цел овозможување на напредна продуктивност. Тој обезбедува безбедна употреба во десктоп средина. Со помош на Samsung DeXкорисниците лесно може да прикажат и да менуваат податоци на својот телефон, правејќи ја работата со паметниот телефон побрза и поефикасна.
Покрај тоа, со зголемување на бројот на “IoT“уреди кои ќе излезат на пазарот и усложнувањето на мрежата на поврзани уреди, Samsung Connectќе обезбеди поедноставно управување со паметните уреди. Samsung Connect им овозможува на корисниците лесно да ги активираат уредите кои се оспособени за работа во рамки на “IoT”, преку едноставен процес на конфигурирање во три потези, а со тоа им нуди можност да управуваат со сите поврзани уреди преку една интегрирана апликација.
Моделите Galaxy S8 и S8+пристигнуваат со збогатенаSamsung Health услуга, проширувајќи ја една од најкористените услуги на Самсунг, со преку 60 милиони активни корисници месечно и околу 11 милиони дневни корисници ширум светот. Samsung Health вклучува:теле-здравје (само во САД), персонално тренирање, социјални способности кои ги редефинираат традиционалното здравје и кондиција.
Корисниците со Samsung Pay може да го остават својот физички паричник, претворајќи ги нивнитеGalaxy S8 и S8+во дигитални паричници кои може да ги користат речиси секаде каде би користеле кредитна или дебитна картичка. Со повеќе од 870 партнерства со банките ширум светот, Samsung Pay до денес има има испроцесирано повеќе од 240 милиони трансакции.
Новите слушалки со високи перформанси, во чија изработка учествувале и AKG од Harman, нудат аудио репродукција без компромис за ненадминливиот квалитет на звукот и се составен дел од секое пакуување. Овие слушалки овозможуваат удобно поставување во увото, обезбедувајќи поголемо пригушување на звуците од средината. Слушалките ќе бидат изработени од метални ткаенини кои спречуваат нивно заплеткување.
Моделите Galaxy S8 и S8+ ќе бидат достапни за продажба во Европа од 28-ми април 2017, а потрошувачите ќе може да одберат од богатата палета на бои, која ги опфаќа нијанските “полноќно црна“, “орхидеја сива“и “арктички сребрена“. Сите заинтересирани уште денес ќе бидат во можност да извршат пред-порачка кај операторите, како би можеле да го добијат својот паметен телефон, согласно моменталните залихи, пред почетокот на официјалната продажба./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
Претставничкиот дом на САД го забрани „Ватсап“ на службените уреди
На помошниците во Конгресот на САД наводно им било кажано дека повеќе не можат да го користат WhatsApp (Ватсап) на службени уреди. Главниот административен службеник на Претставничкиот дом (CAO) наводно во понеделникот го известил персоналот дека апликацијата – вклучувајќи ги мобилните, десктоп и веб верзиите – не е дозволена на уредите управувани од Претставничкиот дом.
„Канцеларијата за сајбер безбедност процени дека WhatsApp претставува висок ризик за корисниците поради недостаток на транспарентност во однос на заштитата на корисничките податоци, недостатокот на енкрипција на податоците во складиштето и потенцијалните безбедносни ризици поврзани со неговата употреба“, навел CAO во електронската пошта, според „Аксиос“
Microsoft Teams, Wickr, Signal, iMessage и FaceTime се наведени како прифатливи алтернативи. Вработените беа потсетени и да бидат претпазливи во врска со можни фишинг напади.
„Не се согласуваме со карактеризацијата што ја даде главниот административен службеник на Претставничкиот дом“, напиша портпаролот на Мета, Енди Стоун, на Network X.
„Знаеме дека членовите на Конгресот и нивните соработници го користат WhatsApp редовно и со нетрпение очекуваме да им дозволиме на членовите на Претставничкиот дом да го користат официјално, како што веќе прават нивните колеги од Сенатот. Пораките на WhatsApp се заштитени со енкрипција, што значи дека може да ги види само примателот, дури ни WhatsApp нема пристап. Тоа е повисоко ниво на безбедност отколку за повеќето апликации од списокот на CAO кои ја немаат оваа заштита“.
Оваа мерка доаѓа по ограничувањата за користење на други апликации кои беа оценети како ризични. Меѓу нив се ChatGPT, TikTok, DeepSeek и Microsoft Copilot.
Hitech
Веројатно никогаш не сте слушнале за неа: најмладата светска милијардерка доаѓа од ВИ-светот
Според „Форбс“, 30-годишната претприемачка од Силиконската долина и коосновач на Scale AI е најмладата милијардерка што сама го стекнала бизнисот.
