Црна хроника
Татко си уби четири деца и уште две други лица во Тексас
![](https://makfax.com.mk/wp-content/uploads/2016/10/american-police-cars.jpg)
Едно машко лице во предградие на Хјустон уби четири свои деца, како и две возрасни лица кои биле со нив, а тешко ја рани својата петнаесетгодишна ќерка, соопшти американската полиција.
Повредената тинејџерка, иако ранета во главата успеала да ја повика полицијата и да предупреди дека нејзиниот татко планира да замине во куќата на баба и’ и дедо и’ за да ги убие и нив, рече полицаецот Томас Џилиленд.
Осомничениот убиец се предал, откако ополицијата три часа го држела опколен, по кусата потера. На крајот излегол од колата и се предал на полицијата.
Според зборовите на полицаецот Џилиленд, на предавањето му претходело два часа постојани преговори со осомничениот, кој држел пиштол вперен во својата глава.
Убиени се момчиња на возраст од четири и 14 години, девојчиња на возраст од седум и девет години, како и еден маж од 39 години и жена од 33 години.
Убиецот и неговата жена се раведуваат и биле во лоши односи. Таа во моментот на трагедијата била надвор од Тексакс. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Тепачка во КПУ „Затвор Скопје“: претепан затвореник од Пакистан
![](https://makfax.com.mk/wp-content/uploads/2022/08/zatvor-policija...jpg)
Денеска во 00.30 часот во СВР Скопје од КПУ Затвор Скопје било пријавено дека на 27.06.2024 околу 22.40 часот во установата А.Т.(37) физички го нападнал Ш.Х.(34) од Пакистан (двајцата притворени лица).
Ш.Х. се здобил со телесни повреди констатирани од страна на лекар во Комплексот клиники „Мајка Тереза“.
Полицијата соопшти дека се преземаат мерки за расчистување на случајот.
Црна хроника
Штипјанец ја претепал мајка му и искршил дел од покуќнината
![](https://makfax.com.mk/wp-content/uploads/2023/03/policija-1.jpg)
Утрово во 00.00 часот во Штип, полициски службеници при СВР Штип го лишиле од слобода Г.А.(38) од Штип.
Тој на 27.06.2024 околу 15.30 часот во семејниот дом во Штип физички ја нападнал својата 63-годишна мајка, а потоа и упатувал закани и кршел дел од покуќнината.
По целосно документирање на случајот ќе следува соодветен поднесок, соопшти полицијата.
Топ
Ги силувал неговите ќерки: уапсен 36-годишен маж од Прилепско
![](https://makfax.com.mk/wp-content/uploads/2022/01/apsenje.jpg)
Вчера во 17.15 часот полициски службеници од ОВР Прилеп го лишија од слобода А.Р. (36) од прилепско село.
Полицијата постапила по претходна пријава од малолетничка од прилепско село, која во присуство на социјален работник и нејзината мајка пријавила дека во временскиот период од 2021 година до вчера нејзиниот татко А.Р. неколку пати извршил обљуба врз неа и нејзината сестра.
МВР соопшти дека е известен јавен обвинител и се преземаат мерки за расчистување на случајот.