Црна хроника
Се одложи „Пуч“, Јанева побара во суд да се појави Груевски
Судењето за случајот „Пуч“, во којшто обвинет е и лидерот на опозицијата Зоран Заев, се одложи, на барање на Специјалното јавно обвинителство, кое го презеде овој случај.
Специјалната јавна обвинителка Катица Јанева, побарала од судот да и бидат доставени копии од доказите за овој предмет и бидејќи судот не го дозволил тоа, поднела жалба до Апелациониот суд кој треба да се изјасни за ова барање.СЈО ги бара доказите, како што рекоа, за да можат да го подготват воведниот збор за ова судење, иако увидот е завршен, а тим од специјалното обвинителство доаѓаше во судот за да изврши увид. Јанева изрази сомнеж дека судот не поседува сертификат за класифицирани информации којшто е потребен во овој случај, при што побара да и бидат презентирни сертификатите доколку судот ги пседува.Исто така, Јанева побара сведокот во овој случај, кој исто така е и оштетен, претседателот на ВМРО-ДПМНЕ, Никола Груевски, да биде присутен на сите расправи и рочишта.„Судот треба да констатира дека нема уислови за одржување на судското рочиште“, рече Катица Јанева.На забелешките на СЈО, судиката Љубинка Башеска рече дека судот нема никаква обврска на странките да им предочуваат сертификати и рече дека судот не би се впуштил во работа на овој предмет доколку немаат овластувања.Според неа, кога ќе бидат презентирани доказите кои се сметаат за класифицирани, јавноста ќе биде исклучена, доказите ќе бидат декласифицирани, а увид во нив ќе имаат само ограничен број луѓе.Во врска со сведокот во овој случај, Башеска рече дека судечкиот совет е тој што го определува темпото на водење на расправата и рече дека ќе биде повикан кога ќе има услови за тоа.На судското рочиште беше присутен и лидерот на СДСМ Зоран Заев, како и првообвинетиот Зоран Верушевски и неговата сопруга. Верушевски бурно реагираше и не сакаше снимателите да ги снимаат нив во судницата.Заев по рочиштето даде изјава во која рече дека не постои суд во светот кој го одолговлекува случајот и не сака да утврди правда.„Под изгвор за класифицирани информации судот кој не поседува сертификат не го доставува предметот на СЈО, кое поседува сертификат за класифицирани информации. Ова е одолговлекување до бескрај за да може Заев, Верушевски и другите да ги сликаат пред судот борејќи се за правда во пресрет на предвремените парламентрни избори“, рече Заев. Тој рече дека Груевски избегнува да дојде во судот. „Сведокот е единствен во овој предмет, се вика Никола Груевски и тој избегнува да се појави овде пред судот“, рече Заев.Судењето е одложено за 3 мај./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.