Европа
Придружничката на Немцов ги раскажа околностите за убиството на политичарот
Главниот сведок и очевидец на убиството на рускиот опозициски политичар Борис Немцов од петокот пред полноќ во непосредна близина на Кремљ, изјави дека убиецот се појавил зад нив на мостот, а не дошол по скалилата како што претпоставуваа претходно некои медиуми по прегледувањето на снимки од надзорните камери во близина на местото на атентатот.
Педесет ипетгодишниот Борис Немцов, поранешен министер и прв вицепремиер во владите од периодот на претседателот Борис Елцин, е застрелан со четири куршуми во грбот, додека преку Големиот мост на реката Москва со 23-годишната државјанка на Украина, моделот Ана Дурицка, се движеле кон неговиот дом. И покрај истреланите вкупно осум куршуми, девојката не била погодена.
Во емисијата за руската телевизијата „Дожд“, Дурицка изјави дека не се сеќава најдобро на вечерта кога беше застрелан Немцов. Сепак, таа тврди дека убиецот стоел зад нив, и пукал во грбот на политичарот. Кога Немцов се струполил на тротоарот таа истрчала кон возачот на возилото за отстранување снег и самата повикала полиција која пристигнала десет минути по повикот.
Што се случувало во периодот непосредно по убиството и пред доаѓањето на полицијата, девојката изјави дека не се сеќава. Според неа, тие се сретнале откако Немцов давал интервју и се упатиле кон неговиот стан. Самата Дурицка не забележала дека некој ги следи.
Ана Дурицка ја исклучува верзијата дека мотив за убиството е љубомора или завист. „Не сметам дека тоа се случи од љубомора. Никакви закани немаше“, рече главниот сведок на убиството на Немцов, кое поради критичката позиција на политичарот кон политиките на Кремљ предизвика реакции од целиот свет со барање за транспарентна истрага.
Дурицка, исто така, изјави дека иследниците не и’ дозволиле да ја напушти Москва поради безбедносни причини. Претходно во неделата московскиот адвокат Вадим Прохоров, кој беше правен застапник на Немцов а сега и на неговата партнерка, изјави дека Дурицка ја одбила програмата за заштита на сведоци и побарал што поскоро да се врати дома во Киев. „Истражителите рекоа дека за мене не е безбедно да ја напуштам Москва“, вели девојката, истакнувајќи дека таа многу посакува „да се врати дома кај мајка ми, која е многу болна и се наоѓа во тешка психичка состојба“.
Претходно министерството за внатрешни работи на Украина упати до руските власти нота со барање да му овозможат на сведокот (Дурицка) да ја напушти нивната земја. Според адвокатот Прохоров, Дурицка нема да ја напушти Русија до средина на седмицава. „До среда таа никаде нема да замине, бидејќи со неа се планирани уште истражни дејствија“, изјави Прохоров за руските медиуми во понеделникот.
Во разговорот за телевизијата, Дурицка изјави дека, според сé судејќи, нема да присуствува на погребот на Немцов, „Многу ми е тешко. Јас не можам никаде да одам. Веројатно нема да присуствувам на погребот. Додаде дека се наоѓа во многу тешка психолошка состојба и неа сака ниту да зборува, ниту да го споменува моментот кога е убиен Немцов. Таа потврдила дека со политичарот се запознала поред три години.
Инаку од истрагата за убиството на Немцов, којашто ја водат челниците на полициските и безбедносни служби кои постојано му даваат отчет на претседателот Владимир Путин, и во понеделникот соопштија дека се разгледуваат најмалку пет можни верзии за убиството на опозицискиот политичар.
Покрај опцијата за убиство од лична нетрпеливост или поради деловни односи, се разгледуваат и траги кои водат кон конфликтот во Украина, поради неговото критикување на односот на Москва кон кризата во соседната земја, но и можна исламска екстремистичка трага, поради неговите изјави во врска со исламистичките напади во јануари во Париз, и имајќи го предвид неговото еврејско потекло.
Меѓутоа, Истражниот комитет на Руската Федерација истакна дека не се исклучува и варијантата дека станува збор за политички мотивиран атентат со цел да се предизвика дестабилизација на политичката ситуација во земјата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.