Daily news
Макрон и Брижит – романса што трае
Младиот француски политичар и кандидат за претседател кој ќе се бори со Марин Ле Пен за победа во вториот круг на изборите, Емануел Maкрон, привлекува внимание и поради интересниот приватен живот.
Макрон, кој има 39 години, е во брак со 24 години постарата Брижит Троњо, негов наставник по француски јазик и литература во средното училиште – и католик. Двајцата се сретнале кога Maкрон имал само 15 години, а се зближиле за време на организирањето на една училишна престава. Брижит тогаш била во брак и имала три деца.
Денес има 63 години и седум внуци. Двајцата од почетокот молчеле за нивната врска, но неговите родители наскоро дознале и жестоко се спротивставиле.
Ани Фулда, писателка која напиша книга за животот на Макрон изјави дека на професорката тие и забраниле да се гледа со нивниот син, барем додека не наполни 18 години.
“Не можам да ви ветам”, им одговорила таа тогаш, но тие и покрај тоа не поднеле обвинение против неа затоа што има афера со малолетниот син.
“Никој нема да знае во кој момент нашата врска се претвори во љубов, тоа секогаш ќе биде наша тајна”, изјави Брижит за Ројтерс. Родителите на Макрон верувале дека Макрон преку професорката се обидува до дојде до нејзината ќерка, и биле шокирани кога сфатиле за што станува збор.
Инаку, нејзината најмлада ќерка, која сега има 30 години, работи во неговата кампања. Најстариот син е две години постар од Макрон, а ќерката на кои првично се сомневаа неговите родители е на иста возраст како него.
“Нашата разликата во годините никому немаше да биде чудна што беше постар тој од мене”, вели оваа поранешна професорка. Со меѓусебен договор тие решиле да немаат деца, а Троњо е многу ангажирана во животот на нејзиниот сопруг и за време на кампањата.
“Ако ме изберете, не се извинувам, ако не изберете таа ќе биде тука за мене, да има улога и место во сè. Јас и должам многу, ми помогна да станам она што сум “, изјави Макрон за Брижит.
Во последно време има шпекулации дека Maкрон всушност е геј и дека бракот со Брижит е само маска.
“Му реков: Ќе одиш да го негираш тоа, нели?“, рече неговата мајка кога ги слушна гласините. “Се разбира дека не,само ќе ги хранам ваквите неосновани гласини”, одговорил Макрон, кого по се изгледа мислењата и приказните на другите не го мачат воопшто.
По Франсоа Оланд, кој не се кандидираше за втор мандат меѓудругото и поради скандалот со љубовниците и брзо откако стана претседател ја остави Јелисејската палата без прва официјална дама, и по Николас Саркози кој ја донесе Карла Бруни кога веќе беше на претседателската функција, ако победи Макрон ќе внесе уште една егзотична епизода во врвот на Франција. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.