Scale AI е американска компанија со седиште во Сан Франциско која развива и обезбедува решенија за забрзување на развојот на апликации базирани на вештачка интелигенција – за кои можеби никогаш не сте слушнале досега. Нивниот основен бизнис е управување со податоци и трансформација во висококвалитетни бази на податоци кои се клучни за обука и подобрување на моделите со вештачка интелигенција. Услугите на Scale AI ги користат големи технолошки компании како што се OpenAI, Meta, Microsoft и Nvidia, како и автомобилската индустрија, како и голем број владини и одбранбени институции на САД.
Компанијата, која постои девет години, моментално е во процес на собирање капитал и ќе им овозможи на своите рани сосопственици да ги продадат своите акции на надворешни инвеститори. Овој процес треба да биде завршен до 1 јуни и би можел да ја зголеми проценката на Scale AI на дури 25 милијарди долари, или 80% повеќе од вредноста постигната минатата година во мај, кога стартапот собра 1 милијарда долари инвестиции со проценка од 13,8 милијарди долари.
View this post on Instagram
Новата рунда инвестиции во компанијата носи и големо зголемување на личното богатство на нејзините основачи, меѓу кои се издвојува Луси Гуо – американска претприемачка за која можеби исто така никогаш не сте слушнале досега. Таа учествуваше во основањето на Scale AI кога имаше само 22 години. Таа го лансираше стартапот заедно со Александар Ванг, сегашниот извршен директор, но поради меѓусебни несогласувања, ја напушти компанијата по само две години, задржувајќи околу 5% од сопственичкиот удел.
Со очекувана проценка од 25 милијарди долари, Гуо скокна на скалата на млади богати жени на првото место. На само 30 години и со богатство од 1,25 милијарди долари, таа се најде на врвот на листата на „Форбс“ на милијардери кои сами си го стекнале богатството. Така, таа ја „детронизираше“ музичарката Тејлор Свифт, која е пет години постара.
Откако ја напушти Scale AI, Гуо го основа својот фонд за ризичен капитал, Backend Capital, а во 2022 година ја лансираше платформата Passes, конкурент на OnlyFans и Patreon, која им овозможува на креаторите на содржини и познатите личности директно да комуницираат и да монетизираат односи со фановите. Passes досега собра околу 50 милиони долари инвестиции, во вредност од околу 150 милиони долари, па затоа нејзиното вкупно богатство, ако се вклучи и тој проект, е уште поголемо.
Hitech
Која е Мира Мурати, Албанката што ја тресе Силиконската долина: Ја напушти „Опен АИ“, па создаде компанија
Мира Мурати, поранешена главна технолошка директорка (СТО) на „Опен АИ“ и краткотраен в.д. извршен директор по соборувањето на Сем Алтман во 2023 година, повторно е во центарот на вниманието.
Триесет и шестгодишната девојка сега води своја сопствена стартап компанија за вештачка интелигенција – „Тинкинг Машинс Лаб“ – која планира да собере рекордни 2 милијарди долари основен капитал.
Стартапот е основан кон крајот на 2024 година, и додека малку се знае за неговите производи, Мурати неодамна откри дека развиваат модели со вештачка интелигенција фокусирани на соработка меѓу човекот и машината. Според „Бизнис Инсајдер“, оваа почетна рунда на финансирање може да биде најголема во историјата, а вредноста на стартапот се проценува на повеќе од 10 милијарди долари.
Патот од Албанија до врвот на светската технолошка сцена
Ермира „Мира“ Мурати е родена во албанскиот град Валона, а на 16-годишна возраст добила стипендија на колеџот Пирсон во Канада. Студиите ги продолжила во САД, каде што се стекнала со две дипломи – уметност на колеџот Колби и инженерство на колеџот Дартмут. Во раните фази од нејзината кариера, таа работела во Токио и Франција, а потоа како менаџер во „Тесла“, каде што учествуваше во развојот на „Модел Икс“
Помеѓу 2016 и 2018 година, таа работеше на развој на технологија за проширена реалност во „Лип Моушн“ (сега позната како „Ултралип“).
Улогата во развојот на „Чат ГПТ“ и драматичното заминување од „Опен АИ“
Мурати се приклучи на „Опен АИ“ во 2018 година како потпретседател за применета АИ технологија, а ќе стане CTO во 2022 година. Таа беше клучна фигура во развојот на „Чат ГПТ“, „Дал-Е“ и други напредни модели. По ненадејното соборување на Алтман кон крајот на 2023 година, таа накратко ја презема улогата на в.д. директор, но Алтман се враќа на позицијата по само една недела.
После тоа, Мурати се повеќе излегува во јавноста како заштитно лице на компанијата – таа учествуваше на презентацијата на моделот „Чат ГПТ 4-o“ и се појави на Мет Гала 2024 година, каде „Опен АИ“ претстави персонализиран четбот.
