Црна хроника
Отворена постапка против три лица за убиството на 26-годишен охриѓанец
Основното јавно обвинителство Охрид отвори постапка против три лица, осомничени за вчерашниот настан во кој животот го загуби 26-годишен жител на Охрид, соопштија во саботата од обвинителството и додаваат дека Основното ја продолжуваат истрагата за овој случај.
За трите лица, државјани на Србија, од страна на надлежен обвинител е побарано одредување мерка притвор. Судија на претходна постапка за трите лица определи притвор во времетраење од 30 дена. Еден од осомничените се гони за кривично дело Убиство од чл.123 ст.2 од Кривичниот законик – убиство извршено на свиреп начин. Другите двајца, пак, се товарат за кривично дело Помагање од чл. 365 од Кривичниот законик.Претходно охридската полиција соопшти дека го расветлила случајот околу смртта на младиот човек во новогодишната ноќ во близина на кафе барот „Табана“, соопштувајќи дека станува збор за жител на Охрид кој бил до смрт претепан од српски турист, како и дека против учесниците во насилството подигнало кривична пријава.Според СВР Охрид, станува збор за 26-годишниот Димитар Матлиески од Охрид, кој им подлегна на повредите во општата болница во Охрид, откако претходно пред кафе барот „Табана“ беше физички нападнат од српски турист. Српскиот државјанин на сега починатиот на плочникот од улицата пред влезот на кафе-барот му нанел повеќе удари со раце и нозе по главата и телото.На овој напад, му претходела жестока вербална расправија меѓу две групи во кои од една страна бил сега починатиот Димитар и уште други двајца негови пријатели, а од другата страна бил српскиот државјанин од Краљево со уште двајца други негови пријатели. Оваа вербална расправија со меѓусебна турканица се случила внатре во кафе барот „Табана“. Тука натамошниот тек на нарушувањето бил спречен од вработените во кафе барот. Напуштајќи го кафе барот, сега починатиот бил повторно физички нападнат од српскиот државјанин кој пред угостителскиот објект му задал повеќе силни удари со раце и нозе.Од местото на настанот, Димитар кој имал сериозни телесни повреди со возило на брза помош е пренесен во општата болница во Охрид каде по половина час им подлегнал на повредите.Охридската полиција го обезбеди местото на настанот и во содејство и присуство на Јавен обвинител извршен е увид и обезбедени се материјални траги. По добиени сознанија, извршен е претрес во седум соби во објектот „Табана“, со цел пронаоѓање на сторителите на кривичното дело.Во една од собите, пронајден е српскиот државјанин каде бил сокриен од неговите двајца пријатели. Во истата соба, пронајдени и обезбедени се траги од крв и на дел од облеката на обвинетиот. Во другите простории пронајдени се вкупно пет други српски државјани кои биле заедно со осомничениот и биле соучесници во нарушувањето на јавнит ред и мир во објектот. Сите лица се приведени во СВР Охрид а три од нив по дополнителни оперативни мерки беа задржани.Претходно преземени се мерки за анкетирање на очевидци и вработени во угостителскиот објект. По наредба на јавниот обвинител, беше извршена обдукција врз телото на починатиот. /крај/мф/ап
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.