Таа е позната по нејзиниот повнимателен пристап кон развојот на вештачката интелигенција и нејзиното застапување за регулирање на оваа технологија.
„Не треба да се потпираме на саморегулација од страна на компаниите. Регулаторите мора да бидат вклучени“, рече таа во интервју за Тајм.
„Тинкинг Машинс Лаб“– мистериозна стартап компанија која регрутира поранешен персонал на „Опен АИ“
По напуштањето на „Опен АИ“ во септември 2024 година, Мурати ја основа „Тинкинг Машинс Лаб“, која излезе на берза во февруари 2025 година. Нејзините вработени вклучуваат голем број поранешни инженери од „Опен АИ“, „Мета“ и „Антропик“. Некои од креаторите на „Чат ГПТ“, како Џон Шулман и Барет Зоф, исто така се приклучија на тимот.
Визијата и инспирацијата на Мира Мурати
За приватниот живот на Мира Мурати се знае многу малку. На Канскиот филмски фестивал во 2024 година, таа сподели анегдота за тоа како нејзината мајка првпат го прашала „Чат ГПТ“ кога Мира ќе се омажи. Инспирацијата ја наоѓа во филмот „2001: Вселенска одисеја“ и поетската збирка на Рајнер Марија Рилке, додека како една од нејзините омилени песни ја наведува „Параноид Андроид“ на „Рејдиохед“
За Мурати, вештачката општа интелигенција која може да се прилагоди, да учи сама и да решава широк опсег на задачи – ја претставува последната и најважна технологија што ќе ја создаде човештвото. Како што вели таа, оваа визија е причината поради која дошла од „Тесла“, преку „Лип Моушн“, до „Опен АИ“ и сега до сопствен стартап за вештачка интелигенција.
Три реформски закони за администрацијата ја поминаа првата фаза
Собранието даде поддршка на предлог законот за вработените во јавниот сектор, предлог на законот за административни службеници и на предлог...
Арсовска: Внукот на градоначалникот на Студеничани градел објект кога имал 5 години, а го легализирал на 6
Градоначалничката на Град Скопје, Данела Арсовска, иронично објави дека внукот на Азем Садики, градоначалникот на ДУИ од Студеничани, на 5 години...
Муцунски: Од позиција на климање со глава, се вративме на патот на самопочит и влијание
Во Министерството за надворешни работи и надворешна трговија се одржа прес-конференција по повод една година од мандатот на Владата. Во...
Ризик од појавa на пожари поради високите температури: МЗШВ апелира на претпазливост
Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...
Ранливите потрошувачи и натаму незаштитени: итни мерки барат Инжинерите на Македонија
Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...
Се очекува Македонија годинава да ја посетат 1,5 милиони туристи, најбројни се гостите од Турција
Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...
Казни и до 2.000 евра: МВР со потсетување на целосната забрана за движење во шумите
Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...
Ја давел, ја влечел по подот и ја удирал: обвинение за семејно насилство во Бутел
Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...
Постигнат договор меѓу САД и Кина? Ретки метали за Американците, помалку царини за Кинезите
САД постигнаа договор со Кина за тоа како да се забрзаат испораките на ретки земни метали во САД, изјави синоќа...
Сијарто: Украина погрешно мисли дека може да се приклучи на ЕУ без поддршката на Унгарија
Унгарскиот министер за надворешни работи Петер Сијарто изјави дека Министерството за надворешни работи на Украина погрешно мисли дека земјата може...
Да го имавме на нишан, ќе беше елиминиран: Кац за врховниот лидер на Иран
Израелскиот министер за одбрана Израел Кац изјави дека за време на неодамнешниот дванаесетдневен вооружен конфликт со Иран, Израел се обидел...
ЕУ ги продолжува санкциите кон Русија
Лидерите на земјите-членки на Европската Унија (ЕУ) го поддржаа обновувањето на секторските санкции против Русија за уште шест месеци, до...
Масовни напади од двете страни: Украина испрати дожд од беспилотни летала кон Волгоград, Русија тргна кон Запорожје
Ноќниот напад на руски беспилотни летала врз Запорожје предизвика серија пожари и штети на индустриски згради и гаражни објекти, објави...
Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот
Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...
(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал
Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...
Од 1 јули целосна забрана за движење во шумите
Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...
(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ
На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...
Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ
Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...
Топлотни бранови низ целиот свет: „Многу е рано, не изгледа добро“
Поради неподносливата топлина, Торонто одлучи да ги држи своите градски базени отворени речиси до полноќ. Британците масовно бегаат кон брегот....
Синдикат на култура: Работници немаат добиено плата за мај, инструкции се даваат по телефон
Две институции од областа на културата, НУ Стоби и ЈУ Универзална сала, немаат плата за мај. Причината лежи во тоа...
